<p><strong>ភ្នំពេញ៖</strong> យោងតាមប្រភព ព័ត៌មានពីគេហទំព័រ វៀតណាម (soha news) ថ្មីៗនេះបានចុះផ្សាយពី<br /> ជីវប្រវត្តិដ៏កំសត់ របស់តារាចម្រៀង ស្រីប្រចាំផលិតកម្ម រស្មីហង្សមាស គឺកញ្ញា ពេជ្រ សោភា។</p>
<p>ពេជ្រ សោភា គឺជាតារាស្រី ដែលមានកើតចេញ ពីគ្រួសារអ្នកក្រីក្រមួយ ក្នុងខេត្តព្រៃវែង។ ជីវិតជា<br />អ្នកលក់ ទឹកអំពៅតាមផ្លូវ របស់នាង បានប្រែក្លាយជាតារា ចម្រៀងស្រីដ៏ល្បី ប្រចាំប្រទេសកម្ពុជា<br /> ដែលមានការទទួលស្គាល់ យ៉ាងខ្លាំងពីទស្សនិកជន ជាមួយនឹងទឹកដមសំនៀងដ៏ពីរោះ។</p>
<p>ពេជ្រ សោភា មិនត្រឹមតែមានសមត្ថភាព ច្រៀងពីរោះនោះទេ នាងគឺជាតារាមួយរូប ដែលពោរពេញ<br />ទៅ ដោយភាពក្លាហាន ទេពកោតសល្យ ជាពិសេសការ ខិតខំប្រឹងប្រែង មិនខ្លាចនឿយហត់ ក៏នាង<br />នៅតែព្យាយាម រហូតអាចទទួលបាន ភាពជោគជ័យ គួរឲ្យកត់សំគាល់ ដូចសព្វថ្ងៃ។</p>
<p>កញ្ញា ពេជ្រ សោភា មានបងប្អូនចំនួន ៤ នាក់ ហើយនាងគឺជាកូនពៅ នៅក្នុងគ្រួសារ។ ទោះបីជា<br />នាងក្មេងជាងគេ ក្នុងគ្រួសារក៏ពិតមែន តែនាងមិនចុះចាញ់ ជាមួយនឹងការលំបាកនោះទេ។ ផ្ទុយ<br />ទៅវិញនាង មានតែខិតខំប្រឹងប្រែងរកលុយ ដើម្បីជួយទំនុកបំរុងក្នុងគ្រួសារ ដែលកំពុងតែខ្វះខាត។<br /> ដោយសារ ជីវិភាពគ្រួសារ របស់នាង មានការលំបាក ទើបត្រូវបង្ខំឲ្យ ពេជ្រ សោភា ត្រូវចេញរក<br />លុយតាំងពីក្មេងមក ដោយនាងត្រូវដើរលក់ទឹកអំពៅ នៅតាមផ្លូវ។ ប៉ុន្តែប្រាក់ដែលរកបានពីការ<br />លក់ទឹកអំពៅនោះ មិនអាចទប់ទល់នឹងជីវភាព គ្រួសាររបស់នាងបានទេ។</p>
<p>យ៉ាងណាមិញ ដោយសារតែសំឡេង អំណោយផលពីធម្មជាតិរបស់នាង នាងក៏បានក្លាយជាតារា<br />ចម្រៀង ក្នុងភោជនីយដ្ឋាន ព្រែកលាភ ក្នុងទីក្រុងភ្នំពេញ។ នាង ខំប្រឹងរហូតទទួលបានពានរង្វាន់។<br /> ដោយសារតែសមត្ថភាព របស់នាង ទើបបានធ្វើឲ្យម្ចាស់ផលិតកម្ម រស្មីហង្សមាស ដែលជាផលិត<br />កម្មធំជាងគេ ក្នុងប្រទេសកម្ពុជា មានការចាប់អារម្មណ៍ ហើយបានជួយជ្រោមជ្រែងនាង រហូតបាន<br />ក្លាយជាតារាចម្រៀង ប្រចាំផលិតកម្មតែម្តង។ បទចម្រៀងដំបូងរបស់នាង មានចំណងជើងថា <br />“Better Day” ដែលបានចេញលក់ក្នុងឆ្នាំ ២០០៤ ហើយបទចម្រៀងមួយនេះ ទទួលបានការគាំទ្រ<br />យ៉ាងខ្លាំងពីទស្សនិកជន។</p>
<p>ពេជ្រ សោភា គឺជាតារាស្រីមួយដួង ដែលអាចចម្រៀងបានគ្រប់ចង្វាក់ មិនថា បទមនោសញ្ចេតនា<br /> ឬបទញាក់កន្ត្រាក់អារម្មណ៍។ ប្រជាប្រិយភាពរបស់នាង មិនត្រឹមតែទទួលស្គាល់ ក្នុងប្រទេសនោះ<br />ទេ គឺមានការទទួលស្គាល់ពីបរទេសទៀតផង។</p>
<p>ចំណែកឯជីវិតស្នេហារបស់តារាស្រីរាងតូចច្រឡឹងរូបនេះវិញ គឺនាងធ្លាប់មានមានទំនាក់ទំនងស្នេហា<br />ជាមួយអាណិកជនខ្មែរ អាមេរិក ដែលមានឈ្មោះថា Jonh Bun ហើយបានលួចភ្ជាប់ពាក្យស្ងាត់ៗជា<br />មួយគ្នា ក្នុងឆ្នាំ ២០០៩ ទៀតផង។ ប៉ុន្តែសំណាងអាក្រក់ ពួកគេទាំងពីរក៏បានបែកគ្នាវិញ ដោយសារ<br />តែនាងមិនអាចធ្វើតាមសំណើរបស់បុរសជាគូស្នេហ៍ហេងស៊យម្នាក់នោះបាន៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0123.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0124.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0125.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0126.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0127.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0128.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0129.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>