<p>ការរស់នៅជាមួយដៃគូ អស់រយៈពេលយូរ ព្រមទាំងមានវ័យ កាន់តែចាស់ទៀតនោះ វាអាចបណ្តាលឲ្យចំណង់ផ្លូវភេទ ប្រែប្រួលបាន។ ខាងក្រោមនេះគឺជា ហេតុផលមួយចំនួន ដែលអ្នកអាចអស់អារម្មណ៍សិច ព្រមទាំងវិធីស្តារអារម្មណ៍ នោះមកវិញ។\</p>
<p><strong>- រវល់ពេក</strong><br />ភាពមមាញឹកជាមួយនឹងការងារ ថែទាំកូន រៀនសូត្រ ជួបជាមួយមិត្តភក្តិ និងការងារផ្ទះ ដ៏ច្រើនទៀតនោះ វាអាចនឹងធ្វើឲ្យចំណង់ នៃការរួមភេទធ្លាក់ចុះ ហើយវាមិនដូចគ្នា នៅពេលអ្នកនៅវ័យក្មេង ឬជួបគ្នាដំបូងឡើយ ដោយអាចរួមភេទ បានគ្រប់ពេលនោះទេ។</p>
<p>ឥឡូវនេះពីរបីនាទី ដែលអ្នកត្រូវការចំណាយនោះ គឺគ្រាន់តែចង់ងូតទឹក ដុសសាប៊ូ ឬដេកមួយស្របក់ប៉ុណ្ណោះ ព្រមទាំងគ្មានគិត ពីការរួមភេទឡើយ។ ការរួមភេទ គឺជាផ្នែកមួយដ៏សំខាន់នៃ ទំនាក់ទំនងរបស់មនុស្សពីរនាក់។ វាគឺជាមធ្យោបាយ នៃការបង្ហាញសេចក្តីស្រលាញ់ ចំពោះគ្នាទៅវិញទៅមក ប៉ុន្តែបើកង្វះវាវិញ អាចប្រែក្លាយទំនាក់ទំន ងដែលធ្លាប់ជាប្តីប្រពន្ធ ទៅជាមិត្តភាពវិញជាមិនខាន។</p>
<p><strong>+ ដំណោះស្រាយ</strong><br /> ចូរជ្រើសរើសពេលវេលាមួយយប់ ឬពីរយប់ក្នុងមួយសប្តាហ៍ ដើម្បីបង្កើតពេលវេលា ដ៏មានប្រយោជន៍ជាមួយ ដៃគូរបស់អ្នក។ អ្នកអាចលេងល្បែងកម្សាន្ត មួយសម្រាប់ខ្លួនឯងនិងដៃគូ ឬព្យាយាមប្រើរបៀបរួមភេទផ្សេងពីមុន។ ការដែលមានគម្រោងរួចជាមុនដូច្នេះ វាពិតជាធ្វើឲ្យទំនាក់ទំនងរបស់អ្នកទាំងពីរ មានដំណើរទៅមុខទៀតជាមិនខាន។</p>
<p><strong>- មានអារម្មណ៍ស្ត្រេស ឬព្រួយបារម្ភ</strong><br /> ការព្រួយបារម្ភច្រើន មានន័យថា ការរួមភេទតែងតែជារឿង ចុងក្រោយក្នុងចិត្តរបស់មនុស្ស។ វាអាចពិបាកក្នុងការ មានអារម្មណ៍សិច នៅពេលអ្នកកំពុងតែគិតអំពី ការចំណាយផ្សេងៗ ឬបញ្ហានៅកន្លែងធ្វើការ។ ប្រសិនបើអ្នកធ្លាប់មាន បទពិសោធន៍រួមភេទមិនល្អពីមុនមក ឬមានជំងឺកាមរោគ ភ័យខ្លាចការមានផ្ទៃពោះ ឬភាពល្អរបស់អ្នក នោះវាងាយនឹងធ្វើឲ្យអ្នក មិនចង់ប្រព្រឹត្តវាទៀត ឬមិនចង់ដោះស្រាយវាឡើយ។</p>
<p><strong>+ ដំណោះស្រាយ</strong><br /> ចំនុចសំខាន់សម្រាប់ បំបាត់ស្ត្រេស គឺព្យាយាម និងកាត់បន្ថយមូលហេតុរបស់វា។ ស្តាប់មើលទៅដូចជា ងាយស្រួលណាស់ ប៉ុន្តែប្រសិនបើ រឿងនោះទាក់ទងនឹងលុយកាក់វិញ ចូរចាំថា ការរួមភេទធ្វើឲ្យអ្នក មានអារម្មណ៍ល្អក្នុងការដោះស្រាយ រាល់បញ្ហាទាំងអស់។ ការលះបង់ចោល ការរួមភេទមិនអាចជួយឲ្យអ្វីៗ វិលមកល្អវិញបានទេ។ ការញ៉ាំអាហារមានតុល្យភាព ការញ៉ាំទឹកបានច្រើន ការដេកតិចបំផុត ៧ម៉ោងក្នុងមួយយប់ និងហាត់ប្រាណ សុទ្ធតែអាចផ្តល់នូវរាងកាយ និងចិត្តគំនិតប្រកបដោយសុខភាព ព្រមទាំងបង្កើតថាមពលទៀតផង។</p>
