<p><span style="color: #000000;"><strong>ភ្នំពេញៈ</strong> តារាកំប្លែង កំពុងតែមានទីផ្សារ ទៅលើការថតរឿង និងកំប្លែង នាយ គ្រឿន ថ្មីៗនេះ បានសម្តែងការត្អូញត្អែរ ដោយបើកចំហរថា បច្ចុប្បន្ននេះ ទាំងផលិតកម្ម និងតួសម្តែង នៅក្នុងស្រុកយើង កំពុងតែមាន ការលំបាក ចំពោះប្រាក់ ចំណូលដែល បានពីការថតរឿង ។</span></p>
<p><span style="color: #000000;">ម្យ៉ាងទៀតក្នុងនាមរូបលោកជា អ្នកសិល្បៈម្នាក់ តំណាងឲ្យអ្នកសិល្បៈផ្សេងទៀត ចង់ទទូចទៅដល់ ក្រសួងវប្បធម៌ និងស្ថាប័ន ពាក់ព័ន្ធមេត្តា កាត់បន្ថយ ការយកពន្ធ ដើម្បីឲ្យផលិតកម្ម មានកម្លាំងចិត្ត ក្នុងការថតរឿង និងតារាសម្តែង ក៏មានទឹកចិត្តបន្តអាជីពនេះ ឲ្យមានភាពរីកចម្រើន ទៅមុខបន្ថែមទៀត។</span></p>
<p><span style="color: #000000;">ថ្លែងនៅក្នុងពិធី បើកសម្ពោធ រឿងមួយមានចំណងជើងថា "បង្គោលគ្រាក់ សង្កត់វិញ្ញាណ" ដែលជាវណ្ណកម្មទី៨ របស់ផលិតកម្ម LD Picture នៅមជ្ឈមណ្ឌល កម្សាន្ត និងពាណិជ្ជកម្ម TK ទួលគោក តារាកំប្លែងនាយ គ្រឿន បានប្រាប់ឲ្យដឹងថា ទាំងផលិតករ និងតារាសម្តែង ពិតជាមានការប៉ះពាល់ អារម្មណ៍ខ្លាំងចំពោះ ស្ថាប័នពាក់ព័ន្ធ ដែលមិនបានជួយជ្រោមជ្រែង ផលិតករ និងអ្នកសិល្បៈជាខ្មែរដូចគ្នា ។ លោកនិយាយនេះ ក៏ចង់ចូលរួម ចំណែកគាំទ្រដល់ផលិតកម្មក្នុងស្រុក ព្រោះថា ទម្រាំតែថតបានរឿងមួយ មកបញ្ចាំងមិនងាយទេ ពួកគាត់ត្រូវខំសរសេរនិពន្ធ និងថតមិនស្រួលឡើយ ពួកគាត់ត្រូវកាត់វាលកាត់ព្រៃកាត់ភ្នំ ទម្រាំតែបានមួយរឿងៗមកចាក់ផ្សាយ ។</span></p>
<p><span style="color: #000000;">តារាកំប្លែង នាយ គ្រឿន បានប្រាប់ឲ្យដឹងបន្តទៀតថា "ទស្សនិកជនប្រាកដជា គិតថា ពួកគាត់ទិញសំបុត្រ ចូលទស្សនារឿង គឺលុយទាំងនោះប្រាកដជា បានមកលើ ផលិតកកម្ម និងតារាសម្តែងទាំងអស់ តាមពិតទៅខ្ញុំ សុំបញ្ជាក់ថា លុយទាំងអស់នោះ មិនមែនបានមកពួកខ្ញុំទាំងអស់ ពោលគឺពួកខ្ញុំ បាន ចំណូលតិច ព្រោះថាលុយ មួយចំនួនធំ ត្រូវបែងចែកទៅបង់ពន្ធ ឲ្យខាងក្រសួងវប្បធម៌ និងផ្នែកខាងរោងកុនជាដើម ។ ចំណែកតួសម្តែង និងផលិតករ បានលុយតិច មានអារម្មណ៍ថា បាក់ទឹកចិត្តខ្លាំង " ។</span></p>
<p><span style="color: #000000;">នាយ គ្រឿន បានបន្ថែមបែបទទូចទៀតថា លោកស្នើទៅអ្នកយកពន្ធ ឬអ្នកកាត់ភាគរយ មើលទៅគេបានលុយ យ៉ាងស្រួល តែដោយឡែក ខាងអ្នកផលិត បែរជាមានការពិបាក ដូច្នេះសុំសំណូមពរ ទៅដល់ក្រសួង និងស្ថាប័នពាក់ព័ន្ធ បើអាចកាត់បន្ថយ ឬមួយដកចេញ ឈប់យកតែម្តងកាន់តែល្អ ដើម្បីវិស័យសិល្បៈ របស់យើងទាំងអស់គ្នា៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/7/90-07-01-2015--12-42-01.jpg"><img src="/FileManager/Articles/mce/2015/1/7/90-07-01-2015--12-42-01.jpg" alt="" /></a></span></p>
<p><a class="thickbox" title="" href="/FileManager/Commons/2015/1/7/91-07-01-2015--12-42-55.jpg"><img src="/FileManager/Articles/mce/2015/1/7/91-07-01-2015--12-42-55.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/7/90-07-01-2015--12-42-01.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>