<p><span style="color: #000000;"><strong>(សៀមរាប)៖</strong> លោក ម៉ម ប៊ុនហេង រដ្ឋមន្ត្រីក្រសួងសុខាភិបាល នៅព្រឹកថ្ងៃទី០៥ ខែកញ្ញា ឆ្នាំ២០១៦នេះ ជាមួយមន្ត្រីអមដំណើរ បានបន្ដចុះពិនិត្យ ប្រតិបត្តិការរបស់មន្ត្រី និងម៉ាស៊ីនស្កេនវីរុស Zika នៅអាកាសយានដ្ឋានអន្តរជាតិសៀមរាប បន្ទាប់ពីការចុះពិនិត្យមើល ម៉ាស៊ីនស្កេនវីរុស នៅអាកាសយានដ្ឋានអន្តរជាតិភ្នំពេញ ក្នុងគោលបំណង ដើម្បីបង្កើនការយកទុកដាក់ ក្នុងការត្រួតពិនិត្យការឆ្លង ចូលវីរុស Zika ពីប្រទេសផ្សេងៗ តាមរយៈអ្នកដំណើរតាមជើងយន្ដហោះពីបរទេស ចូលមកកាន់ប្រទេសកម្ពុជា។</span></p>
<p><span style="color: #000000;">លោករដ្ឋមន្ដ្រី បញ្ជាក់ថា<strong> «ការទប់ស្កាត់នឹងការពារ ជម្ងឺហ្ស៊ីកា (Zika) គឺវាដូចនឹងការពារជម្ងឺគ្រុនឈាមដែរ ដោយការការពារកុំឲ្យមូលខាំ តាមរយៈការកំចាត់វត្ថុដក់ទឹក ដែលជាជំរក នៃការកកើតសត្វមូល»</strong>។ លោក បានជំរុញឲ្យថ្នាក់ដឹកនាំ អាជ្ញាធមូលដ្ឋាន អង្គភាព ស្ថាប័នពាក់ព័ន្ធ ដៃគូរនានា និងប្រជាសហគមន៍ យកចិត្តទុកដាក់ ក្នុងការចូលរួមកំចាត់ជំរកដង្កូវទឹក ដែលនាំឲ្យមានមូសបង្កនូវជម្ងឺ ហើយនៅពេលមានជម្ងឺ ដែលមានរោគសញ្ញា ដូចរៀបរាប់ខាងលើ សូមទៅមណ្ឌសុខភាព ឬមន្ទីរពេទ្យបង្អែកដែលនៅជិតបំផុត ដើម្បីពិគ្រោះយោបល់ និងបានពិនិត្យសុខភាពជាបន្ទាន់ ផងដែរ។</span></p>
<p><span style="color: #000000;">ជាថ្មីម្ដងទៀត លោករដ្ឋមន្ត្រី ម៉ម ប៊ុនហេង បានប្រកាសលេខទូរស័ព្ទបន្ទាន់ ឬ Hotline <strong>«115»</strong> សម្រាប់សួរនាំអំពីជំងឺឆ្លងនិងបញ្ហា សុខាភិបាលផ្សេងៗ សម្រាប់២៤ម៉ោងលើ ២៤ម៉ោង ដើម្បីបង្កើនការយកទុកដាក់ក្នុងការត្រួតពិនិត្យ ការឆ្លងចូលវិរ៉ុស Zika មកកម្ពុជា៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-09-05-12-30-25-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-05-12-30-25-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-05-12-30-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-05-12-30-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-05-12-30-24-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>