<p style="text-align: justify;">ក្នុងការធ្វើទស្សនកិច្ចមកកាន់ខេត្ត កំពង់ឆ្នាំង អ្នកត្រូវមកទស្សនាភ្នំតាឥន្ទកុំឲ្យខាន។ វាមានទីតាំងនៅក្នុងតំបន់ដ៏ស្រស់ស្អាត ដែលនៅឆ្ងាយពីការរស់នៅដ៏ស្មុគស្មាញនៅក្នុងទីក្រុង វាជាកន្លែងដ៏ល្អបំផុតសម្រាប់អ្នកសម្រាក បន្ធូរអារម្មណ៍ និងរីករាយជាមួយនឹងទេសភាពដ៏ស្រស់ស្អាតនៃកន្លែងនោះ។ ក្នុងចំណោមកន្លែងទេសចរណ៍ដទៃទៀត ក្នុងខេត្តកំពង់ឆ្នាំង ភ្នំតាឥន្ទជាកន្លែងដែលអ្នកទេសចរមិនអាចរំលងបាន។</p>
<p style="text-align: justify;">ភ្នំតាឥន្ទ មានចម្ងាយត្រឹមតែ៣គមប៉ុណ្ណោះ ពីខេត្តកំពង់ឆ្នាំងប្រទេសកម្ពុជា។ ភ្នំតាឥន្ទ ជាតំបន់អភិរក្សសត្វព្រៃធម្មជាតិមួយ ដែលជម្រកដល់សត្វព្រៃ និងសត្វស្លាបជាច្រើនប្រភេទ។ ភ្នំតាឥន្ទ មានទីតាំងនៅក្នុងភូមិត្រពាំងអញ្ចាញ ឃុំស្វាយជ្រុំ ស្រុករលាប្អៀ ប្រទេសកម្ពុជា។</p>
<p style="text-align: justify;">អ្នកទេសចរ និងអ្នកដំណើរនៅភ្នំតាឥន្ទ អាចទស្សនាជាមួយនឹងសត្វព្រៃដ៏កម្រនៅក្នុងប្រទេសកម្ពុជា។ អ្នកអាចចំណាយពេលទំនេររបស់អ្នក ដើរលំហែ មើលនិងថតយករួបភាពនៃសត្វស្លាប និងសត្វព្រៃផ្សេងៗជាច្រើនប្រភេទ។ នៅភ្នំតាឥន្ទ យើងអាចមើលឃើញ នូវបក្សីជាច្រើន ដែលបានមករស់នៅ ដើម្បីចិញ្ចឹមកូននៅក្នុងខែរងា៕</p>
<p style="text-align: justify;"><strong>សូមទស្សនា រូបភាព ខាងក្រោម</strong></p>
<p style="text-align: justify;"><a class="thickbox" title="" href="/FileManager/Commons/2014/4/29/kampong-chhang-province-29-04-2014--10-42-56.jpg"><img src="/FileManager/Articles/mce/2014/4/29/kampong-chhang-province-29-04-2014--10-42-56.jpg" alt="" /></a><strong></strong></p>
<p style="text-align: justify;"><a class="thickbox" title="" href="/FileManager/Commons/2014/4/29/phnom-ta-ind-29-04-2014--10-43-07.jpg"><img src="/FileManager/Articles/mce/2014/4/29/phnom-ta-ind-29-04-2014--10-43-07.jpg" alt="" width="501" height="322" /></a></p>
<p style="text-align: right;">ដោយ៖ វណ្ណៈ<br />ប្រភព៖ tourismcambodia</p>