<p><span>នៅតាមជនបទ ស្រុកស្រែចំការមួយ មានបុរសម្នាក់ជាអ្នកកំរិះខ្លាំងណាស់ ថ្ងៃមួយគាត់ចង់ផឹកស្រា គាត់បានប្រើប្អូនអោយទៅទិញស្រា ដោយមិនអោយលុយ សូម្បីតែមួយកាក់ មួយសែនសោះ គាត់ចង់អោយប្អូនគាត់ចេញលុយអោយ ។ </span></p>
<p><a class="thickbox" title="" href="/FileManager/Commons/2014/7/4/1-04-07-2014--11-23-48.jpg"><img src="/FileManager/Articles/mce/2014/7/4/1-04-07-2014--11-23-48.jpg" alt="" /></a><br /><span>ប្អូនគាត់សួរ"អត់លុយផង ធ្វើយ៉ាងម៉េចទិញស្រាកើត?"បងប្រុសក៏ឆ្លើយទាំងមុខក្រាសថា"យកលុយទិញស្រា អ្នកណាក៏គេធ្វើបានដែរ"ប៉ុន្តែបើអត់លុយ ហើយទិញស្រាបាន អាហ្នឹងទើបគេហៅថា មនុស្សអស្ចារ្យ"ឮដូច្នេះប្អូនគាត់ដើរចេញទៅបាត់ មួយសន្ទះក្រោយមក ប្អូនប្រុសរបស់គាត់ ក៏កាន់ដបស្រា ទរទេរហុចបងប្រុស បងប្រុសឃើញដបទរទេរឆ្ងល់ហើយសួរថា"អ្ហែងអោយអញផឹកអីហាស! បើមានតែដបទរទេរ"ប្អូនប្រុសសើចហើយឆ្លើយថា"អាផឹកស្រាក្នុងដប ដែលមានស្រាអ្នកណាក៏គេអាចធ្វើបានដែរ តែបើផឹកស្រាក្នុងដប ដែលគ្មានស្រា អាហ្នឹងទើបបានគេហៅថា មនុស្សអស្ចារ្យ"។</span></p>
<p style="text-align: right;"><span>ដោយ៖ វណ្ណៈ<br />ប្រភព៖ khmerjoke </span></p>