<p><strong>ខេត្តកណ្តាលៈ</strong> ជនសង្ស័យម្នាក់ ត្រូវប្រជាពលរដ្ឋ សហការ ជាមួយនគរបាល មូលដ្ឋានឃាត់<br />ខ្លួន បានភ្លាមៗ បន្ទាប់ ជនសង្ស័យ បានជួលជនរងគ្រោះ ជាអ្នករត់ម៉ូតូឌុបត្រឡប់ត្រឡិន បំរុង<br />ធ្វើសកម្មភាព ប្លន់ ប៉ុន្តែមិន បាន សម្រេច ដោយសារជនរងគ្រោះ ក្រឡេកមើលឃើញទាន់ ក៏<br />ស្រែកឆោឡោ ឡើងធ្វើឲ្យជនសង្ស័យភ័យស្លន់ស្លោរត់គេច ប៉ុន្តែត្រូវបានជនរងគ្រោះរត់ដេញ<br /> តាមពីក្រោយ ទើបដឹងដល់ នគរបាលមកជួយ អន្តរាគមន៍ ឃាត់ខ្លួន ជនសង្ស័យបានភ្លាមៗតែ<br />ម្តងទៅ។</p>
<p>ហេតុការណ៍នេះ បានកើតឡើង កាលពីវេលាម៉ោង១០និង៤៥នាទីថ្ងៃទី១១ ខែធ្នូ ឆ្នាំ២០១២<br /> ស្ថិតនៅក្នុងភូមិព្រៃចាស់ ស្រុកខ្សាច់ កណ្តាល ខេត្តកណ្តាល។</p>
<p>ប្រភពព័ត៌មាន ពីនគរបាល បានឲ្យដឹងថា ជនរងគ្រោះមានឈ្មោះ ស្រី ស្រ៊ុន ភេទប្រុស អាយុ<br />៣៨ឆ្នាំមានមុខ របរជាអ្នករត់ម៉ូតូឌុបរស់នៅភូមិវិហាសួគ៌ខាងជើង ឃុំវិហាសួគ៌ ស្រុកខ្សាច់កណ្តាល<br /> ខេត្តកណ្តាល។ ម៉ូតូដែលជនសង្ស័យធ្វើសកម្មភាពប្លន់មិនបានសម្រេចនោះម៉ាកសេ១២៥ ពណ៌<br />ខ្មៅ សេរីឆ្នាំ២០១០ ពាក់ស្លាកលេខកណ្តាល 1L-9478 ។ ចំណែកឯជនសង្ស័យវិញ មានឈ្មោះ<br /> ផាន បញ្ញា ភេទប្រុស អាយុ២០ឆ្នាំ ជាងមានមុខរបរមិនពិត ប្រាកដនិងរស់ នៅមិនពិតប្រាកដ <br />ពេលឃាត់ខ្លួន បាននគរបាលធ្វើការ ឆែកឆេរដកហូត បានវត្ថុតាងកូន កាំបិតចិត្តផ្លែឈើ ចុងស្រួច<br />២ដើម ។</p>
<p>បើយោងតាមចម្លើយ សារភាពរបស់ជនសង្ស័យ ប្រាប់នគរបាលវិញ បានឲ្យដឹងថា កាលពីថ្ងៃទី១០<br /> ខែធ្នូ ឆ្នាំ២០១២ ជនសង្ស័យបានជិះ មកពីខេត្តក្នុងគោល បំណងចូលមក ក្នុងរាជធានីភ្នំពេញ លុះ<br />មកដល់វិហារសួគ៌ក៏ស្នាក់នៅផ្ទះ សំណាក់ភូមិវិហារសួគ៌ខាងជើងលុះដល់ថ្ងៃទី១១ខែឆ្នាំដដែល ក៏<br />ដើរទៅទិញកូនកំាបិត ចិតបន្លែ២ដើម ហើយក៏បានមកជួលម៉ូតូឌុប របស់ជនរងគ្រោះជិះទៅក្រុម<br />ហ៊ុន7NG ក្នុងតម្លៃ៥០០០រៀល លុះដល់ទៅដល់រោងចក្រទី១ ក្នុងក្រុមហ៊ុន7NG ក៏បានឲ្យជនរង<br />គ្រោះឌុបបន្តទៅគល់ស្ពាន ព្រែកតាមាក់ លុះទៅដល់ជនសង្ស័យក៏បានឲ្យជន រងគ្រោះឌុបបន្តទៅ<br />បាក់ខែង ដោយថែមលុយឲ្យ៣០០០រៀល ពេលទៅដល់ បំរុងធ្វើសកម្មភាពប្លន់ ប៉ុន្តែដោយសារ<br />តែមាន អ្នកដំណើរទៅមកច្រើនពេក ក៏បានឲ្យជនរងគ្រោះឌុបគេត្រឡប់ ទៅក្រុមហ៊ុន7NGវិញ លុះ<br />ទៅដល់ ក៏ បំរុងធ្វើសកម្មភាពប្លន់ម្តងទៀត ប៉ុន្តែពេលនោះជនរង គ្រោះក្រឡេកមើល ឃើញទាន់ <br />ដោយជនសង្ស័យ បញ្ចេញកូនកាំបិត ពេលនោះជនរងគ្រោះក៏ស្រែកឲ្យអ្នកដំណើរជួយអន្តរាគមន៍<br /> ភ្លាមៗនោះធ្វើឲ្យជនសង្ស័យភ័យស្លន់ស្លោហើយរត់គេចខ្លួន ប៉ុន្តែរត់មិនរួចដោយជនរងគ្រោះរត់តាម<br />ពីក្រោយ ស្រែកចោរៗភ្លាមៗនោះនគរបាលមូលដ្ឋាន ក៏បានជួយអន្តរាគមន៍ដេញ តាមចាប់ខ្លួនជន<br />សង្ស័យបានតែម្តងទៅ ។ ជនសង្ស័យបន្ទាប់ ពីនគរបាលឃាត់ខ្លួនបានធ្វើការឆែកឆេរដកហូតបាន<br />វត្ថុតាង ជាប់នៅនឹងខ្លួន គឺកូនកាំបិតពីរដើម រួចកសាងសំណុំ រឿងបញ្ជូន ទៅកាន់ស្នងការដ្ឋានខេត្ត<br /> ដើម្បីចាត់ការបន្ត៕</p>
<p><a class="thickbox" title="" href="/FileManager/Commons/2012/12/12/hong-0159-12-12-2012--14-28-05.jpg"><img src="/FileManager/Articles/mce/2012/12/12/hong-0159-12-12-2012--14-28-05.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54176-2012-12-12-06-45-02.html"><span style="color: #0000ff;">ដើមអំពិល</span></a></p>