<p>ព័ត៌មានអន្តរជាតិ ៖ ជាដំបូង នាងខ្ញុំបានគិតថា វាគឺជាប្រដាប់ប្រដាក្មេងលេងនោះទេ តែដឹង<br />អីថា នៅពេលដែលមើលអោយជិតនោះ តាមពិតទៅវាគឺជាកូនត្រីឆ្លាមមែនទែន នេះជាសម្តី<br />ស្រ្តីជាអ្នកធ្វើដំណើរតាមរថភ្លើងក្រោមដី ឈ្មោះ Juan Cano បានផ្តល់កិច្ចសម្ភាសន៍ដល់គេ<br />ហទំព័រសារព័ត៌មានបរទេស CNN ។</p>
<p>គួររំឭកផងដែរថា ករណីរកឃើញថាមានកូនត្រីឆ្លាមងាប់ ប្រវែងជាងកន្លះម៉ែត្រ នៅលើរថ<br />ភ្លើងក្រោមដីលើកនេះ ពិតជាបានបង្កអោយក្រុមអ្នកដំណើរ មានភាពភ្ញាក់ផ្អើល ក៏ដូចជា<br />មានភាពស្រឡាំងកាំងជាខ្លាំង ខណៈពេលដែលករណីដ៏កម្រនេះ បានកើតឡើងនៅក្នុង<br />តំបន់ទីប្រជុំជន Manhattan សហរដ្ឋអាមេរិក។</p>
<p><a class="thickbox" title="" href="http://camnews.com.kh/FileManager/Commons/2013/8/8/130807204351-subway-shark-story-top-08-08-2013--08-50-01.jpg"><img src="http://camnews.com.kh/FileManager/Articles/mce/2013/8/8/130807204351-subway-shark-story-top-08-08-2013--08-50-01.jpg" alt="" width="444" height="249" /></a></p>
<p>លើសពីនេះទៅទៀត ប្រភពសារព័ត៌មានដដែលបន្ថែមថា សាកសពត្រីឆ្លាមដែលនៅសើម<br />ទឹកនៅឡើយ មួយក្បាលនេះ មានទម្ងន់ចន្លោះពី ២ ទៅ ៤ គ.ក ហើយវាត្រូវបានក្រុម<br />មនុស្ស ដែលជាអ្នកធ្វើដំណើរ ប្រទះឃើញ នៅជិតកៅអីអង្គុយ ពោលគឺ នៅលើរថភ្លើង<br />Queens-bound N ចំណតលេខ ១៤ ។</p>
<p>យ៉ាងណាមិញ បើយោងតាមសម្តី អ្នកនាំពាក្យមកពីអង្គភាព MTA (Metropolitan Transit <br />Authority) លោក Kevin Ortiz អោយដឹងថា បន្ទាប់ពីទទួលបានព័ត៌មានមួយនេះ ក្រុមការ<br />ងារយើងខ្ញុំ ក៏បានចុះទៅដល់កន្លែងកើតហេតុ ដោយចុះធ្វើការអន្តរាគមន៍ នាំយកត្រីឆ្លាម<br />ងាប់មួយក្បាលនេះចេញ ។ ខ្ញុំពិតជាមានការងឿយឆ្ងល់ជាខ្លាំង ថាតើវាអាចមកនៅទីនោះ<br />បានដោយរបៀបណានោះទេ "ហេតុអ្វីបានជាវាមកនៅទីនេះទៅវិញ" ។ ទោះជាយ៉ាងណា<br />ក៏ដោយករណីនេះ ក៏កំពុងតែ ស្ថិតនៅក្រោមការតាមដានស៊ើបអង្កេត របស់ក្រុមមន្រ្តីជំ<br />នាញនៅឡើយ៕</p>
<p><object width="440" height="377" data="http://www.youtube.com/v/uBMAsKruMGs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/uBMAsKruMGs&rel=1" /></object></p>
<p style="text-align: right;">ដោយ ៖ រិទ្ធី<br />ប្រភព ៖ CNN</p>