<p><strong>មនុស្សយើងកើតមក រមែងតែងតែចង់បានការរស់នៅក្នុងជីវភាពធូរធារប្រកបដោយ<br />សុភមង្គល។</strong><strong>ដូច្នេះដើម្បីបំពេញនូវមហិច្ឆិតា និងគោលបំណងនេះគឺមានតែការប្រលូកចូល<br />ទៅក្នុងការងារជំនួញ</strong><strong>(រកស៊ី)ទេ ទើបអាចធ្វើឲក្តីស្រមៃរបស់យើងក្លាយជាការពិតបាន។</strong></p>
<p>ជាក់ស្តែងការបង្កើតនូវមុខរបរជំនួញ វាមិនមែនជារឿងងាយស្រួលដែលអ្នកណាៗក៏អាចធ្វើបាន<br />ប្រកបដោយភាពជោគជ័យនោះដែរ គឺមានមនុស្សមួយចំនួនបានប្រលូកចូលក្នុងការងារនេះបាន<br />តែមួយរយះពេលខ្លីប៉ុណ្ណោះក៏ដួលរលំទៅវិញ។ តើអ្នកមានដឹងទេថា ភាពបរាជ័យនេះបណ្តាល<br />មកពីកត្តាអ្វីខ្លះ?<br />ខាងក្រោមនះគឺជាកត្តាមួយចំនួនដែលធ្វើឲអាជីវកម្មទទួលបរាជ័យ៖</p>
<p><strong>១. ខ្វះបទពិសោធន៍</strong></p>
<p>ការងារជំនួញវាមិនមែនជារឿងស្រួលៗ ដែលអាចធ្វើបានតាមតែចិត្តនឹកឃើញនោះឡើយ។វាទាម<br />ទារឲយើងម្នាក់ៗគិតពិចារណាឲបានច្បាស់លាស់ពីផលចំណេញក៏ដូចជាផលប៉ះពាល់ ដែលកត្តា<br />នេះទាមទារឲយើងត្រូវមានបទពិសោធន៍គ្រប់គ្រាន់លើអាជីវកម្មដែលយើងចង់បង្កើតនោះ។បើសិន<br />ជាខ្វះបទពិសោធន៍ហើយ យើងមិនអាចទទួលបានជោគជ័យលើអាជីវកម្មបានឡើយ។</p>
<p><a class="thickbox" title="" href="/FileManager/Commons/2012/4/28/businessman-under-pressure-28-04-2012--11-47-20.jpg"><img src="/FileManager/Articles/mce/2012/4/28/businessman-under-pressure-28-04-2012--11-47-20.jpg" alt="" /></a></p>
<p><strong>២. គ្រាន់តែចង់ធ្វើជាសហគ្រិន(ថៅកែ)</strong></p>
<p>ការដែលគ្រាន់តែចង់ធ្វើជាសហគ្រិន ក៏ជាកត្តាមួយដែលធ្វើឲអាជីវកម្មបរាជ័យដែរ។ មានមនុស្ស<br />មួយចំនួនដោយសារភាពជោររបស់ខ្លួន ដោយចង់បានឈ្មោះជាថៅកែ គឺមិនបានគិតអ្វីច្រើននៅ<br />ពេលចង់បង្កើតអាជីវកម្មឡើយ។ ពួកគាត់ចង់បង្កើតឡើងដើម្បីបានឈ្មោះជាថៅកែ សំរាប់បង្អួត<br />អ្នកដ៏ទៃប៉ុណ្ណោះ។ ជាឧទាហរណ៍កាលពីប៉ុន្មានឆ្នាំមុន ខ្មែរយើងពេលជួបគ្នាម្តងៗគេនិយមហុចឲ<br />គ្នានូវ"នាមប័ណ្ណ"(Name Card)។ ពេលគេមើលក្នុងនាមប័ណ្ណ គឺតែងមើលនូវមុខតំណែងដែលធ្វើ។<br />ដូច្នេះនៅពេលដែលខ្លួនមានងារជាថៅកែ ធ្វើឲខ្លួនគិតថា មានមោទនភាព ឬខ្លួនអស្ចារ្យជាដើម។</p>
