<p><span style="color: #000000;"><strong>ភ្នំពេញ ៖</strong> បុរសម្នាក់ ដែលស្រែកអះអាង ថា ជាមន្ដ្រីនគរបាលនៅស្នងការដ្ឋាននគរ បាលរាជធានីភ្នំពេញ បាន បង្កគ្រោះថ្នាក់ ចរាចរណ៍ជាមួយអ្នករត់ម៉ូតូកង់បី ប៉ុន្ដែអ្វី ដែលធ្វើឱ្យមានការភ្ញាក់ផ្អើលទៅទៀតនោះ គឺមន្ដ្រី នគរបាលរូបនេះ បានដកកាំភ្លើង គំរាម បាញ់អ្នករត់ម៉ូតូកង់បី ហើយហក់ទៅធាក់ ព្រមទាំងជេរប្រមាថកាតទាន អ្នកកាសែត ដែលចុះទៅយកព័ត៌មាន នៅទីនោះទៀត ផង ។</span></p>
<p><span style="color: #000000;">ហេតុការណ៍ខាងលើនេះ បានកើតឡើង កាលពីវេលាម៉ោង៨និង៤០នាទីយប់ថ្ងៃទី ១៧ ខែមីនា ឆ្នាំ២០១៥ ស្ថិតនៅតាម បណ្ដោយផ្លូវហាណូយ សង្កាត់ភ្នំពេញថ្មី ខណ្ឌ សែនសុខ ពោលស្ថិតនៅទល់មុខសាលា ខណ្ឌសែនសុខ តែម្ដង ។</span></p>
<p><span style="color: #000000;">យោងតាមប្រភពព័ត៌មានពីសាក្សីនៅ នឹងកន្លែងកើតហេតុ បាននិយាយថា មុន ពេលមានរឿងរ៉ាវខាង លើនេះ កើតឡើង គេ បានឃើញបុរសម្នាក់បើករថយន្ដម៉ាកលុច្ស ស៊ីស ខ្រ៣០០ ពណ៌ស្ករ តាមបណ្ដោយផ្លូវ ហាណូយ លុះមកដល់មុខសាលាខណ្ឌ ស្រាប់ តែបត់រថយន្ដទៅក្រោយ ក៏ប៉ះនិងម៉ូតូកង់បី ដែលបើកមកពីខាងក្រោយ ចំហៀងនិងឆូត ថ្នាំនៅលើរថយន្ដបន្ដិចបន្ដួច ។</span></p>
<p><span style="color: #000000;">សាក្សីបាននិយាយទៀតថា ក្រោយពី រថយន្ដនិងម៉ូតូកង់បីទាំងពីរគ្រឿងប៉ះគ្នារួច មកបានធ្វើឱ្យម្ចាស់រថយន្ដ និងអ្នកបើកម៉ូតូ កង់បី ឈ្លោះប្រកែកគ្នាធ្វើឱ្យបុរសរូបនេះ ឈួលច្រមុះក្ដៅឡើងៗ ក៏ដកកាំភ្លើងគំរាម បាញ់សម្លាប់ រួចលោតទៅធាក់អ្នករត់ម៉ូតូ កង់បីនិងស្រែកក្ដែងៗថា ចង់ប្រើច្បាប់អី ច្បាប់ព្រៃក៏បានដែរ គាត់មិនខ្លាចនោះឡើយ ព្រោះជាមន្ដ្រីបម្រើការងារនៅស្នងការដ្ឋាន នគរបាលរាជធានីភ្នំពេញ ។</span></p>
<p><span style="color: #000000;">ប្រភពព័ត៌មានពីសាក្សីបានបន្ដទៀតថា ដោយឃើញស្ថានភាពនេះ កាន់តែពុះកញ្ជ្រោល ខ្លាំងឡើង ព្រោះឈ្លោះប្រកែកគ្នារកត្រូវ រៀងៗខ្លួននោះ ទើបនគរបាលចរាចរណ៍និង សណ្ដាប់ធ្នាប់ខណ្ឌសែនសុខ បានចុះទៅវាស់ វែងនិងសម្របសម្រួល ប៉ុន្ដែម្ចាស់រថយន្ដ នៅតែមិនព្រម ទើបរៀបចំអូសយករថយន្ដ និងម៉ូតូកង់បីទៅរក្សាទុក នៅអធិការដ្ឋាន នគរបាលខណ្ឌ រង់ចាំការដោះស្រាយនៅ ពេលក្រោយទៀត ។</span></p>
<p><span style="color: #000000;">ដោយសារឃើញសមត្ថកិច្ចចរាចរណ៍ កំពុងវាស់វែង ដឹកយករថុយន្ដនិងម៉ូតូកង់បី ទៅរក្សាទុកនោះ ស្រាប់តែអ្នក បើករថយន្ដ ដឹងពីកំហុសរបស់ខ្លួនហើយមិនចង់វែងឆ្ងាយ ក៏បើករថយន្ដចេញ ថែមទាំងមិនបានទាម ទារលុយ១០០ដុល្លារ ដែលខ្លួនបានទារពីដំបូង ឱ្យម្ចាស់ម៉ូតូកង់បីសងនោះឡើយ ។</span></p>