<p><strong>- មានភាពធុញទ្រាន់</strong><br /> ក្រោយពីរស់នៅជាមួយគ្នា រយៈពេលច្រើនឆ្នាំរួមមក ការមានអារម្មណ៍ ធុញទ្រាន់នឹងគ្នា គឺជារឿងមួយធម្មតាទេ ហើយក៏មិនមែនមានន័យថា អ្នកមិនស្រលាញ់គ្នាទៀតដែរ វាគ្រាន់តែជាអារម្មណ៍មួយ ដែលធ្វើឲ្យអ្នកមិនចង់ រួមភេទជាមួយគ្នា ទៀតដោយការប្រើ ក្បាច់ដដែលៗប៉ុណ្ណោះ។</p>
<p><strong>+ ដំណោះស្រាយ៖</strong><br /> ចូរសាកល្បងប្រើក្បាច់រួមភេទថ្មី ឬនិយាយអំពីអ្វី ដែលអ្នកចូលចិត្ត និងមិនចូលចិត្ត ឬទាក់ទងនឹងការស្លៀកពាក់។ អ្នកប្រហែលជាមាន អារម្មណ៍អៀនខ្មាស់ នៅពេលសាកល្បងជាលើកដំបូង ប៉ុន្តែអ្នកគួរតែធ្វើចិត្តឲ្យល្អទៅ ជាការស្រេចទៅហើយ។</p>
<p><strong>- មិនចូលចិត្តរាងកាយខ្លួនឯង</strong><br /> ការរស់នៅជាមួយដៃគូ អាចនឹងធ្វើឲ្យអ្នកឃើញថា រាងកាយមានការប្រែប្រួល ឬលែងពេញចិត្តខ្លួនឯងទៀត ទើបធ្វើឲ្យអ្នកបារម្ភច្រើន។ ការសិក្សាថ្មីៗនេះ បានរកឃើញថា មនុស្ស ៦៣% គឺមិនចូលចិត្តការដុះក្បាលពោះ ១៧% ស្អប់ភ្លៅដែលធំ ៧% ចង់កែកំប៉េះគូថ និង ៦%ទៀតមិនស្រលាញ់ដៃដែលធំៗ។ អារម្មណ៍បែបនេះ ហើយទើបធ្វើឲ្យពេលដោះ សម្លៀកបំពាក់ទៅ មិនចង់ឲ្យគេ ឃើញទាល់តែសោះ ជាពិសេសដៃគូរួមភេទ។</p>
<p><strong>+ ដំណោះស្រាយ៖</strong><br /> រឿងដ៏ល្អបំផុត ដែលអ្នកអាចធ្វើបាន គឺសម្រកទម្ងន់ ប៉ុន្តែត្រូវការព្យាយាម ប្រើវិធីរួមភេទទៅជាមួយគ្នាដែរ។ អ្នកខ្លះបែរជាយកកា រញ៉ាំស្ករសូកូឡា ឬផឹកស្រា ជំនួសការរួមភេទទៅវិញ តែវាមិនមានអ្វី ជាប្រយោជន៍នោះទេ។ អ្វីដែលសំខាន់ គឺមិនត្រូវសម្លឹងមើលអ្វី ដែលជាចំនុចមិនល្អទេ ត្រូវតែមានអ្វីដែលជា ចំនុចល្អឲ្យបានច្រើន។ ចូរចាំថា ដៃគូរបស់អ្នកស្រលាញ់អ្នក ហើយក្នុងពេលរួមភេទ គឺគ្រាន់តែចង់នៅឲ្យមាន ភាពស្និទ្ធស្នាលជាមួយ អ្នកប៉ុណ្ណោះ។</p>
<p><strong>- កំពុងតែប្រើថ្នាំ</strong><br /> ថ្នាំពន្យាកំណើតមួយចំនួន អាចបន្ថយចំណង់ផ្លូវភេទបាន។ ប៉ុន្តែថ្នាំផ្សេងៗ ទៀតដូចជា ថ្នាំបញ្ចុះសម្ពាធឈាម ថ្នាំបំបាត់ការបាក់តឹកចិត្ត ក៏សុទ្ធតែមានឥទ្ធិពល ទៅលើចំណង់ផ្លូវភេទដែរ។</p>
