<p>Amazon ទើបតែបានបន្ទាន់សម័យផលិតផលមួយចំនួនរបស់ខ្លួន រួមមាន ការបំពាក់គ្រឿងម៉ាស៊ីន<br />ខ្លាំងក្លា សម្រាប់ស្រឡាយ Kindle Fire HDX 8.9 ព្រមទាំងឧទ្ទេសនាមឧបករណ៍អានសៀវភៅ<br />អេឡិចត្រូវនិក (e-reader) មួយ ដ៏គួរឱ្យចាប់អារម្មណ៍។ ប៉ុន្ដែ ការបន្ទាន់សម័យដែលសំខាន់បំផុត<br /> ប្រហែលជាធ្វើ ថេប្លេតប្រភេទតូច Kindle Fire HD ។</p>
<p style="text-align: center;"><a class="thickbox" title="" href="/FileManager/Commons/2014/9/18/amazon-4-18-09-2014--14-07-47.jpg"><img src="/FileManager/Articles/mce/2014/9/18/amazon-4-18-09-2014--14-07-47.jpg" alt="" /></a></p>
<p>Amazon បញ្ចេញ Kindle Fire HD ថ្មី ចំនួន ២កំណែ (ឬ ១២កំណែ ប្រសិនគិតរួមទាំងពណ៌ ទំហំ<br /> និងម៉ូដែល សម្រាប់ក្មេងៗ) ក្នុងគោលបំណង បង្កើតនិយមន័យឡើងវិញនូវ ថេប្លេត Android <br />តម្លៃទាប។</p>
<p>Kindle Fire HD ថ្មី មានអេក្រង់ ៦ និង ៧ inch និងមាន ៥ពណ៌ផ្សេងៗគ្នា។ កំណែ អេក្រង់ ៦ inch គឺពិតជាគូប្រជែងសំខាន់របស់ស្មាតហ្វូនមួយចំនួន នាបច្ចុប្បន្ន ជាជាង ជាគូប្រជែងរបស់ ថេប្លេត។<br /> Kindle Fire HD ៦ inch មានតម្លៃចាប់ពី ៩៩ដុល្លារ ចំណែក កំណែ ៧ inch មានតម្លៃ ១៣៩ដុល្លារ។<br /> Kindle Fire HD ទាំង ២កំណែ នេះ នឹងត្រូវបានដាក់លក់ ចាប់ពីខែតុលាខាងមុខ។</p>
<p>Kindle Fire HD ទាំង ២ ម៉ូដែលនេះ សុទ្ធតែប្រើឈីប 4-core របស់ MediaTek កម្រិត 1,5 GHz <br />ដែលមានកម្លាំងក្រាហ្វិក ខ្លាំងជាង Samsung Galaxy Tab 4 ដល់ទៅ ៣ដង នេះបើតាមសម្ដី<br />របស់អ្នកតំណាងរបស់ Amazon ។</p>
<p style="text-align: center;"><a class="thickbox" title="" href="/FileManager/Commons/2014/9/18/amazon-1-18-09-2014--14-09-58.jpg"><img src="/FileManager/Articles/mce/2014/9/18/amazon-1-18-09-2014--14-09-58.jpg" alt="" /></a></p>
<p>អេក្រង់របស់ ថេប្លេត នេះ ត្រូវបានបំពាក់កញ្ចក់ Gorilla ជួយការពារអេក្រង់ មិនឱ្យខូច នៅពេល<br />ធ្លាក់ពីកំពស់ ១ម៉ែត្រ។ Kindle Fire ជំនាន់ថ្មីនេះ ក៏អាចទប់ទល់នឹងការបាញ់ទឹក បូករួមទាំងទឹក<br />អំបិល។ នៅក្នុងព្រឹត្តិការណ៍ឧទ្ទេសនាម Amazon ថែមទាំងបានសម្ដែងបង្ហាញអំពីភាពខ្លាំងរបស់<br />ផលិតផលទាំង ២ នេះ ដោយការដាក់វាទៅក្នុងម៉ាស៊ីនគក់ខោអាវ។</p>
<p style="text-align: center;"><a class="thickbox" title="" href="/FileManager/Commons/2014/9/18/amazon-3-18-09-2014--14-08-35.jpg"><img src="/FileManager/Articles/mce/2014/9/18/amazon-3-18-09-2014--14-08-35.jpg" alt="" /></a></p>
<p>ថេប្លេតទាំងនេះ របស់ Amazon ប្រើប្រាស់ប្រព័ន្ធប្រតិបត្តិ បំប្លែងពី Android 4.4 KitKat ដែលមាន<br />ឈ្មោះថា Fire OS 4 Sangria ។ មុខងារមួយដ៏អស្ចារ្យរបស់ ប្រព័ន្ធប្រតិបត្តិ នេះ គឺ Family Library<br /> អនុញ្ញាតឱ្យបណ្ដាសមាជិកក្នុងគ្រួសារ ចែករំលែកដល់គ្នា នូវ ហ្គេម ភាពយន្ដ សៀវភៅ ជាដើម <br />សូម្បីតែពួកគេប្រើប្រាស់គណនី Amazon ផ្សេងៗពីគ្នា។</p>
<p style="text-align: center;"><a class="thickbox" title="" href="/FileManager/Commons/2014/9/18/amazon-5-18-09-2014--14-15-15.jpg"><img src="/FileManager/Articles/mce/2014/9/18/amazon-5-18-09-2014--14-15-15.jpg" alt="" /></a></p>
<p>ក្រៅពីនេះ Amazon ក៏មានកំណែសម្រាប់ក្មេងៗ (Kids Edition) ដែលមានគ្រឿងម៉ាស៊ីនប្រហាក់<br />ប្រហែលនឹងកំណែខាងលើ ប៉ុន្ដែវាមានភ្ជាប់មកជាមួយ នូវសម្បកការពារដ៏ស្រស់ស្អាត។ តម្លៃ<br />របស់កំណែនេះ ខ្ពស់ជាង ៥០ដុល្លារ ធៀបនឹងកំណែស្ដង់ដា៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ nextpowerup<br /><br /></p>