<div class="article-content">
<p><strong>ភ្នំពេញ ៖</strong> សន្ដិសុខក្រុមហ៊ុនឯកជន G4S ដែលយាមប្រចាំការ នៅក្រុមហ៊ុនទូរស័ព្ទ ស្មាត បានវាយ អតិថិជនម្នាក់ បណ្ដាលឱ្យបែកចិញ្ចើមហូរឈាម ដោយខឹង អតិថិជនរូបនេះ រឿងចតម៉ូតូ ។</p>
<p>ករណីការប្រើអំពើហិង្សាពីសន្ដិសុខរបស់ ក្រុមហ៊ុនឯកជនទៅលើអតិថិជនរបស់ខ្លួនខាងលើនេះ បានកើត ឡើងនិងបង្កឱ្យមានការ ភ្ញាក់ផ្អើលកាលពីវេលា ម៉ោង១១និង ១០នាទីព្រឹកថ្ងៃទី៥ ខែសីហា ឆ្នាំ២០១៤នេះ ស្ថិតនៅក្រុមហ៊ុនទូរស័ព្ទស្មាត តាម បណ្ដោយផ្លូវ ព្រះមុនីវង្ស ក្នុងសង្កាត់ទន្លេសាក់ ខណ្ឌចំការមន ។</p>
<p>សេចក្ដីរាយការណ៍ពីកន្លែងកើតហេតុ បាននិយាយថា សន្ដិសុខដែលវាយអតិថិជន របស់ខ្លួនខាងលើនេះ ត្រូវបានគេស្គាល់ឈ្មោះហ្វី សូរ៉ាហ្វី អាយុ២២ឆ្នាំ ជាសន្ដិសុខរបស់ក្រុមហ៊ុន G4S ។ ដោយឡែកជនរងគ្រោះវិញ មិនទាន់ស្គាល់អត្ដសញ្ញាណនៅឡើយទេ ។</p>
<p>សេចក្ដីរាយការណ៍បានបន្ដថា មុនពេល កើតហេតុជនរងគ្រោះ បានធ្វើដំណើរទៅក្រុមហ៊ុន ហើយក៏បាន ចត ម៉ូតូនៅមុខក្រុមហ៊ុន ស្រាប់តែកើតមានជម្លោះ ជាមួយសន្ដិសុខ ដែលយាមប្រចាំការនៅទីនោះ រហូតភាគីទាំងពីរមានជម្លោះជាមួយគ្នា ហើយក៏ត្រូវសន្ដិសុខឯកជន យកវិទ្យុទាក់ទងវាយ ទៅលើក្បាលជនរងគ្រោះ បណ្ដាលឱ្យ បែកចិញ្ចើម ។</p>
<p>ក្រោយកើតហេតុ បុរសជាសន្ដិសុខរូប នេះ ត្រូវបាននគរបាលមូលដ្ឋានប៉ុស្ដិ៍ទន្លេបាសាក់ ឃាត់ខ្លួន បញ្ជូនទៅប៉ុស្ដិ៍ ដើម្បីធ្វើការដោះស្រាយ ។</p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00167.jpg" alt="" width="550" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/August/id-067/CH-00168.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00169.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00170.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00171.jpg" alt="" width="550" /></p>
</div>
<p style="text-align: right;"><a href="http://www.dap-news.com/2011-06-14-02-39-55/92099--g4s-.html" target="_blank">ផ្តល់សិទ្ធដោយ ៖ ដើមអម្ពិល</a></p>