CamNews

អ្នកបន្លំ Account Facebook របស់ នីកូ បោកយក​​លុយ​​ពី​ក្រៅប្រទេស ត្រូវបាន​សមត្ថកិច្ច​ចាប់ខ្លួន



<p><strong>ភ្នំពេញៈ</strong> បុរសវ័យក្មេងម្នាក់បានបង្កើត Account Facebook របស់ តារាចម្រៀងល្បីឈ្មោះ និយមតែងខ្លួនបែបសា្តយកូរ៉េ លោក នីកូ បាន យកបណ្តាញ ទំនាក់ទំនងសង្គមមួយនេះ ធ្វើជាធ្នាក់បោកប្រាស់លុយពីអ្នកគាំទ្រ និង ស្រលាញ់លោក នៅក្រៅប្រទេស អស់រយៈពេលជិត២ឆ្នាំមកនោះ ត្រូវបានសមត្ថកិច្ចចាប់ ខ្លួនហើយ ។</p> <p>តារាចម្រៀងប្រចាំផលិតកម្មសាន់ដេ លោក នីកូ បានទូរស័ព្ទមកប្រាប់គេហទំព័រ Looking TODAY ឲ្យដឹង នៅរសៀលថ្ងៃទី១៧ ខែកក្កដា ឆ្នាំ២០១៤នេះថា អស់រយៈពេលជិត២ ឆ្នាំ ហើយ ដែលបុរសវ័យក្មេងម្នាក់បានបង្កើត Account Facebook របស់លោក ដោយដាក់ឈ្មោះថា &ldquo;Nico Valentine&rdquo; ធ្វើការឆបោកទៅលើទស្សនិកជន និងអ្នកដែលស្រលាញ់គាំទ្រ លោកជាពិសេសបងប្អូន ដែលរស់នៅក្រៅប្រទេស ហើយនៅក្នុងនោះ មានអ្នកគាំទ្ររបស់លោក នៅក្រៅប្រទេសម្នាក់ បានក្លាយជាជនរងគ្រោះ ដោយសារតែអ្នកបន្លំ Account នោះ បានលួងលោម ឲ្យគាត់ផ្ញើលុយមក ឲ្យដោយក្នុងមួយខែ ៣០០ទៅ៤០០ដុល្លារ ។</p> <p>តារាចម្រៀងដែលទើបតែ បានគ្រងតំណែងតួឯកក្នុងរឿង &ldquo;សង្សារខ្មោច&rdquo; រូបនេះ បានប្រាប់ឲ្យដឹងទៀតថា &ldquo;សម្រាប់ខ្ញុំគឺបានប្រកាសឈប់លេង Facebook ៣ឆ្នាំហើយ ព្រោះតែខ្ញុំមិនចង់ឲ្យមានបញ្ហា អ្វីកើតឡើងជាយថាហេតុ តាមរយៈបណ្តាញមួយនេះ ប៉ុន្តែនៅទីបំផុតអ្វីដែលខ្ញុំខ្លាចរអា គឺបានកើតឡើងមែន ដោយថ្មីៗខ្ញុំទើបតែដឹងថា មានបុរសម្នាក់ដែលក្លែងធ្វើជាអ្នកគាំទ្រខ្ញុំបានបង្កើត Account Facebook ខ្ញុំយកទៅបោកប្រាស់ទស្សនិកជន នៅក្រៅប្រទេសតាំងពីឆ្នាំ២០១២មកម្ល៉េះ ដោយគេបានឲ្យអ្នករស់នៅក្រៅប្រទេស ដែលស្រលាញ់រាប់អាន ខ្ញុំប្រៀបដូចជាកូនចៅ ផ្ញើរលុយឲ្យជារឿយៗ បើគិតរហូតមកដល់ពេលនេះ ប្រហែលជារាប់ពាន់ដុល្លារហើយ។</p> <p>នីកូ បានបញ្ជាក់ថា បក្ខពួកមានគ្នា ៣នាក់ (ប្រុស២ ស្រីម្នាក់) ដោយស្រីដើរតួធ្វើជាសង្សារក្លែងក្លាយ របស់លោក ដើម្បីបោកប្រាស់គេ ហើយឲ្យតែលោក ចុះខនសឺតម្តងៗ នាងតែងតែមកសុំថតរូបជាមួយលោក ហើយយកទៅបង្អួតគេថា ខ្លួនជាស្រីគូស្នេហ៍របស់លោក ។ មិនត្រឹមតែប៉ុណ្ណោះអ្នកបន្លំម្នាក់នោះ ថែមទាំងមានសំលេងស្រដៀង និងលោកហើយប្រើលេខទូរស័ព្ទដូចគ្នា (ខុសតែក្បាល) ជាមួយលោកទៀតផង ដែលនេះគឺជាចេតនាមួយដែលពួកគេ ចង់ធ្វើឲ្យទស្សនិកជនមាន ការយល់ច្រឡំថារូបគេគឺជាតារាចម្រៀង នីកូ ៕</p> <p>តាមសមត្ថកិច្ចបានឲ្យដឹងថា ជនសង្ស័យបន្លំ Account Facebook របស់លោក នីកូ មានឈ្មោះថា ពេជ្រ ភីរុណ មានអាយុ២៣ឆ្នាំ ភេទប្រុស ដែលត្រូវបានកំលាំងសមត្ថកិច្ច នាយកដ្ឋាន ព្រហ្មទ័ណ្ឌ ក្រសួងមហាផ្ទៃចាប់ឃាត់ខ្លួនបាន នៅភោជនីយដ្ឋាន &ldquo;តាយម៉េង&rdquo; កាលពីម្សិលមិញ ហើយនឹងបញ្ជូនទៅកាន់តុលាការ នៅថ្ងៃស្អែក ៕</p> <p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-098/S_0177.jpg" alt="" width="600" /></p> <p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-065/PISETH-0160.jpg" alt="" width="600" /></p> <p style="text-align: right;"><a href="http://lookingtoday.com/index.php/entertainment-general-news/32407--account-facebook-.html" target="_blank">ផ្តល់សិទ្ធដោយ ៖ ដើមអម្ពិល</a></p>