<div class="article-content">
<p><span style="color: #000000;"><strong>ស្វាយរៀងៈ</strong> កម្មករប្រមាណ ជាង៥០នាក់ បានរងរបួសធ្ងន់ស្រាល ក្នុងនោះកម្មករ២០នាក់ រងរបួសធ្ងន់ មានម្នាក់ កំពុងស្ថិតក្នុងបន្ទប់សង្គ្រោះបន្ទាន់ បន្ទាប់ពីរថយន្តដឹកកម្មករមួយគ្រឿង ដាច់ចង្កូត បណ្តាលឲ្យ រថយន្តក្រឡាប់ធ្លាក់ផ្លូវ កាលពីវេលាម៉ោង៥ និង៥០នាទីល្ងាច ស្ថិតក្នុងចំណុចទល់មុខ អនុវិទ្យាល័យហ៊ុនសែនស្វាយតាយៀន ក្រុងស្វាយរៀង ខេត្តស្វាយរៀង។</span></p>
<p><span style="color: #000000;">ប្រភពពីមន្ត្រីសហព័ន្ធ សហជីពកម្មករចលនាកម្មករ លោក ជា ឧត្តម បានប្រាប់មជ្ឈមណ្ឌល ព័ត៌មានដើម អម្ពិលថា ករណីគ្រោះថ្នាក់នេះគឺក្នុងខណៈរថយន្តដឹកកម្មករធ្វើដំណើរចេញ ពីរោងចក្រ ក្នុងតំបន់សេដ្ឋកិច្ច ម៉ូហានធេន និងតំបន់សេដ្ឋកិច្ចតាយសេង ធ្វើដំណើរទៅផ្ទះ លុះមកដល់ចំណុចកើតហេតុ រថយន្តបាន ដាច់ចង្កូត ក្រឡាប់ធ្លាក់ផ្លូវ បណ្តាលឲ្យកម្មករនៅលើរថយន្ត ប្រមាណជាង៥០នាក់ រងរបួសធ្ងន់ស្រាយ និងអ្នកបើកបររងរបួសផងដែរ។</span></p>
<p><span style="color: #000000;">ប្រភភពដដែលបន្ថែមថា កម្មករដែលរងរបួសក្នុងហេតុការណ៍នេះ មិនទាន់ត្រូវបានគេស្គាល់ អត្តសញ្ញាណ នោះទេ ចំណែកអ្នកបើករថយន្ត មិនទាន់ត្រូវបានគេស្គាល់អត្តសញ្ញាណនោះទេ ដោយគ្រាន់តែដឹងថា មានអាយុ២៩ឆ្នាំ៕</span></p>
</div>
<p style="text-align: right;"><a href="http://www.dap-news.com/2011-06-14-02-39-55/95206-2014-09-15-12-26-15.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>