<p><strong>ព្រះសីហនុ ៖</strong> ក្រុមអាជីវករ ប្រជាពលរដ្ឋ និងនគរបាលការពារផ្សារ សហការគ្នាដេញចាប់ជន<br /> សង្ស័យ ដ៏ស្រស់សង្ហាម្នាក់ ដែលបានធ្វើសកម្មភាព បន្លំលួចយកខ្សែដៃ របស់អាជីវកក្នុងផ្សារ<br />លើ ក្រុងព្រះសីហនុ ។</p>
<p>ប្រភពពីសមត្ថកិច្ច ការពារផ្សាលើក្រុងព្រះសីហនុ បានឲ្យដឹងថា យុវជនសង្ស័យជាប់ចោទពីបទ<br /> លួចបន្លំយកខ្សែដៃរបស់អាជីវករ ក្នុងផ្សារលើមានឈ្មោះ កែវ លីដា អាយុ ២៣ឆ្នាំ មានទីលំនៅ<br />តំបន់ អ៊ូវៀតណាម ទំនប់រលក ក្រុមទី៣១ ភូមិ៣ សង្កាត់លេខ១ ក្រុងខេត្តព្រះសីហនុ ដោយធ្វើ<br />សកម្មភាព ឆក់ខ្សែដៃ ទម្ងន់ ៥ជីមាស ពីស្ត្រីអាជីវកលក់មាស ក្នុងផ្សារលើ ក្រុងព្រះសីហនុ ឈ្មោះ <br />នាង ឡេង អាយុ ៦០ឆ្នាំ មុខរបរដូរលុយ និងលក់មាស តូបលេខ១ មានទីលំនៅក្រុមទី១៧ ភូមិ១<br /> សង្កាត់ លេខ៤ ក្រុងខេត្តព្រះសីហនុ តែមិនបានសម្រេច។</p>
<p>បន្ទាប់ពីស្ទាក់ចាប់បាន ប្រជាពលរដ្ឋបានស្វាគមន៍ម្នាក់មួយដៃ ម្នាក់មួយជើងផងដែរ មុនពេលបញ្ជូន<br />ទៅកាន់អធិការដ្ឋាន នគរបាលក្រុងព្រះសីហនុ កាលពីព្រឹកថ្ងៃទីទី៨ ខែតុលា ឆ្នាំ២០១៣ វេលាម៉ោង<br />១១និង៣០នាទី បន្ទាប់ពីយុវជនរូបនោះ ឆក់ខ្សែដៃពីអាជីវករលក់មាស ដូរលុយម្នាក់ នៅក្នុងផ្សារ<br />លើ ក្រុងព្រះសីហនុ។</p>
<p>ស្ត្រីរងគ្រោះឈ្មោះ នាង ឡេង បានឱ្យដឹងទាំងតក់ស្លុតថា នៅមុនកើតហេតុ ពេលគាត់សម្រាក<br /> បាយថ្ងៃត្រង់រួច ក៏មានយុវជនវ័យក្មេងម្នាក់ បានមកសួររកទិញខ្សែដៃមាស នៅពេលនោះគាត់ <br />បានលូកយកខ្សែដៃ ទម្ងន់៣ជីមាស ឲ្យយុវជននោះមើល ត្រូវយុវជននោះឆ្លើយថា អាមួយនេះវា<br />ស្ទើរ បន្តិច តើមានអាធំជាងនេះបន្តិចទេ គាត់ក៏បានលូកយកខ្សែដៃទម្ងន់ ៥ជីមាស ហុចទៅឲ្យ<br />មើល ក៏ ត្រូវយុវជនរូបនេះឆក់យក រួចស្ទុះរត់គេចខ្លួន ។ ភ្លាមៗនោះគាត់ បាន ស្រែកឆោឡោឲ្យ<br />អ្នកជិត ខាងជួយចាប់ ។ ដោយបានឮសម្រែកស្រែកថា ចោរៗ អាជីវករក្នុងផ្សារជាច្រើន បាន<br />ស្រែកបន្តគ្នា រហូតឮដល់នគរបាល ការពារផ្សារ ក៏ស្ទាក់ចាប់ជាប់បានតែម្តង ។</p>
<p>សាក្សីនៅកន្លែងកើតហេតុ ក៏បាននិយាយថា យុវជនជាប់ចោទនេះ មានរូបរាងស្អាតបាត មិនចាញ់<br /> តារាសម្តែងប៉ុន្មានទេ មិនគួរណាមានគំនិតមិនល្អទៅវិញ ។ សាក្សីដដែលបន្តថា បើសិនក្រោយ<br /> ពេលលួចបាន ជនសង្ស័យដើរធម្មតា មិនមាននរណាហ៊ានដេញចាប់ទេ ព្រោះជនសង្ស័យរូបនេះ<br /> មានរូបរាងស្រស់សង្ហា ដូចកូនអ្នកមានមួយរូបអីចឹងដែរ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0083.jpg" alt="" width="500" /></p>
<p style="text-align: center;"><strong>យុវជនជាប់សង្ស័យដែលឆក់ខ្សែដៃរបស់អាជីវករលក់មាស</strong></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0084.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0085.jpg" alt="" width="500" /></p>
<p style="text-align: center;"><strong>អាជីវករលក់មាសដែលរងគ្រោះ</strong></p>
<p style="text-align: right;"><span>ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល </span></p>