<p>ព័ត៌មានអន្តរជាតិ ៖ យោងតាមការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស ប៊ីប៊ីស៊ី ដែលទើបតែបានចេញផ្សាយ កាលពី ប៉ុន្មានម៉ោងមុននេះ អោយដឹងថា យ៉ាងហោចណាស់ជនអន្តោ ប្រវេសន៍ ៣៦ នាក់ បានលង់ទឹកស្លាប់ នៅឯឈូងសមុទ្រ ប្រទេស លីបីក្រោយមានករណីគ្រោះថ្នាក់ ក្រឡាប់លិចទូករបស់ពួកគេ កាលពី សប្តាហ៍កន្លងទៅនេះ ដោយនៅក្នុងនោះ សាកសព ត្រូវបានរក ឃើញជាបន្តបន្ទាប់ កាលពី ថ្ងៃអាទិត្យ ម្សិលមិញនេះ ។</p>
<p>ក្រុមកម្លាំងចម្រុះ ដែនទឹក បញ្ជាក់អោយដឹងថា ពួកគេ បានជួយសង្គ្រោះអាយុជីវិត មនុស្ស ៥២ នាក់ ខណៈពេលដែលមានសេចក្តីរាយការណ៍ មានមនុស្ស ដល់ទៅ ១៣០ នាក់ នៅលើនោះ ។ ប្រភព បន្តអោយដឹងថា ករណីគ្រោះថ្នាក់មួយនេះ បានកើតឡើង កាលពីថ្ងៃអង្គារ កន្លងទៅ ។</p>
<p><a class="thickbox" title="" href="/FileManager/Commons/2014/5/12/01-12-05-2014--15-21-44.jpg"><img src="/FileManager/Articles/mce/2014/5/12/01-12-05-2014--15-21-44.jpg" alt="" /></a></p>
<p>គួរបញ្ជាក់ថា កាលពីថ្ងៃសៅរ៍កន្លងទៅនេះ រដ្ឋមន្រ្តីក្រសួង មហាផ្ទៃ ប្រទេស លីបី បានជម្រុញអោយ សភាពអឹរ៉ុប អោយធ្វើការច្រើនជាងនេះ ដើម្បីជួយទប់ស្កាត់ លំហូរនៃជនចំណាកស្រុក ។ ប្រភពបន្ត អោយដឹងថា ប្រទេស លីបី ជាចំនុចសំខាន់ របស់ជនចំណាកស្រុកអាហ្រ្វិក ធ្វើអន្តោប្រវេសន៍ ព្យា យាមចូលទៅតំបន់អឹរ៉ុប ។</p>
<p><a class="thickbox" title="" href="/FileManager/Commons/2014/5/12/2222-12-05-2014--15-21-57.jpg"><img src="/FileManager/Articles/mce/2014/5/12/2222-12-05-2014--15-21-57.jpg" alt="" /></a></p>
<p>អ្នកនាំពាក្យកងទ័ពជើងទឺក លោក Ayoub Kassem បានផ្តល់ជាកិច្ចសម្ភាសន៍ ដល់ទំព័រ ប៊ីប៊ីស៊ី អោយដឹងថា ទូកខាងលើ បានក្រឡាប់ លិច មានរយៈចម្ងាយជាង ៤ គ.ម ពីក្រុងជាប់មាត់សមុទ្រ ប្រទេស លីបី ក្រុង Garabouli ។ បន្ថែមពីលើនេះ មូលហេតុចម្បង ដែល នាំអោយទូកក្រឡាប់ គឺ បណ្តាលមកពី ផ្ទុកលើសទម្ងន់ ស្របពេលដែល មនុស្ស ៥៤ នាក់ផ្សេងទៀត បន្តបាត់ខ្លួននៅឡើយ</p>
<p><a class="thickbox" title="" href="/FileManager/Commons/2014/5/12/03-12-05-2014--15-22-11.jpg"><img src="/FileManager/Articles/mce/2014/5/12/03-12-05-2014--15-22-11.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>