<p><strong>ភ្នំពេញ: នៅថ្ងៃទី១៣មិថុនាខាងមុខនេះ ក្រុមជម្រើសជាតិអាយុក្រោម ២២ឆ្នាំរបស់<br />កម្ពុជា</strong><strong>នឹងស្វាគមន៏ក្រុមបាល់ទាត់ជម្រើសជាតិអាយុក្រោម ២២ឆ្នាំរបស់ហ្វីលីពីនក្នុង<br />ការប្រកួត</strong><strong>ជាមិត្តភាពនៅក្នុងទឹកដីរបស់ខ្លួន។</strong><br /><br />នេះជាការប្រកួតកម្ដៅសាច់ដុំជាលក្ខណៈអន្តរជាតិលើកទី២ ហើយរបស់ក្រុមកម្ពុជាបន្ទាប់ពីលេង<br />កម្ដៅសាច់ដុំជាមួយក្រុមជម្រើសក្រុងហូជីមិញកន្លងមកថ្មីៗនេះ។ លោកវ៉ាន់ លី អ្នកចាត់ការទូទៅ<br />ក្រុមជម្រើសជាតិកម្ពុជាបានឲ្យដឹងថាក្រុមកម្ពុជា បានចាត់ទុកថា នេះជាការប្រកួតដ៏សំខាន់បំផុត<br />មួយដើម្បីវាស់ស្ទង់សមត្ថភាពរបស់ ក្រុមកម្ពុជាដ៏សំខាន់មួយទៀត។</p>
<p style="text-align: center;"><a class="thickbox" title="" href="/FileManager/Commons/2012/6/7/u22-07-06-2012--09-35-05.jpg"><img src="/FileManager/Articles/mce/2012/6/7/u22-07-06-2012--09-35-05.jpg" alt="" /></a></p>
<p style="text-align: center;"><span style="color: #0000ff;">ក្រុមជំរើសជាតិU-22 កម្ពុជា</span></p>
<p>ក្រុមកម្ពុជាត្រូវចេញទៅប្រកួតជម្រុះយុវជនអាស៊ីអាយុក្រោម ២២ឆ្នាំ(AFC U-22 Asian-Cup <br />2013 Qualifiers) នៅប្រទេសឡាវដែលចាប់ផ្ដើមពីថ្ងៃទី២៣មិថុនា ដល់ថ្ងៃទី៣ កក្កដា ខាងមុខ<br />នេះ។ កម្ពុជាស្ថិតនៅពូលF ជាមួយឡាវ ហុងកុង ថៃ ចិន និងកូរ៉េខាងជើង។<br /><br />តាមកម្មវិធីប្រកួតរបស់សហព័ន្ធបាល់ទាត់អាស៊ី (AFC)នោះ ថ្ងៃទី២៣មិថុនា កម្ពុជាត្រូវប្រកួត<br />ជាមួយក្រុមហុងកុង។ ថ្ងៃទី២៥មិថុនាកម្ពុជាប្រកួតជាមួយថៃ ថ្ងៃទី២៨មិថុនាកម្ពុជាប្រកួតជាមួយ<br />ចិន ថ្ងៃទី៣០មិថុនាកម្ពុជាប្រកួតជាមួយកូរ៉េខាងជើង និង ថ្ងៃ៣ កក្កដា កម្ពុជាត្រូវប្រកួតចុងក្រោយ<br />ជាមួយឡាវដែលជាម្ចាស់ផ្ទះ។ លោកវ៉ាន់ លីចាត់ទុកថា នេះជាព្រឹត្តិការណ៍ប្រកួតជម្រុះដ៏តឹងតែង<br />មួយដែលកម្ពុជាមិនសូវជាមានសង្ឃឹមថាឆ្លងផុតនោះទេ៕</p>
<p style="text-align: right;">ដោយ៖ ណាណូ<br /><br /><br /><br /></p>