<p><strong>ព័ត៌មានជាតិ & អន្តរជាតិ ៖</strong> ១៥ តុលា ២០១២ គឺជាថ្ងៃដែលកូនខ្មែរគ្រប់ៗរូប ចងចាំដែលមិន<br />អាចនឹងបំភ្លេចបាន ខណៈពេលដែលអតីតព្រះមហាក្សត្រ ព្រះករុណាព្រះបាទ នរោត្តម សីហនុ<br />ព្រះវររាជបីតាឯករាជ្យជាតិ ព្រះអង្គបានយាងចូលទិវង្គតនាមន្ទីរពេទ្យទីក្រុង ប៉េកាំង ប្រទេសចិន<br /> ក្នុងជន្មាយុ ៩០ ព្រះវស្សា។</p>
<p>កាលដែលយាងចូលទិវង្គតអតីតព្រះមហាក្សត្រ ព្រះករុណាព្រះបាទ នរោត្តម សីហនុ គឺជាការ<br />បាត់បង់យ៉ាងធំធេង សំរាប់បងប្អូនប្រជាពលរដ្ឋខ្មែរ នឹងប្រទេសជាតិខ្មែរទាំងមូល ស្របពេល<br />ដែលរដ្ឋាភិបាលបានប្រកាសជាផ្លូវការក្នុងការកាន់ទុក្ខរយៈពេល ៧ ថ្ងៃ។</p>
<p><a class="thickbox" title="" href="/FileManager/Commons/2012/10/18/0023ae9885da11e89fc816-18-10-2012--11-02-30.jpg"><img src="/FileManager/Articles/mce/2012/10/18/0023ae9885da11e89fc816-18-10-2012--11-02-30.jpg" alt="" width="484" height="325" /></a></p>
<p>ដោយឡែក ទន្ទឹមនឹងការកើតមានឡើងនូវរឿងដ៏គួរអោយសោកស្តាយមួយនេះ ទំព័រសារព័ត៌<br />មានក្នុងស្រុក ក៏ដូចជាក្រៅស្រុកមួយចំនួនបានតាមប្រមាញ់ជាប់នូវព័ត៌មាននៃការយាងធ្វើមាតុ<br />និវត្តន៍វិញនៃព្រះបរមសពរបស់ព្រះករុណា សម្ដេចឪ សម្ដេចតា សម្ដេចតាទួតនៃយើង ដែលបា<br />នយាងមកដល់ព្រលានយន្តហោះអន្តរជាតិ នាទីក្រុងភ្នំពេញ រសៀលម៉ោងប្រមាណជា ៣ ម្សិល<br />មិញនេះ ខណៈពេលដែលមានប្រជាជនខ្មែរគ្រប់ស្រទាប់វណ្ណៈចូលរួមដង្ហែ ជាងកន្លះលាននាក់។</p>
<p><a class="thickbox" title="" href="/FileManager/Commons/2012/10/18/0023ae9885da11e8a1f918-18-10-2012--11-23-13.jpg"><img src="/FileManager/Articles/mce/2012/10/18/0023ae9885da11e8a1f918-18-10-2012--11-23-13.jpg" alt="" width="483" height="322" /></a></p>
<p>លើសពីនេះទៅទៀត បើនិយាយពីទង់ជាតិវិញ ត្រូវបានរកអោយឃើញថា បង្ហូតពាក់កណ្តាល<br />ដងគ្រប់ទីកន្លែងនៅក្នុងប្រទេស ខណៈពេលដែលទង់ជាតិចិន ក៏បានបង្ហូតទង់ជាតិរបស់ខ្លួនពាក់<br />កណ្តាលដងផងដែរ ស្របពេលដែលជាសារមួយបញ្ជាក់អោយដឹងថា ចិនក៏ចូលរួមសោកស្តាយ<br /> ក៏ដូចជា សម្តែងនូវសមានទុក្ខដ៏ក្រៀមក្រំមួយនេះ ជាមួយនឹងប្រជាជនកម្ពុជា ទូទាំងប្រទេស<br />កំពុងតែមានទុក្ខយ៉ាងក្រៀមក្រំជាទីបំផុត ខណៈពេលដែលខ្លួនចូលរួមរំលែកនូវមរណៈទុក្ខក៏ដូច<br />ជា កាន់ទុក្ខជាផ្លូវការរយៈពេល ៧ ថ្ងៃ៕</p>
<p style="text-align: right;">ដោយ ៖ មង្គល<br />ប្រភព ៖ chinadaily</p>