<p><strong>+ ដំណោះស្រាយ៖</strong><br /> ប្រសិនបើអ្នក យករឿងនេះទៅប្រាប់គ្រូពេទ្យ គាត់នឹងអាចបន្ថយ ចំនួនកម្រិតថ្នាំ ឬផ្លាស់ប្តូរថ្នាំថ្មី ដែលមិនប៉ះពាល់ដល់ការរួមភេទ។ មិនត្រូវឈប់ប្រើថ្នាំ ដោយខ្លួនឯងឡើយលុះត្រាតែ មានការអនុញ្ញាតពី គ្រូពេទ្យសិន។ ប្រសិនបើអ្នកមានបញ្ហាបាក់ទឹកចិត្ត វាពិតជាពិបាកណាស់ ក្នុងការទទួលបានអារម្មណ៍ ស្រើបស្រាលក្នុងពេលរួមភេទ ហើយប្រសិនបើប្រើថ្នាំ បំបាត់ការបាក់ទឹកចិត្តទៀត រឹងតែពិបាកទ្វេដងទៅទៀត។</p>
<p><strong>- ទើបតែមានកូនហើយថ្មីៗ</strong><br /> ប្រសិនបើអ្នកទើបតែ សម្រាលកូន ឬមានកូនខ្ចី ចំណង់ផ្លូវភេទរបស់អ្នក ប្រហែលជាត្រូវធ្លាក់ចុះខ្លាំងតែម្តង។ នេះអាចដោយសារតែ អ័រម៉ូននៃការស្រលាញ់កូន នៅតែគ្របដណ្តប់ខ្លាំងពេក ឬមានការបាក់ទឹកចិត្ត ក្រោយពីសម្រាលកូនរួច។</p>
<p><strong>+ ដំណោះស្រាយ៖</strong><br /> រាល់ហេតុផលទាំងអស់ត្រូវតែ មានដំណោះស្រាយផ្សេងៗគ្នា។ ចំពោះការបាក់ទឹកចិត្ត ក្រោយពេលសម្រាលអាចជា បញ្ហាដ៏ធ្ងន់ធ្ងរមួយដែល ត្រូវពិភាក្សាជាមួយគ្រូពេទ្យ។ ប្រសិនបើអ្នកចង់រួមភេទមែន តែមិនអាចធ្វើវាបានភ្លាមៗ ចូរធ្វើវាដោយយឺត។ ការបង្កើនភាពស្និទ្ធស្នាល ដោយមិនបាច់រួមភេទ អាចជួយអ្នកបានមួយកម្រិតដែរ ព្រមទាំងឲ្យអ្នកទាំងពីរកាន់តែ នៅជិតគ្នាកាន់តែខ្លាំងទៀតផង។</p>
<p><strong>- ញ៉ាំអាហារមិនល្អចំពោះសុខភាពច្រើនពេក</strong><br /> សូកូឡា និងស្រាអាចផ្តល់ថាមពល ដល់អ្នកបានច្រើនក្រោយពីញ៉ាំរួច ប៉ុន្តែវាបែរជាធ្វើឲ្យអ្នក មានអារម្មណ៍ឡេះឡះ អស់កម្លាំង និងឆេវឆាវទៀតផង ដែលវាសុទ្ធតែដាក់ សម្ពាធដល់ការមិនចង់រួមភេទ និងបន្ថយចំណង់ផ្លូវភេទ។ លើសពីនេះទៅទៀត វាក៏អាចរំខានដល់អ័រម៉ូន ក៏ដូចជាអារម្មណ៍ទៀតផង។</p>
<p><strong>+ ដំណោះស្រាយ៖</strong><br />វា មិនមែនមានន័យថាអ្នក ត្រូវតែឈប់ញ៉ាំអាហារទាំងនេះ រហូតនោះទេ គឺគ្រាន់តែញ៉ាំវាឲ្យមាន តុល្យភាពប៉ុណ្ណោះ។ សូកូឡាមិនមែនអាក្រក់ ទាំងអស់នោះទេ ព្រោះវាក៏មានឥទ្ធិពល ជាថ្នាំសម្រើបផងដែរ។ ការញ៉ាំទឹកឲ្យបានច្រើន អាចបង្កើនថាមពលប្រកប ដោយសុខភាពរាងកាយ និងផ្លូវភេទ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2012/October-2012/id-030/Kosal-0306.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2012/October-2012/id-030/Kosal-0307.jpg" alt="Looking Today" width="500" /></p>
<p style="text-align: right;"><a href="http://lookingtoday.com/index.php/entertainment-general-news/9941-2012-10-20-02-30-37.html" target="_blank">ផ្តល់សិទ្ធដោយ ៖ ដើមអម្ពិល</a></p>