<p><span style="color: #000000;"><strong>ហាណូយ៖</strong> អាជ្ញាធរវៀតណាម បានប្រកាសឲ្យដឹង ជាលើកដំបូងនូវករណីជំងឺ គ្រុនផ្តាសាយ បក្សីប្រភេទ H1N1 ឆ្លងពីសត្វមកដល់មនុស្ស នៅក្នុងឆ្នាំ ២០១៥។ នេះបើតាមការអះអាងពី អគ្គនាយករដ្ឋាននៃ វេជ្ជសាស្ត្របង្កាជំងឺឆ្លង របស់ក្រសួងសុខាភិបាល (GDPM) នៅក្នុង រដ្ឋធានី ហាណូយ នៅថ្ងៃចន្ទ ទី២៣ ខែមីនា ឆ្នាំ២០១៥។</span></p>
<p><span style="color: #000000;">ទីភ្នាក់ងារព័ត៌មានចិនស៊ិនហួ ចេញផ្សាយតាម របាយការណ៍ ពីនាយករដ្ឋានខាងលើនេះ ទៀតថា តាមការតាមដានពីថ្ងៃទី ១៤ ដល់ ២១ ខែមីនា កន្លងទៅនេះ គេបានរកឃើញអ្នក ជំងឺ ប្រមាណជា ៣៣នាក់ ដែលពួកគេទាំងនោះ ជាសិស្សសាលាបឋមសិក្សា នៅក្នុងខេត្ត ឡាមដុង ភាគកណ្តាលប្រទេស ចម្ងាយ ១.០៥០ គីឡូម៉ែត្រពីទីក្រុងហាណូយ ។</span></p>
<p><span style="color: #000000;">GDPM អះអាងថា ក្រោយពីការពិនិត្យរោគលើកុមារទាំងនោះ ទើបដឹងថា មានម្នាក់កំពុង ទទួលរងគ្រោះដោយសារជំងឺផ្តាសាយបក្សី ដែលបង្ហាញវត្តមាន នៅវៀតណាម ជាលើកដំបូង កាលពីឆ្នាំ ២០០៩។ ក្មេងទាំងអស់ ត្រូវបានបញ្ជូនទៅកាន់មន្ទីរពេទ្យ ជាមួយនឹងអាការៈ ក្តៅខ្លួន, ក្អក, និង កណ្តាសជាញឹកញាប់។</span></p>
<p><span style="color: #000000;">ទោះបីជាបែបនេះក្តី កុមារទាំង ៣៣នាក់នោះ មិនទាន់ត្រូវបានអនុញ្ញាត ឲ្យចេញពីមន្ទីរពេទ្យ ឬ ក៏ទៅរៀនវិញនៅឡើយទេ ព្រោះក្រុមគ្រូពេទ្យរង់ចាំ ពិនិត្យមើលអាការៈរោគ បន្តទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/23/63-23-03-2015--16-18-45.jpg"><img src="/FileManager/Articles/mce/2015/3/23/63-23-03-2015--16-18-45.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ដើមអម្ពិល និង ស៊ិនហួរ</span></p>