<p><span style="color: #000000;">ព័ត៌មានតារា ៖ គួរបញ្ជាក់ថា សោកនាដកម្ម នៃគ្រោះថ្នាក់ចរាចរណ៍ ថ្ងៃទី ៣០ វិច្ឆិកា ឆ្នាំ ២០១៣កន្លង ទៅនេះ ឈានដល់ករណីស្លាប់បាត់បង់ជីវិត លោក Paul Walker តួឯករឿង ប្រឡាំងរថយន្តជាស៊េរី Fast & Furious នោះ បានធ្វើអោយពិភពលោកតក់ស្លុតជាខ្លាំង ជាមួយនឹងការបាត់បង់ កំពូលតារា សម្តែងរូបនេះ ស្របពេលដែល បច្ចុប្បន្នភាព នៃការនឹកគិតដល់ ការបាត់បង់រូបលោក នៅតែបន្តមាន នៅឡើយ ទន្ទឹមនឹងការចាក់បញ្ជាំង ខ្សែ ភាព យន្តថ្មី និង ជា ស្នាដៃ សម្តែង ចុងក្រោយ លោក Paul Walker នោះគឺ Fast & Furious 7 ដែលទទួលបានការគាំទ្រ ពីជុំវិញពិភពលោក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/20/51-20-06-2015--10-47-57.jpg"><img src="/FileManager/Articles/mce/2015/6/20/51-20-06-2015--10-47-57.jpg" alt="" /></a><br /></span></p>
<p><span style="color: #000000;">តែដឹងអីថា ព័ត៌មានដ៏រស៊ើបស្តីពីករណីស្លាប់ លោក Paul Walker បានផ្ទុះឡើងសាជាថ្មីក្នុងរយៈពេល ប៉ុន្មានថ្ងៃចុងក្រោយនេះ បន្ទាប់ពីសារព័ត៌មានបរទេស បានចុះលើទំព័រមុខរបស់ខ្លួនអោយដឹងថា មិត្ត ជិតស្និទ្ធលោក Paul Walker លួចរថយន្តទំនើបច្រើនគ្រឿង បន្ទាប់ពី លោកគ្រោះថ្នាក់ចរាចរណ៍ស្លាប់ មិនដល់ ២៤ ម៉ោងផង នោះ ពោល សារ ព័ត៌មាន បរទេស បាន ចុះផ្សាយអោយដឹងថា មិត្តជិតសិទ្ធ លោក Paul Walker ដែល មាន ឈ្មោះថា Richard Taylor រងនូវការចោទប្រកាន់ ពីបទលាក់បាំង រថយន្ត ក៏ដូចជា លួចរថយន្ត ជាច្រើនគ្រឿងចេញពីឃ្លាំងមួយកន្លែង ក្នុងក្រុង Valencia រដ្ឋ California សហរដ្ឋអាមេរិក ក្នុង រយៈពេល មិនដល់ ១ ថ្ងៃ ផង នោះ បើចាប់គិត ពីគ្រោះថ្នាក់ស្លាប់លោក Paul Walker ។</span></p>
<p><span style="color: #000000;">គួរបញ្ជាក់ នៅពេលដែល Paul Walker ជួបសោកនាដកម្ម គ្រោះថ្នាក់ចរាចរណ៍ស្លាប់បាត់បង់ជីវិត នា ពេលនោះ លោកមានរថយន្តទំនើបៗផ្ទាល់ខ្លួនដល់ទៅ ៣០ឯណោះក្នុងនោះមួយគ្រឿងដែលត្រូវបាន លួចយកទៅនោះ គឺជារថយន្ត ទំនើប ម៉ូដែល 2011 Porsche GT3 RS មាន សណ្ឋានរូបរាង ដូចរូប ភាពខាងក្រោមនេះ ។ </span></p>
<p><a class="thickbox" title="" href="/FileManager/Commons/2015/6/20/50-20-06-2015--10-48-14.jpg"><img src="/FileManager/Articles/mce/2015/6/20/50-20-06-2015--10-48-14.jpg" alt="" /></a></p>
<p><span style="color: #000000;">មិនត្រឹមតែប៉ុណ្ណោះ សេចក្តីរាយការណ៍ បន្ថែមអោយដឹងថា រថយន្តទំនើប ៦ គ្រឿងផ្សេងៗទៀត របស់ លោក Paul Walker ដែល បាន បាត់ទៅនោះ រួមមានដូចជា 2008 BMW M3, a 2006 Crown Victoria និង a 2004 GMC ជាដើម ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/20/70-20-06-2015--10-49-17.jpg"><img src="/FileManager/Articles/mce/2015/6/20/70-20-06-2015--10-49-17.jpg" alt="" /></a><br /></span></p>
<p><span style="color: #000000;">បច្ចុប្បន្នភាព ខណៈមានការដាក់ពាក្យបណ្តឹង ពី ឪពុក ជនរងគ្រោះ ទៅលើករណីបាត់ និង លួចរថ យន្ត ទំនើបច្រើនគ្រឿងខាងលើ ជនជាប់ចោទ លោក Richard Taylorពុំទាន់មានការចេញមុខស្រាយ បំភ្លឺអ្វីនៅឡើយទេ ស្របពេល ភ្នាក់ងារ មានសមត្ថកិច្ច កំពុងតែធ្វើការតាម ដានស៊ើបអង្កេត ឯករាជ្យ និង ជាផ្លូវការ ទៅលើករណីពាក្យបណ្តឹងមួយនេះខណៈឪពុកជនរងគ្រោះ ជាដើមបណ្តឹងនោះទាមទារ ដោយតម្រូវអោយ ជនជាប់ចោទ Richard Taylor សងត្រលប់មកវិញនូវបណ្តារថយន្តទំនើបឬក៏សាច់ ប្រាក់មួយចំនួន ក្នុងករណីគេលក់រថយន្តទាំងនោះចេញបាត់ទៅហើយ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ huffingtonpost និង moviepilot</span></p>