<p>ដូចដែលទស្សនិកជន ដឹងហើយថា កាលពីយប់មិញនេះ Arsenal បានទទួល ភាពបរាជ័យ យ៉ាង អាម៉ាស់ នៅទឹកដីរបស់ Everton ដែលចាញ់ក្រុមនេះ តដៃមិនរួច រហូតដល់ទៅ ៣ ទល់ ០ ។ ការ បរាជ័យនេះ អាចធ្វើអោយ Arsenal ធ្លាក់តំណែង ចេញពីកៅអី Champion League រដូវកាល ក្រោយបាន ។</p>
<p><a class="thickbox" title="" href="/FileManager/Commons/2014/4/7/article-2598349-1ce21ca900000578-344634x407-07-04-2014--14-07-41.jpg"><img src="/FileManager/Articles/mce/2014/4/7/article-2598349-1ce21ca900000578-344634x407-07-04-2014--14-07-41.jpg" alt="" /></a><br /><br /> បន្ទាប់ពីចាញ់រួចមក ទស្សនិកជន របស់ក្រុម Arsenal បានខឹងសម្បារ យ៉ាងខ្លាំង ជាមួយនិងលោក Arsene Wenger ដែលបាន ដឹកនាំក្រុម អោយចាញ់ Everton យ៉ាងផ្កាប់មុខ ។ ទស្សនិកជន ទាំង នោះ បានទាមទារអោយ លោក Arsene Wenger ដែលជាអ្នកដឹកនាំក្រុម Arsenal អស់រយៈពេល ១៨ ឆ្នាំ ហើយនោះ ចុះចេញពីតំណែង ។ សូម្បីតែ កីឡាករ ជើងចាស់របស់ Arsenal លោក Ian Wrights ក៏បាន បញ្ចេញមតិ មកផងដែរថា តំណែងរបស់ Arsene Wenger កំពុងរង្គោះរង្គើហើយ ។ Ian Wrights បានបន្តថា ប្រសិនបើ Arsene Wenger ចាកចេញពីក្រុម Arsenal នោះ Roberto Martinez ដែលជាអ្នក ដឹកនាំក្រុម Everton សព្វថ្ងៃនេះ នឹងក្លាយជា មនុស្សទីមួយ ដែលក្រុម Arsenal ជ្រើសរើស ។</p>
<p><a class="thickbox" title="" href="/FileManager/Commons/2014/4/7/article-2598349-1ce21bb000000578-198634x448-07-04-2014--14-07-52.jpg"><img src="/FileManager/Articles/mce/2014/4/7/article-2598349-1ce21bb000000578-198634x448-07-04-2014--14-07-52.jpg" alt="" /></a><br /><br /> ក្រៅពី Roberto Martinez អ្នកគាំទ្ររបស់ Arsenal ក៏ចង់អោយលោក Jurgen Klopp ដែលសព្វ ថ្ងៃ កាន់កាប់ ក្រុម Dortmund មកជំនួស កន្លែងនេះផងដែរ ។ យើងមិនទាន់ ដឹងថា អនាគតរបស់ Wenger នឹងទៅជា យ៉ាងណានោះទេ តែយើង នឹងរង់ចាំមើល តាមដានទាំងអស់គ្នា ៕</p>
<p><a class="thickbox" title="" href="/FileManager/Commons/2014/4/7/article-2598148-1ce2257500000578-853634x402-07-04-2014--14-08-10.jpg"><img src="/FileManager/Articles/mce/2014/4/7/article-2598148-1ce2257500000578-853634x402-07-04-2014--14-08-10.jpg" alt="" /></a></p>
<p style="text-align: right;"><a class="thickbox" title="" href="/FileManager/Commons/2014/4/7/article-2598148-1ce2257500000578-853634x402-07-04-2014--14-08-10.jpg"></a><br />ប្រែសម្រួល ៖ កុសល<br />ប្រភព ៖ dailymail </p>