<p><span style="color: #000000;"><strong>រតនគិរីៈ</strong> នៅកណ្តាលបេះដូងក្រុងបានលុង ខេត្តរតនគិរី គេសង្កេតឃើញ មានកន្លែងបើកភ្នាល់បាល់ទាត់ ជាច្រើនកន្លែង ដោយសេរី ដោយពុំមានការខ្លាចញញើត សមត្ថកិច្ចខាងណាឡើយ។</span></p>
<p><span style="color: #000000;">សកម្មភាពនេះ ត្រូវបានគេរិះគន់ថា ទំនងជាសមត្ថកិច្ចមួយចំនួន នៅក្នុងខេត្តត្រូវថ្នាំសណ្តំអស់ទៅហើយ ទើបបានជាមានការ បើកលេងយ៉ាងចំហ ផ្ទុយពីគោនយោបាយភូមិឃុំ មានសុវត្ថិភាពទាំង៩ចំណុច របស់រាជរដ្ឋាភិបាល។</span></p>
<p><span style="color: #000000;">តាមប្រភពព័ត៌មាន ពីអ្នកនិយមល្បែងភ្នាល់បាល់ទាត់ បានប្រាប់ឲ្យដឹងថា ជារៀងរាល់ថ្ងៃ ដូចជាតាមហាងកាហ្វេ និងកន្លែងបុកប៊ីយ៉ែ។ </span><br /><span style="color: #000000;">អ្នកក្រុងបានលុងភាគច្រើន និយាយថា អ្វីកាន់តែព្រួយបារម្ភនោះ គឺគេពុំដែលឃើញមានការហាមប្រាម ពីសំណាក់សមត្ថកិច្ចមូលដ្ឋានទេ ហើយជាការពិតល្បែងស៊ីសងនេះ នឹងបង្កឲ្យមានចោរឆក់ ចោរលួច ចោរប្លន់ជាដើម។</span></p>
<p><span style="color: #000000;">អ្នកក្រុងបានលុងនិយាយទៀតថា មិនត្រឹមតែមិនខ្លាចរអែងទេ ក្រុមមេល្បែងភ្នាល់បាល់ទាត់ បានអួតក្អេងក្អាងថា គ្មានអ្នកណាហ៊ានមកចាប់ពួកគេទេ ព្រោះមានខ្សែក្រាស់ និងមានខ្នងធំណាស់ចាំបាច់ខ្លាចអី។ ម្យ៉ាងទៀតពួកគេ បានបង់លុយទៅឲ្យសមត្ថកិច្ច មួយចំនួនអស់ទៅហើយ ទើបបានជាបើកលេងដោយចំហ គ្មានខ្លាចញញើតបែបនេះ។</span></p>
<p><span style="color: #000000;">ទាក់ទិនទៅនឹងសកម្មភាព ល្បែងភ្នាល់បាល់ទាត់រីកដូចផ្សិត នៅកណ្តាលក្រុងបានលុង ដោយគ្មានការបង្ក្រាបនេះដែរ មជ្ឈមណ្ឌលព័ត៌មាន ដើមអម្ពិល មិនអាចសុំការបំភ្លឺពីលោក អ៊ុក សំអុល អភិបាលនៃគណៈអភិបាលក្រុងបានលុងបានទេ នៅព្រឹកថ្ងៃទី១០ ខែមករា ឆ្នាំ២០១៥នេះ។</span></p>
<p><span style="color: #000000;">សូមបញ្ជាក់ផងដែរថា ល្បែងស្ទូចត្រីផ្សងសំណាង ធ្លាប់មានតែក្នុងកាស៊ីណូ តែបច្ចុប្បន្នមានវត្តមានក្នុងក្រុងបានលុង សកម្មភាពទាំងនេះ សបញ្ជាក់ឲ្យឃើញថា ក្រុងបានលុងពោលពេញ ទៅដោយល្បែងស៊ីសង៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/11/51-11-01-2015--13-03-51.jpg"><img src="/FileManager/Articles/mce/2015/1/11/51-11-01-2015--13-03-51.jpg" alt="" /></a></span></p>
<p><a class="thickbox" title="" href="/FileManager/Commons/2015/1/11/50-11-01-2015--13-04-05.jpg"><img src="/FileManager/Articles/mce/2015/1/11/50-11-01-2015--13-04-05.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/11/51-11-01-2015--13-03-51.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>