<div class="article-content">
<p><strong>ភ្នំពេញ ៖</strong> បុរសជនជាតិ កូរ៉េម្នាក់ ត្រូវបានកម្លាំង នគរបាលខណ្ឌ សែនសុខ ឃាត់ខ្លួន នៅ<br />ថ្ងៃទី២០ ខែមិថុនា ឆ្នាំ២០១៣ នេះ ក្រោយពីទទួលពាក្យ បណ្ដឹងរបស់ជនរង គ្រោះ ដោយ<br />ចោទប្រកាន់ ជនបង្ករូបនេះ បានយកកាំបិតប៉័ងតោ កាប់មកលើខ្លួន នៅ ចំណុចរោងចក្រអ<br />អ៊ិចភី ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។</p>
<p>សមត្ថកិច្ចមូលដ្ឋាន បានឱ្យដឹងថា ជនសង្ស័យរូបនេះ មានឈ្មោះណូ ម៉ាវមុក ភេទប្រុស អាយុ<br />៥៣ឆ្នាំ ជនជាតិកូរ៉េ ស្នាក់នៅក្នុងរោង ចក្រកាត់ដេរ សេហាន់ តាមបណ្ដោយ ផ្លូវវ៉េងស្រេង <br />សង្កាត់ចោមចៅ ខណ្ឌពោធិ៍សែនជ័យ មុខរបរជាបគ្គលិក របស់ក្រុមហ៊ុនខាងលើនេះ ។ ដោយ<br />ឡែកជនរងគ្រោះ ឈ្មោះហៀ វ៉កបឹម ភេទប្រុស អាយុ៥៣ឆ្នាំស្នាក់នៅផ្ទះលេខ៥ ផ្លូវលេខ៥៩៤<br /> សង្កាត់បឹងកក់ទី២ ខណ្ឌទួលគោក មុខរបរជាអនុប្រធានរោងចក្រកាត់ដេរ អអ៊ិចភី ។</p>
<p>សមត្ថកិច្ចបានបន្ដថា មុនពេលកើតហេតុ រោងចក្រ ដែលជនបង្កធ្វើការត្រូវបានផ្ទេរ ទាំងឃ្លាំង<br />ទាំងសម្ភារៈ កម្មករ ទាំងអស់មក ឱ្យរោងចក្ររបស់ជនរងគ្រោះ តាំងពីខែមេសា ឆ្នាំ២០១៣ ។ <br />រួចហើយជនរងគ្រោះ ក៏បានប្ដូរយីហោ រោងចក្រខាងលើ ដោយជនសង្ស័យ ដែលមានតួនាទី<br />ជាអ្នកមើលការខុសត្រូវក្នុង រោងចក្ររបស់ខ្លួន ត្រូវបានជនរងគ្រោះឱ្យ ឈប់បម្រើការងារនិង<br />ស្នាក់នៅ តម្រូវឱ្យទៅរកការងារធ្វើនិង ស្នាក់នៅកន្លែងផ្សេង ។</p>
<p>សមត្ថកិច្ចបានឱ្យដឹងថា ដោយសារតែជនរងគ្រោះប្រាប់ឱ្យឈប់ស្នាក់នៅ ហើយទៅកន្លែង<br />ផ្សេងនោះ ជនសង្ស័យរូបនេះ ក៏មានគំនុំសងសឹក ហើយនៅថ្ងៃ កើតហេតុនេះ បានយកកាំ<br />បិតប៉័ងតោ ទៅកាប់ជន រងគ្រោះ បណ្ដាលឱ្យរងរបួសតែម្ដង ។</p>
<p>បច្ចុប្បន្នជនសង្ស័យរូបនេះ ត្រូវបានឃុំ ខ្លួនជាបណ្ដោះអាសន្ន នៅអធិការដ្ឋាននគរ បាល<br />ខណ្ឌសែនសុខ ដើម្បីចាត់ការបន្ដទៀត ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0777.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>