<div class="article-content">
<p><strong>ភ្នំពេញ ៖</strong> ពាក្យចាស់ តែង ពោលថា "បើចង់សុខ ឲ្យយកប្រពន្ឋមួយ បើចង់ព្រួយ ឲ្យយកប្រពន្ធ<br />ពីរ បើចង់អត់ អីស៊ីឲ្យយកប្រពន្ឋបី ហើយបើចង់ដេកដី ឲ្យយក ប្រពន្ឋបួន " ។ ដែលចាស់ៗតែង<br />ទូន្មានដល់ មនុស្សប្រុសគ្រប់ៗរូប ត្រូវ ចងចាំ និងត្រូវចៀសវាងយក ទុក្ខមកដាក់ខ្លួន ។</p>
<p>ជាក់ស្តែងបុរសម្នាក់នេះ បានដើរឡើងលើស្ពាន ព្រះមុនីវង្សថ្មី ទាំងទឹកមុខក្រៀមក្រំ បង្កប់ទៅ <br />ដោយទុក្ខព្រួយរាប់ រយ ជំពូក ដែលមិនអាចដោះស្រាយចេញ ដោយរូបគេបានមកឈររេរានៅ<br />លើស្ពានហាក់មានបំណងនឹងលោតចុះ ក្នុងទឹកទន្លេធ្វើអត្តឃាតខ្លួនឯង ដើម្បីបញ្ចប់ការគិត បញ្ចប់<br />ការទទួលខុសត្រូវ ដែល ខ្លួនបានសាងឡើង ។ ប៉ុន្តែ សំណាង ល្អ ការប៉ុនប៉ងធ្វើបែបនេះ មិនបាន<br />សម្រេច ព្រោះសមត្ថកិច្ចមូលដ្ឋានជួយឃាត់ទាន់ពេលវេលា។</p>
<p>ហេតុការណ៍ នេះធ្វើឲ្យមានការភ្ញាក់ផ្អើលឡើងនៅវេលាម៉ោង ២៣ និង ៤០ នាទីយប់ ថ្ងៃទី ០២<br /> ខែកក្កដា ឆ្នាំ ២០១៣ ស្ថិតនៅស្ពានព្រះមុនីវង្សថ្មី សង្កាត់ច្បារអំពៅទី ១ ខណ្ឌមានជ័យ ។</p>
<p>សមត្ថកិច្ចមូល ដ្ឋានបានឲ្យដឹងថា មនុស្សប្រុសដែលយក ការស្លាប់មកដោះស្រាយ បញ្ហាដែល<br />ខ្លួនសាងនោះ ឈ្មោះ ឈុន ដាឡិច អាយុ៣៨ឆ្នាំ ស្នាក់នៅផ្ទះជួល សង្កាត់ផ្សារដើមថ្កូវ ខណ្ឌចំ<br />ការមន ។</p>
<p>សមត្ថកិច្ច មូលដ្ឋានបានបន្តថា មុនពេលកើតហេតុ គេបានឃើញ បុរសរងគ្រោះ បានដើរពីផ្លូវ<br />ព្រះមុនីវង្ស ឡើងលើស្ពានព្រះមុនីវង្សថ្មី ដើរដោយទឹក មុខស្រងូច ស្រងាត់ ខណៈឡើងដល់<br />ពាក់កណ្តាលស្ពាន ក៏បានឈប់មួយសន្ទុះ រួចក៏ បានលើកជើងឡើងបង្កាន់ដៃ ស្ពានបម្រុង<br />លោតទឹក<br />សម្លាប់ ខ្លួន ប៉ុន្តែត្រូវបានសមត្ថកិច្ច ដែលកំពុងឈរជើងនៅស្ពាននោះជួយឃាត់ទាន់ពេល <br />វេលា និងបាននាំខ្លួនរូបគេ យកទៅកាន់ទីស្នាក់ការ នគរបាលប៉ុស្តិ៍ច្បារអំពៅទី១ ដើម្បីធ្វើការ<br /> សាកសួរពីមូល ហេតុ ដែលរូបគេគិតខ្លី មកលោតទឹកធ្វើអត្តឃាតខ្លួនឯងបែបនេះ។</p>
<p>នៅចំពោះមុខសមត្ថកិច្ច ឈ្មោះ ឈុន ដាឡិច បានទឹកភ្នែក និងលាយឡំដោយសំដីអួលដើម ក<br /> មកបិទបាំងភាព កំសោយរបស់ខ្លួន ប្រាប់សមត្ថកិច្ចថា មូលហេតុ ដែលខ្លួន គេគិតចង់សម្លាប់<br />ខ្លួននេះ ព្រោះតែសព្វថ្ងៃបញ្ហានៅក្នុងគ្រួសាររបស់គេតែងតែមិនចុះសម្រុងគ្នាសោះ ជាពិសេស<br />ខ្លួនគ្មាន សមត្ថភាពក្នុងការចិញ្ចឹម បីបាច់ប្រពន្ធចុង និងតូចចិត្ត ដែលប្រពន្ធដើមសុំលែងលះគ្នា<br /> ទើបបានជាខ្លួន ពិបាកមិនដឹងថា ត្រូវដោះស្រាយយ៉ាងណាមានតែមកសម្រេចផ្តាច់សង្ខានៅ<br />លើស្ពាន ព្រះមុនីវង្សថ្មីនេះតែម្តងទៅ។</p>
<p>បច្ចុប្បន្នបុរសរូបនេះ ត្រូវបានសមត្ថកិច្ចធ្វើការ អប់រំណែនាំ ឈប់ឲ្យរូបគេ គិតខ្លីបែបនេះទៀត <br />ដោយផ្តល់គំនិតល្អៗ ឲ្យខិតខំប្រឹងប្រែងរកស៊ីទៅ តាមសមត្ថភាពក្នុង ការចិញ្ចឹមខ្លួនឯង និង<br />ប្រពន្ឋកូនតទៅទៀត ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0014.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0015.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>