<p>កាលពីរាត្រី ថ្ងៃទី ២៥ ខែឧសភា កន្លងទៅថ្មីៗនេះ ក្រុមហ៊ុនទូរស័ព្ទចល័តមិត្តហ្វូន បានធ្វើការ<br />ប្រគំតន្រ្តីដ៏ធំប្រចាំឆ្នាំរបស់ខ្លួន នៅពហុកីឡាដ្ឋានជាតិអូឡាំពិក ដោយបានអញ្ជើញតារាចម្រៀង<br />ប្រុសស្រី លំដាប់កំពូលៗ នៅប្រទេសកម្ពុជាដែលរួមមាន ដូចជា លោក ព្រាប សុវត្ថិ លោក<br />ឆន សុវណ្ណរាជ លោក ណុប បាយ៉ារិទ្ធ កញ្ញា ឱក សុគន្ធកញ្ញា កញ្ញា ពេជ្រ សោភា អ្នកនាង <br />យក់ ឋិតរដ្ឋា លោក ខេមរៈ សិរីមន្ត លោក ឆាយ វីរៈយុទ្ធ លោក នីកូ និង លោក រ៉ូលីន ។</p>
<p>តារាមួយដួងៗ សុទ្ធតែខិតខំប្រឹងប្រែង បញ្ចេញនូវទេពកោសល្យរបស់ខ្លួន រៀងៗខ្លួន ដោយ<br />លើកយក នូវបទចម្រៀងល្បីៗ ពេញនិយម រួមជាមួយក្បាច់រាំ ដ៏រស់រវើក អមដោយសម្លៀក<br />បំពាក់ ប្លែកៗដើម្បីទាក់ទាញយក ប្រជាប្រិយភាព ពីសំណាក់ទស្សនិកជន ដែលបានចូលរួម<br />ទស្សនាយ៉ាងច្រើនកុះករ នៅរាត្រីនោះ។</p>
<p>ដូចអ្វីដែលបានស្មានទុក ការចូលរួមពីសំណាក់តារាចម្រៀងល្បីៗលំដាប់កំពូល ពិតជាបាន<br />ធ្វើឲ្យកក្រើកឆាកតន្រ្តី Imuzik 2013 មែន ប៉ុន្តែអ្វីដែលចាប់អារម្មណ៍មួយនោះ ត្រង់ថា តារា<br />ចម្រៀង ឆន សុវណ្ណរាជ នៅតែបន្តលើកយកបទញាក់មួយបទ មានចំណងជើងថាៈ "Get On <br />the Floor" មកបកស្រាយនៅរាត្រីនោះ ហាក់ដូចជាមិនបានខ្វាយខ្វល់ ឈឺក្បាលវិលមុខ ជាមួយ<br />ពាក្យសំដីរិះគន់ចំៗស្តីពីការលួចចម្លងបទនេះ ពីសំណាក់ប្រិយមិត្តអ្នកគាំទ្រជនជាតិវៀតណាម<br />ឡើយ។</p>
<p><a class="thickbox" title="" href="/FileManager/Commons/2013/5/27/5-27-2013-2-16-37-pm-27-05-2013--14-19-49.png"><img src="/FileManager/Articles/mce/2013/5/27/5-27-2013-2-16-37-pm-27-05-2013--14-19-49.png" alt="" /></a></p>
<p>គួរបញ្ជាក់ផងដែរ កាលពីពេលថ្មីនេះ គេហទំព័រល្បីល្បាញមួយនៅប្រទេសវៀតណាម បានចុះ<br />ផ្សាយនូវអត្ថបទមួយ ស្តីពីការលួចចម្លងបទចម្រៀងល្បីៗមួយចំនួនរបស់គេ ក្នុងនោះក៏មានបទ<br />" Get On the Floor" ផងដែរ ហើយទទួលបានការរិះគន់យ៉ាងច្រើន ទាំងខាងប្រិយមិត្តវៀតណាម<br />និងប្រិយមិត្តខ្មែរយើង។</p>
<p>ខាងក្រោមនេះ គឺជាវីដេអូបទចម្រៀងដែលតារាចម្រៀង ឆន សុវណ្ណរាជ លើកយកមកបកស្រាយ<br />នៅក្នុងការប្រគំតន្ត្រី Imuzik 2013 កាលពីរាត្រីថ្ងៃទី ២៥ ខែឧសភា ដែលបទ "Get On the Floor"<br />នៅខាងចុងនៃវីដេអូ។ ទស្សនាទាំងអស់គ្នា ៖</p>
<p><object style="display: block; margin-left: auto; margin-right: auto;" width="500" height="400" data="http://www.youtube.com/v/i4l0BZQLOjs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/i4l0BZQLOjs&rel=1" /></object></p>
<p style="text-align: right;">ដោយ៖ សិលា</p>