<p><span style="color: #000000;">ម្យ៉ាង វិញទៀត ដោយសារតែមានការស្រែកឌឺដង ក៏ដូចជាថាឱ្យមួយមាត់មួយកពីសំណាក់ប្រជា ពលរដ្ឋ ដែលឈរចោមរោមមើលផងនោះ ក៏ដាច់ចិត្ដបើករថយន្ដចេញទៅទាំងការខ្មាស អៀន ។</span></p>
<p><span style="color: #000000;">យ៉ាងណាក៏ដោយនោះ គ្មាននរណាម្នាក់ ស្គាល់ពីអត្ដសញ្ញាណនោះឡើយថា ពិតជា មន្ដ្រីនគរបាលនៅ ស្នងការដ្ឋាននគរបាលរាជ ធានីភ្នំពេញ ឬមួយយ៉ាងណានោះឡើយ ពោលគ្រាន់តែជាការអះអាងថា របស់រូបគេ ប៉ុណ្ណោះ ដែលថាជាមន្ដ្រីបម្រើការងារនៅ ស្នងការក្រុង ។ ដោយឡែកអ្នកបើកម៉ូតូកង់ បី មានឈ្មោះមិន ជឿន អាយុ៣៩ឆ្នាំ មុខ របរជាអ្នករត់ម៉ូតូកង់បី រស់នៅភូមិសែនសុខ សង្កាត់ឃ្មួញ ខណ្ឌសែនសុខ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-37-35-am-19-03-2015--09-43-18.png"><span style="color: #000000;"><img src="/FileManager/Articles/mce/2015/3/19/3-19-2015-9-37-35-am-19-03-2015--09-43-18.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-37-53-am-19-03-2015--09-43-30.png"><span style="color: #000000;"><img src="/FileManager/Articles/mce/2015/3/19/3-19-2015-9-37-53-am-19-03-2015--09-43-30.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-38-20-am-19-03-2015--09-43-42.png"><span style="color: #000000;"><img src="/FileManager/Articles/mce/2015/3/19/3-19-2015-9-38-20-am-19-03-2015--09-43-42.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-38-06-am-19-03-2015--09-43-55.png"><span style="color: #000000;"><img src="/FileManager/Articles/mce/2015/3/19/3-19-2015-9-38-06-am-19-03-2015--09-43-55.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-38-20-am-19-03-2015--09-44-07.png"><span style="color: #000000;"><img src="/FileManager/Articles/mce/2015/3/19/3-19-2015-9-38-20-am-19-03-2015--09-44-07.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-38-34-am-19-03-2015--09-44-19.png"><span style="color: #000000;"><img src="/FileManager/Articles/mce/2015/3/19/3-19-2015-9-38-34-am-19-03-2015--09-44-19.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/19/3-19-2015-9-38-46-am-19-03-2015--09-44-31.png"><span style="color: #000000;"><img src="/FileManager/Articles/mce/2015/3/19/3-19-2015-9-38-46-am-19-03-2015--09-44-31.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>