<div class="article-content">
<p><strong>ភ្នំពេញៈ</strong> តារាកំប្លែងមានឈ្មោះ បោះសំឡេងគួរសម មួយរូបប្រចាំក្នុងក្រុមរបស់ នាយកុយ ដែល<br />មានឈ្មោះពិតថា នេត្រ ផល្លី ហៅ យាយខ្លី ពេលនេះបានធ្លាក់ ខ្លួនឈឺជាទម្ងន់ ដោយសារតែមាន<br /> ជីវភាពក្រខ្សត់លំបាក គ្មានថវិកាក្នុង ការព្យាបាលជំងឺផងនោះ តារាកំប្លែងរូបនេះ ក៏បានលើកដៃ<br /> សំពះស្វែងរកជំនួយ ពីសប្បុរសជន ព្រោះថាពេលនេះ លោកយាយកំពុង តែមានការខ្វះខាត យ៉ាង<br />ខ្លាំង។</p>
<p>តារាកំប្លែងមួយរូបដែលធ្លាប់ តែធ្វើឲ្យទស្សនិកជនផ្ទុះសំណើច តាមរយៈការសម្តែង ក្នុងក្រុមនាយ<br /> កុយ គឺ យាយ ខ្លី បានធ្លាក់ខ្លួនឈឺជា ទម្ងន់កាលពីវេលាម៉ោង ១១យប់ ថ្ងៃទី៥ ខែមីនា ឆ្នាំ២០១៣<br />នេះ គាត់ត្រូវបានកូនចៅបញ្ចូន ទៅកាន់មន្ទីរពេទ្យកាល់ម៉ែត្រ ចូលក្នុងបន្ទប់ សង្គ្រោះបន្ទាន់ ដោយ<br />សារតែស្ថានភាព ជំងឺរបស់គាត់ធ្វើទុក្ខខ្លាំង។</p>
<p>ថ្លែងប្រាប់ LookingTODAY តាមទូរស័ព្ទនារសៀលថ្ងៃទី៦ ខែមិនា ឆ្នាំ២០១៣នេះ យាយខ្លី បានរៀប<br />រាប់ឲ្យដឹងថា គាត់មានជំងឺច្រើនមុខណាស់<span style="line-height: 1.8;">ដោយគ្រូពេទ្យ ប្រាប់គាត់ថា មាន ជំងឺពុកឆ្អឹង ឡើងជាតិ<br />ស្ករ និង ជាតិខ្លាញ់ ហើយស្ថានភាពជំងឺរបស់គាត់ ចាប់ផ្តើមធ្វើទុក្ខខ្លាំង ជាង២ខែមកហើយ រហូត<br />មកដល់ពេលនេះ មិនទាន់បានធូរស្រាល នៅឡើយទេ ។ យាយខ្លី ក៏មិនទាន់ដឹងច្បាស់ថា គាត់មាន<br />លទ្ធភាព ក្នុងការព្យាបាលជំងឺ បានដល់កម្រិតណា ដែរ ដោយសារតែពេលនេះ គ្រួសារបស់លោក<br />យាយ កំពុងតែមានបញ្ហា ខាងនូវការខ្វះខាត។</span></p>
<p>យាយខ្លី ក៏បានធ្វើការអំពាវនាវ ទៅដល់បងប្អូន ប្រជាពលរដ្ឋទាំងក្នុង និងក្រៅប្រទេស ដោយសម្ដី<br />ខ្សាវៗថា "មេត្តាជួយផ្តល់ជំនួយ ក្នុងការមើលជំងឺដល់រូបខ្ញុំផង... ព្រោះថាពេលនេះខ្ញុំ មិនមានថវិកា<br />ក្នុង ការព្យាបាលជំងឺទេ ។ពេលនេះខ្ញុំក៏មិនមាន លទ្ធភាពក្នុងការបន្ត ការកំប្លែងដើម្បី រកប្រាក់ទៀត<br />ទេ ដោយសារតែជំងឺគ្មាន ការស្រាកស្រាន្ត។ ខ្ញុំក៏មិនអាចក្រោកឈរបានទេ ម្យ៉ាងវិញទៀត ពេលនេះ<br />ខ្ញុំ កំពុងតែប្រឈមមុខ នឹងបញ្ហាបង់ថ្លៃ ផ្ទះជួលទៀតផង"។</p>
<p>យាយខ្លី បានប្រាប់ទៀតថា កន្លងមកគាត់ក៏ធ្លាប់បានចេញ ទៅព្យាបាលជំងឺនៅ ប្រទេសវៀតណាម<br />ដែរ ដោយសារតែមាន អ្នកជិតខាងជាអ្នកធានា ជូនគាត់ទៅព្យាបាល និងជួយចេញ ថ្លៃធ្វើដំណើរ <br />ហូបចុកជាដើម ធ្វើឲ្យគាត់សម្រេចចិត្តសាកល្បង ប៉ុន្តែគាត់មានលុយតិចតួចទើបធ្វើឲ្យគាត់ចំណាយ<br />លុយ មើលជំងឺរហូតស្ទើរ តែគ្មានលុយធ្វើ ដំណើរមកស្រុកកំណើតវិញ ។ សំណាងល្អគាត់បាន ជួប<br />ជាមួយសប្បុរសជនម្នាក់ ដែលជាជនជាតិខ្មែរ អាណិតឲ្យលុយ គាត់ចំនួន៤០ដុល្លារ ទើបមានសោ<br />ហុយ ត្រឡប់មកវិញ ហើយបច្ចុប្បន្ន គាត់កំពុងតែសម្រាក ព្យាបាលជំងឺនៅមន្ទីរ ពេទ្យកាល់ម៉ែត្រ<br />អគារB ជាន់ទី១ បន្ទប់លេខ១៥។</p>
<p>ការជួយឧបត្ថម្ភពី បណ្តាសប្បុរសជន ទោះតិចក្តីច្រើនក្តី លោកអ្នកអាចផ្តល់ តាមរយៈគេហទំព័រ <br />LookingTODAY ឬក៏ យកទៅជូនយាយខ្លី ដោយផ្ទាល់បាន នៅមន្ទីរពេទ្រកាល់ម៉ែត្រ ដើម្បីចូល<br />រួមចំណែក ជួយដល់គាត់ក្នុង ការចំណាយទៅលើ ការព្យាបាលជំងឺ និងសេវាកម្មផ្សេងៗ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-098/S_0087.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>