<div class="article-content">
<p>រតនគិរីៈ យុវជនម្នាក់ យកខ្សែអង្រឹងចងក សម្លាប់ខ្លួន ក្នុងបន្ទប់ទឹក កាលពីវេលាម៉ោង៧និង០០នាទី យប់ថ្ងៃទី៨ ខែសីហា ឆ្នាម២០១៤ ក្នុងផ្ទះជីតា របស់ជនរងគ្រោះ ស្ថិតក្នុងភូមិជ័យជំនៈ សង្កាត់ឡាបាន សៀក ក្រុងបានលុង ខេត្តរតនគិរី។</p>
<p>បើតាមសាច់ញាតិជនរងគ្រោះ ប្រាប់ឲ្យដឹងថា មុនពេលចងក សម្លាប់ខ្លួននេះ ជនរងគ្រោះ បានលួច លុយម្តាយ ដែលជាស្ត្រី មេម៉ាយផងនោះ ចំនួន២ពាន់ដុល្លារ ចេញពីផ្ទះ ២-៣ថ្ងៃមកហើយ ដោយដើរស៊ី ចាយជាមួយមិត្តភក្តិ អស់លុយរលីងពីខ្លួន។</p>
<p>សាច់ញាតិខាងលើ បន្តឲ្យដឹងទៀតថា យុវជនរងគ្រោះនេះ មានឈ្មោះ អូន ឡូញ អាយុ២២ឆ្នាំ ជាក្មេងមិនប្រកប ដោយគន្លងធម៌ និយាយប្រដៅមិនស្តាប់គិត តែពីដើរលេងស៊ីចាយ សេបគប់មិត្តភក្តិមិនល្អ។</p>
<p>ក្រោយកើតហេតុ សមត្ថកិច្ចបានចុះទៅពិនិត្យសព ហើយប្រគល់ឲ្យក្រុមគ្រួសារធ្វើបុណ្យតាមប្រពៃណី៕</p>
<p style="text-align: center;"><a class="thickbox" title="" href="/FileManager/Commons/2014/8/9/06-09-08-2014--11-18-40.jpg"><img src="/FileManager/Articles/mce/2014/8/9/06-09-08-2014--11-18-40.jpg" alt="" /></a></p>
</div>
<p style="text-align: right;"><a href="http://www.dap-news.com/2011-06-14-02-39-55/92443-2014-08-09-03-49-50.html" target="_blank">ផ្តល់សិទ្ធដោយ ៖ ដើមអម្ពិល</a></p>