<p><span style="color: #000000;"><strong>ភ្នំពេញ៖</strong> ឧកញ៉ាបណ្ឌិត លីវ ម៉ូវ និងភរិយា ព្រមទាំងបុត្រ បានជួប ទុក្ខសោកសង្រេងយ៉ាងក្រៀមក្រំ ដោយសារ ឧបាសក ហូ ម៉ាន់ ត្រូវជាឪពុកក្មេក ឪពុក និង ជាជីតា បានទទួលអនិច្ចកម្ម នៅវេលាម៉ោង ២ និង៤៥នាទី រសៀលថ្ងៃសៅរ៍ ទី១៣ ខែមិថុនា ឆ្នាំ២០១៥ ដោយជរាពាធ ក្នុងជន្មាយុ ៨៧ឆ្នាំ។</span></p>
<p><span style="color: #000000;">សពឧបាសក ហូ ម៉ាន់ ត្រូវបានតម្កល់ធ្វើបុណ្យតាមប្រពៃណី នៅផ្ទះលេខ៩៧ ផ្លូវ២១៤ សង្កាត់បឹងព្រលិត ខណ្ឌ ៧មករា រាជធានីភ្នំពេញ ចាប់ពីថ្ងៃសៅរ៍ ទី១៣ ខែមិថុនា តទៅ។ សពឧបាសក ហូ ម៉ាន់ នឹងត្រូវដង្ហែចេញពីគេហដ្ឋានឆ្ពោះទៅកាន់វត្តពោធិព្រឹក្ស ហៅវត្ត ខ្ទរជាប់សាកលវិទ្យាល័យកសិកម្ម សង្កាត់ព្រែលាប ខណ្ឌជ្រោយចង្វានៅថ្ងៃអង្គារ ទី១៦ ខែមិថុនា ឆ្នាំ២០១៥។</span></p>
<p><span style="color: #000000;">បើតាមក្រុមគ្រួសារសព បានបញ្ជាក់ថា ពិធីបុណ្យ ៧ថ្ងៃ និង១០០ថ្ងៃ ឧទ្ទិសមគ្គផលកុសលផលបុណ្យជូនវិញ្ញាណ ក្ខន្ធឧបាសក ហូ ម៉ាន់ នឹងប្រារព្ធឡើងនៅថ្ងៃព្រហស្បតិ៍័ ទី១៨ ខែមិថុនា ឆ្នាំ២០១៥។</span></p>
<p><span style="color: #000000;">ក្រុមគ្រួសារសព ក៏បានគោរពអញ្ជើញញាតិមិត្តជិតឆ្ងាយទាំងអស់ ចូលរួមពិធីបុណ្យសពតាមប្រពៃណីនៅគេហ ដ្ឋាន ដែលមានអាស័យដ្ឋានដូចខាងលើ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/15/6-15-2015-9-29-25-am-15-06-2015--09-34-38.png"><span style="color: #000000;"><img src="/FileManager/Articles/mce/2015/6/15/6-15-2015-9-29-25-am-15-06-2015--09-34-38.png" alt="" /></span></a></span></p>
<p><br /><a class="thickbox" title="" href="/FileManager/Commons/2015/6/15/sr-013-15-06-2015--09-39-32.jpg"><img src="/FileManager/Articles/mce/2015/6/15/sr-013-15-06-2015--09-39-32.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/6/15/6-15-2015-9-29-25-am-15-06-2015--09-34-38.png"></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>