<p><strong>៣. ខ្វះហិរញ្ញវត្ថុ និងវិបត្តិសាច់ប្រាក់</strong></p>
<p>ហិរញ្ញវុត្ថុគឺមានសារសំខាន់ណាស់សំរាប់ការបង្កើតនិងដំណើរការលើអាជីវកម្ម។យើងមិនអាចប្រកប<br />អាជីវកម្មណាមួយដោយមិនប្រើប្រាស់នូវដើមទុននោះឡើយ។ ដូច្នេះនៅពេលដែលខ្វះហិរញ្ញវត្ថុ<br />ហើយនោះ អាជីវកម្មរបស់យើងនឹងប្រឈមមុខការដួលរលំមិនខាន។ ជាទូទៅតាមទ្រឹស្តីអាជីវកម្ម<br />យើងត្រូវមានប្រាក់បំរុង៣០%នៃដើមទុនសរុបក្នុងការបង្កើតអាជីវកម្ម ដើម្បីទប់ទល់នឹងការខាត<br />បង់ប៉ុន្មានខែដំបូង(មិនទាន់មានការស្គាល់ច្រើនពីសំណាក់អតិថិជន)នៃការធ្វើអាជីវកម្មនោះ។</p>
<p><a class="thickbox" title="" href="/FileManager/Commons/2012/4/28/money-28-04-2012--13-22-40.jpg"><img src="/FileManager/Articles/mce/2012/4/28/money-28-04-2012--13-22-40.jpg" alt="" /></a></p>
<p><strong>៤. ទំហំនៃការលក់មិនគ្រប់គ្រាន់</strong></p>
<p>ក្នុងន័យនេះគឺចង់សំដៅទៅលើការផ្គត់ផ្គង់ទំនិញឬសេវាកម្មរបស់យើងមិនគ្រប់គ្រាន់ ក្នុងការឆ្លើយ<br />តមទៅនឹងតំរូវការរបស់អតិថិជន។ ឧទាហរណ៍ដូចជានៅពេលដែលអតិថិជនមកទិញទំនិញ ឬសេវា<br />កម្មរបស់យើង ប៉ុន្តែខាងយើងមិនមានបរិមាណគ្រប់គ្រាន់សំរាប់លក់ ឬក៏គ្មានប្រភេទរឺសេវាកម្មទាំង<br />នេះសំរាប់ពួកគាត់ វានឹងធ្វើឲអតិថិជនដើរចេញទៅរកកន្លែងផ្សេង ដែលជាកត្តានាំឲបាត់បង់អតិថិ<br />ជន(ដាច់ម៉ូយ) ក៏ដូចជាបាត់បង់ប្រាក់ចំណូល ដែលជាកត្តាជះឥទ្ធិពលធ្វើឲអាជីវកម្មទទួលបរាជ័យ។</p>
<p>ដើម្បីជួយសំរួលដល់ការអានរបស់ប្រិយមិត្តកុំឲមានចំនួនច្រើនពេក ខ្ញុំសូមទុកនូវកត្តាមួយចំនួនទៀត<br />ទៅថ្ងៃច័ន្ទសប្តាហ៍ក្រោយ។ ការរៀបរាប់ខាងលើនេះ គ្រាន់តែជាចំនេះដឹងដ៏តិចតួចស្ដួចស្តើងដែលខ្ញុំ<br />បានសិក្សាតែប៉ុណ្ណោះ(មិនមានជាគំនិតរបស់camnewsឡើយ) ដូច្នេះកំហុសខុសឆ្គងប្រាកដជាកើត<br />មានដោយចៀសមិនផុត សូមប្រិយមិត្តទាំងអស់មេត្តាអាធ្យាស្រ័យដល់ខ្ញុំបាទផង។ ហើយខ្ញុំបាទ<br />រង់ចាំស្វាគមន៍ជានិច្ចនូវរាល់មតិរិះគន់ដោយក្តីរីករាយជាទីបំផុត៕</p>
<p style="text-align: right;"><em>ដោយ៖ និស្ស័យ</em><br /><em><span style="color: #c0c0c0;">ប្រភព៖nissay</span></em><br /><br /></p>