<p>ក្នុងពេលដែលលោកនាយកប្រតិបត្តិ John Chen កំពុងតែខិតខំប្រឹងប្រែងអស់ពីកំលាំងកាយចិត្ត ធ្វើការផ្សាយពាណិជ្ជកម្ម ដល់បណ្តាផលិតផលរបស់ BlackBerry បែរជាភរិយារបស់លោក គឺជាអ្នក គាំទ្រ (Fan) ផ្គាប់មុខរបស់ទូរស័ព្ទ Samsung ទៅវិញ។</p>
<p style="text-align: center;"><a href="http://www.camnews.com.kh/News/Detail/84019/iphone-6-pluss-run-windows-98"><em><span style="color: #3366ff;">...អាន៖ អីយ៉ា! iPhone 6 Plus ប្រើបាន Windows 98 ផង</span></em></a> </p>
<p style="text-align: center;"><a class="thickbox" title="" href="/FileManager/Commons/2014/11/12/1350198-12-11-2014--17-39-51.jpg"><img src="/FileManager/Articles/mce/2014/11/12/1350198-12-11-2014--17-39-51.jpg" alt="" /></a></p>
<p>បន្ទាប់ពីរយះពេលមួយឆ្នាំ ក្នុងការឡើងមកជំនួសតំណែងរបស់លោកនាយកប្រតិបត្តិ Thorsten Heins, លោក John Chen បានធ្វើការពង្រឹងដល់ដំណើរការជំនួញរបស់ BlackBerry ជាខ្លាំង ។ ជាមួយនឹង BlackBerry Passport ដែលជាស្មាតហ្វូនមានអេក្រង់ Touch បួនជ្រុង បូករួមនឹងប៊ូតុង Keyboard គ្រប់គ្រាន់នោះ លោក Chen បានអូសទាញអ្នកប្រើប្រាស់ជាច្រើននាក់ ឲ្យត្រលប់ងាក មកប្រើផលិតផលរបស់ក្រុមហ៊ុនវិញ។ នៅក្នុងខែធ្នូ ឆ្នាំ២០១៤ ខាងមុខនេះ ស្មាតហ្វូន BlackBerry Classic នឹងធ្វើការបង្ហាញខ្លួន ហើយក៏នឹងសន្យាថា វានឹងនាំមកនូវជោគជ័យថ្មីមួយ ដល់ក្រុមហ៊ុន។</p>
<p style="text-align: center;"><a href="http://www.camnews.com.kh/News/Detail/95473/video-xperia-z3-run-android-50-lollipop-version-original"><em><span style="color: #3366ff;">...អាន៖ ទស្សនាវីដេអូ Xperia Z3 ប្រើប្រព័ន្ធប្រតិបត្តិការ Android 5.0 Lollipop វ៉ើហ្សិនដើម (Original Version) បន្តិចទៅមើល៍</span></em></a></p>
<p>ជាក់ស្តែង លោក Chen បានត្រឹមតែធ្វើបានល្អ សម្រាប់ការងារផ្សាយពាណិជ្ជកម្មអំពីទូរស័ព្ទ BlackBerry ដល់អ្នកប្រើប្រាស់ប៉ុណ្ណោះ។ មនុស្សជាច្រើនបានសម្តែងភាពភ្ញាក់ផ្អើលខ្លាំងគួរសម នៅពេលដែលភរិយារបស់លោក គឺជាអ្នកគាំទ្រដ៏ស្មោះស្ម័គ្ររបស់ Samsung។ នៅក្នុងព្រឹត្តិការណ៍ មួយចំនួន ភរិយាលោក CEO BlackBerry បានធ្វើឲ្យមនុស្សជាច្រើននាក់មានការភ្ញាក់ផ្អើល នៅ ពេលដែលរូបគាត់បានប្រើប្រាស់ទូរស័ព្ទរបស់ Samsung។ លោក Chen បានខិតខំ<span id="result_box" class="short_text" lang="km"><span class="hps">បញ្ចុះបញ្ចូល ភរិយារបស់ខ្លួនឲ្យប្រើប្រាស់ទូរស័ព្ទ</span></span> BlackBerry ដែរ ប៉ុន្តែលោកទទួលបានមកវិញ នូវចម្លើយថា: "ទេ ខ្ញុំចូលចិត្តប្រើប្រាស់ទូរស័ព្ទ Samsung របស់ខ្ញុំ"។ ដោយសាររឿងនេះ បានធ្វើឲ្យលោកនាយក ប្រតិបត្តិរបស់ BlackBerry មានការបាក់មុខ និងខ្មាសគេមិនតិចទេ។</p>
<p style="text-align: center;"><a href="http://www.camnews.com.kh/News/Detail/36125/galaxy-note-5-will-use-4k-screen-pixel-density-700-ppi"><span style="color: #3366ff;"><em>...អាន៖ ឮថា Galaxy Note 5 នឹងប្រើប្រាស់អេក្រង់ 4K និងកំរិតដង់ស៊ីតេភិចហ្សែល<br />ឡើងដល់ 700 ppi ច្បាស់យ៉ាងណាទៅហ្ន៎?</em></span></a></p>
<p>នៅក្នុងសេចក្តីថ្លែងការណ៍ថ្មីបំផុតមួយ លោក Chen បានឲ្យដឹងថា BlackBerry បានឆ្លងផុតនូវ ដំណាក់កាលលំបាកហើយ ហើយក៏កំពុងឈានទៅដល់ ផលចំណេញផងដែរ។ "នៅក្នុងពេល វេលាបច្ចុប្បន្ននេះ ពួកយើងមានភាពជឿជាក់ថា មានការគ្រប់គ្រងបានយ៉ាងល្អ សម្រាប់ដំណេើរការ ផ្គត់ផ្គង់ ស្តុក ដើម្បីប្រមូលមកវិញនូវសាច់ប្រាក់។ BlackBerry បានរស់ឡើងវិញហើយ។ ឥឡូវនេះ ពួកយើងនឹងគិតដល់ការ កើនឡើងជាបន្តបន្ទាប់ទៀត" លោក Chen បន្តចែករំលែកឲ្យដឹង៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ Phonearena, Vreview</p>