<p><strong>ភ្នំពេញ៖</strong> តារាស្រីវ័យក្មេងសាច់ម៉ដ្ឋរលោង គ្រងតំណែងតួឯកជាច្រើនរឿង នៅក្នុងផលិតកម្ម<br /> មហាហង្ស កញ្ញា ភិន សុដាលីស ត្រូវបានមហាជនដឹងថា នាកំពុងតែមានភាពរង្គោះរង្គើ ជួប<br />ផ្លូវបំបែក រហូតអាចដល់អាចឈានដល់ ការផ្តាច់ពាក្យរវាងនាង និង បុរសរូបសង្ហាជាគូដណ្តឹង<br /> គឺលោក ប៉ែន តុលា ថែមទៀតផង ។</p>
<p>ចំណងស្នេហ៍ប្រះស្រាំ រវាងតារាប្រុសស្រីល្បីឈ្មោះមួយគូនេះ ត្រូវបានប្រភពពីអ្នកសិល្បៈ និយាយ<br />ពីមាត់មួយទៅមាត់មួយតៗគ្នាថា ស្រីស្រស់ ភិន សុដាលីស បានផ្ទុះជម្លោះប៉ះសម្តី ប្រកែកគ្នា ជា<br />មួយគូដណ្តឹង រហូតធ្វើឲ្យទស្សនិកជន មួយចំនួន លើកឡើងថា ក្រោយពីមានការលេចឮបែបនេះ<br /> ប្រហែលជាអាចធ្វើឲ្យប៉ះពាល់ ជាមួយសម្ព័ន្ធភាពផ្អែមល្ហែមរបស់ ពួកគេទៀតផង ។ មូលហេតុ<br />ដែលធ្វើឲ្យតារាមួយគូនេះ ជួបភាពរកាំរកូសជាមួយគ្នា ដោយសារតែ លោក ប៉ែន តុលា មានការ<br />ប្រច័ណ្ឌច្រើនចំពោះគូដណ្តឹងរូបស្រស់ ខណៈដែលនាងចេញទៅសម្តែង និងមានភាពសិ្នទ្ធស្នាល <br />ជាមួយបុរសផ្សេងដែល ជាអ្នកសិល្បៈរួមអាជីព ទើបធ្វើឲ្យពួកគេទាំងពីរនាក់ មានបញ្ហាល្អក់កករ <br />ជាមួយគ្នាបែបនេះ ។</p>
<p>បើតាមប្រភពពីអ្នកសិល្បៈ បានបង្ហើបប្រាប់ឲ្យដឹងថា ថ្មីៗនេះ នៅខាងផលិតកម្ម មហាហង្ស បាន<br />រៀបចំពិធីក្រុងពាលីថតរឿងថ្មី ដោយគេដឹងយ៉ាងច្បាស់ថា តួឯកស្រីនៅក្នុងរឿងនោះ គឺកញ្ញា ភិន<br /> សុដាលីស ដែលជាកូនស្រីសំណព្វចិត្ត របស់ម្ចាស់ផលិតកម្ម គឺលោក អ៊ិន សុភិន ហើយតួឯកប្រុស<br /> នៅក្នុងរឿងនេះ ត្រូវបានគេបាននាំគ្នានិយាយតៗគ្នាមិនដាច់ថា ជា លោក ប៉ែន តុលា ។ តែគ្រប់យ៉ាង<br />ត្រូវបានរលាយដូចអំបិលត្រូវទឹក ដោយសារតែនៅថ្ងៃក្រុងពាលីនោះ តួឯកប្រុសក្នុងរឿងគឺជា លោក<br /> ជា ខេវិន ទៅវិញ ។ មិនតែប៉ុណ្ណោះ នៅក្នុងពិធីនោះ គេក៏មិនបាន ឃើញវត្តមានបុរសរូបសង្ហាមាឌធំ<br /> លោក ប៉ែន តុលា បង្ហាញខ្លួនកៀកកើយផ្អែមល្ហែម ជាមួយគូដណ្តឹងវ័យក្មេងរូបនោះទៀតដែរ។</p>
<p>បើតាមប្រភពក្រៅផ្លូវការ មួយចំនួនបានលើកឡើង ជាលក្ខណៈវិភាគថា គូដណ្តឹងប្រុសស្រីមួយគូ<br />នេះហាក់នៅវ័យក្មេង ហើយបែរជាភ្ជាប់និស្ស័យស្នេហ៍ ជាមួយគ្នារហូតដល់ត្រូវរៀបចំពិធីភ្ជាប់ពាក្យ<br /> ចំណាយលុយរាប់ម៉ឺនដុល្លារ។ តែចំណងស្នេហ៍នេះមានភាពផ្អែមល្ហែមដូចទឹកឃ្មុំ មិនបានប៉ុន្មានផង <br />ក៏ស្រាប់តែលេចឮថា ស្នេហាប្រែក្លាយជាល្វីងជូរចត់ទៅវិញ មិនសូវ យល់ចិត្តថ្លើមគ្នា មានភាពឆេវ<br />ឆាវខាងប្រុសមានចិត្តប្រច័ណ្ឌ ទៅលើគូដណ្តឹងរូបស្រស់ច្រើន ។ ថាមិនត្រូវបើសិនជា លោក ប៉ែន <br />តុលា និង កញ្ញា ភិនសុដាលីស នៅតែមានបញ្ហាមិនចុះសម្រុងគ្នាបែបនេះ អាចធ្វើឲ្យប៉ះពាល់ ជាមួយ<br />សម្ព័ន្ធភាពនាង រហូតដល់ត្រូវផ្តាច់ពាក្យថែមទៀតផងក៏ថាបាន។</p>
<p>ជុំវិញការលើកឡើងនេះដែរ LookingTODAY បានព្យាយាមទាក់ទងទៅ កញ្ញា ភិន សុដាលីស នៅថ្ងៃ<br />ទី២ខែសីហានេះ តែលេខទូរស័ព្ទរបស់នាង ពេលខលចូលច្រើនដង បែរជាគ្មានអ្នកទទួល ។ Looking<br />TODAYក៏រង់ចាំការ ចេញមុខបកស្រាយពាក់ព័ន្ធ នឹងព័ត៌មាននេះ ក្នុងពេលឆាប់ៗដើម្បីឲ្យ មហាជន<br />អស់មន្ទិលសង្ស័យ៕</p>
<p><img src="http://image.lookingtoday.com:81/lookingtoday/looking-images/news/2013/August/id-030/Kosal-0010.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-030/Kosal-0011.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-030/Kosal-0012.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>