<p><strong>ភ្នំពេញៈ</strong> បន្ទាប់ពីគ្រោះថ្នាក់ ចរាចរ ដ៏រន្ធត់ ដែលបានកើតឡើង កាលពីថ្ងៃ០៧ ខែមីនា ឆ្នាំ២០១៣<br /> បណ្តាលឲ្យ មនុស្ស៤នាក់ ស្លាប់បង់ជីវិតភ្លាម នៅនឹងកន្លែងកើតហេតុ បានក្លាយជា សោកនាកម្ម<br />មួយ ដ៏គួរឲ្យចាប់អារម្មណ៍ ពីសំណាក់ប្រជាពីសំណាក់ មហាជន ខណៈដែលរថយន្តបង្កហេតុ <br />បានបុកជាមួយ នឹងរថយន្តរបស់ តារា ចម្រៀង ខេមរៈ សិរីមន្ត ដែលជាតារាល្បីមួយដួង ប្រចាំ<br />ប្រទេសកម្ពុជា ។</p>
<p>ជុំវិញហេតុការណ៏គ្រោះថ្នាក់ចរាចរនេះ បានធ្វើឲ្យប្រជាជនភ្ញាក់ផ្អើល ខណៈដែលតារា ចម្រៀង <br />ខេមរៈ សិរីមន្ត បានបាត់ខ្លួនក្រោយ ពេលកើតហេតុភ្លាម ជាមួយនឹងស្រ្តីពីរនាក់ រួមទាំងកូនក្មេង<br />ម្នាក់ មានអាយុ ប្រហែល ១ខួបផងដែរ។</p>
<p>ទិដ្ឋភាពនៅក្នុងគ្រោះថ្នាក់ចរាចរ ត្រូវបានបណ្តាញសារព័ត៌មាន ចាប់អារម្មណ៍ចុះផ្សាយ ជាបន្ត<br />បន្ទាប់ អមដោយ រូបថតគួរ ឲ្យរន្ធត់ជាច្រើនសន្លឹក ប៉ុន្តែក្នុងនោះ រូបថតរបស់តារា ចម្រៀង ខេមរៈ<br />សិរីមន្ត ដែលគេ អាះអាងថា រងរបួសស្រាលនោះ គឺមិនត្រូវទម្លាយចេញឲ្យដឹងនោះទេ ។</p>
<p>បើតាមផលិតកម្មសាន់ដេបានអះអាងថា តារាចម្រៀង ខេមរៈ សិរីមន្ត កំពុងតែមានអារម្មណ៍ តក់<br />ស្លុតខ្លាំងពេក មិនទាន់ហ៊ានចេញ មុខ បកស្រាយ និងកំពុងស្នាក់នៅ ក្រុងព្រះសីហនុនៅឡើយ។<br /> ម្យ៉ាងវិញទៀត នៅពេល ខេមរៈ សិរីមន្ត មានអារម្មណ៍ល្អនោះ ខាងផលិតកម្មសាន់ដេ និងថត ជា<br />វីដេអូឃ្លីប បង្ហាញពីការបកស្រាយពី គ្រោះថ្នាក់ចរាចរ ដើម្បីឲ្យមហាជនអស់ មន្ទិលសង្ស័យ។</p>
<p>ទោះបីជាយ៉ាងក្តី រហូតមកដល់ពេលនេះ ការបាត់ខ្លួនរបស់ ខេមរៈ សិរីមន្ត បានក្លាយទៅជា មន្ទិល<br />សង្ស័យ និងជជីកសួរ ដេញដោលគ្នាទៅវិញទៅមក ពីសំណាក់ មហាជនគ្រប់ស្រទាប់វណ្ណៈ ហើយ<br />ត្រូវបានគេ សង្ស័យ ថា សិរីមន្ត បានរត់គេខ្លួន ជាមួយនិងស្រី្តពីរនាក់ ហើយក្នុងនោះស្រ្តី ម្នាក់និង<br />ក្មេងម្នាក់ អាយុជាងមួយខួប មហាជនសង្ស័យថា ទំនងត្រូវជាប្រពន្ធ និងកូន របស់ ខេមរៈ សិរីមន្ត<br /> ហើយក្រោយជួបហេតុការណ៍ដ៏រន្ធត់នេះ សិរីមន្តខ្លាចបែកធ្លាយរឿងមានប្រពន្ធ និងកូន ទើបសម្រេច<br />ចិត្ត រត់គេចពីគ្រោះ ថ្នាក់ចរាចរ និងពីក្រសែភ្នែក មនុស្សដែល បានទៅចោមមើល យ៉ាងច្រើន។</p>
<p>ប្រភពព័ត៌មានពីអ្នកសិល្បះបានលួចបង្ហើប ឲ្យដឹងថា ខេមរៈ សិរីមន្ត ក៏មានរបួសធ្ងន់ធ្ងរ មិនធម្មតា<br />ដែល ហើយ សម្ងំសម្រាកព្យាបាល នាមន្ទីរពេទ្យក្នុងទីក្រុងភ្នំពេញ ដោយលាក់កំបាំងបំផុត ក្រោយ<br />ពីស្ថានភាពរបួសធូរស្បើយ លោកនឹងចេញមុខតាមរយៈ វីដេអូឃ្លីបដែលផលិតកម្មសាន់ដេអះអាង។</p>
<p>ជុំវិញការបាត់ខ្លួនជាមួយនិងស្រី្ត២នាក់នេះនៅ តែជាមន្ទិលសង្ស័យ ពីសំណាក់មហាជនទូទៅដែល<br />ធ្លាប់គាំទ្រ តារាចម្រៀងរូបនេះ ហើយពួកគេនឹងរំពឹងថា ការពិតនៃហេតុការណ៍ នេះត្រូវទម្លាយចេញ<br /> នៅក្នុងពេលឆាប់ៗ ខាងមុននេះ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Laypost-025.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-030/Kosal-0172.jpg" alt="DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-030/Kosal-0175.jpg" alt="DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>