<div class="article-content">
<p><strong>ភ្នំពេញ៖</strong> ជនសង្ស័យ ចំនួន២នាក់ ត្រូវបានកម្លាំងនគរបាល ខណ្ឌទួលគោក ឃាត់ខ្លួនកាលពី<br />វេលាម៉ោង ៩ព្រឹកថ្ងៃទី២១ ខែមីនា ឆ្នាំ២០១៣ នៅចំណុច ផ្លូវលេខ១៩២ ក្រុមទី៧ ភូមិ២ សង្កាត់<br />ទឹកល្អក់ទី៣ ខណ្ឌទួលគោក ក្រោយពេល ដែលជនសង្ស័យ ទាំងពីរនាក់ បានលួចម៉ូតូ កាលពី<br />វេលាម៉ោង ៣ យប់រំលង អាធ្រាត្រ ថ្ងៃទី២១ ខែមីនា ឆ្នាំ២០១៣ ស្ថិតនៅ ផ្ទះគ្មានលេខ ភូមិ៣ <br />សង្កាត់លេខ១ ក្រុងព្រះសីហនុ ខេត្តព្រះសីហនុ ហើយនាំគ្នាជិះម៉ូតូគេចខ្លួនមករាជធានីភ្នំពេញ។</p>
<p>សមត្ថកិច្ច ខណ្ឌទួលគោក បានឲ្យដឹងថា ជនសង្ស័យទី១ មានឈ្មោះ និមល ហៅក្រុក អាយុ២៣<br />ឆ្នាំ មុខរបរមិនពិតប្រាកដ ស្នាក់នៅផ្ទះ គ្មានលេខ ភូមិអូរ២ មណ្ឌល១ សង្កាត់៤ ខណ្ឌមិត្តភាព <br />ខេត្តព្រះសីហនុ និងជនសង្ស័យទី២ មានឈ្មោះ ថូ ឧត្តម ហៅជុំ អាយុ១៧ឆ្នាំ ជាសិស្សថ្នាក់ទី៩អឺ<br /> នៃអនុវិទ្យាល័យ ហ៊ុន សែន មិត្តភាព រស់នៅផ្ទះគ្មាន លេខភូមិអូរ១ សង្កាត់៤ ខណ្ឌមិត្តភាព ខេត្ត<br />ព្រះសីហនុ ។</p>
<p>ដោយឡែក ជនរងគ្រោះមាន ឈ្មោះ ទ្រឿង ស្រីនី ភេទស្រី អាយុ២៩ឆ្នាំ មុខរបររោង ចក្រកាត់ដេរ<br /> ខេត្តព្រះសីហនុ ស្នាក់នៅ ផ្ទះគ្មានលេខ ភូមិ៣ សង្កាត់១ ក្រុងព្រះសីហនុ ខេត្តព្រះសីហនុ ហើយ<br />ម៉ូតូដែល ជនសង្ស័យទាំងពីរនាក់បានលួចម៉ាកសេ១២៥ ស៊េរី២០១២ ពាក់ស្លាកលេខ ព្រះសីហនុ<br /> 1E-0368 ។</p>
<p>បើតាមសមត្ថកិច្ច បានឲ្យដឹងថា ខណៈកម្លាំង នគរបាល ខណ្ឌទួលគោក កំពុងជិះល្បាតស្រាប់តែ <br />ដល់ចំណុច កើតហេតុ ក៏ប្រទះឃើញជនសង្ស័យ ទាំងពីរនាក់ កំពុងជិះម៉ូតូឌុបគ្នាដោយគ្មានស្លាក<br />លេខ និងមួកសុវត្ថិភាព ក៏ឃាត់ដើម្បីសួរនាំ ។</p>
<p>ពេលសួរនាំ និងបានទទួលព័ត៌មាន ពីនគរបាលខេត្ត ព្រះសីហនុផងនោះ ទើបសមត្ថកិច្ចឃាត់ខ្លួន<br /> ទើបដឹងថាពួកគេ ទាំងពីរនាក់ បានលួចម៉ូតូ ពីជនរងគ្រោះ នៅខេត្តព្រះសីហនុ។ បច្ចុប្បន្ន ជន<br />សង្ស័យទាំងពីរនាក់ ត្រូវបានសមត្ថកិច្ច ខណ្ឌទួលគោក ប្រគល់ជូន សមត្ថកិច្ច ខេត្តព្រះសីហនុ <br />ដើម្បីចាត់ការតាមផ្លូវច្បាប់៕</p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0276.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0277.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>