<p><strong>ភ្នំពេញ៖</strong> តារាសម្ដែងរាងសង្ហា សម្បុរស រតនៈ ពិសិដ្ឋ ដែលមានកេរ្តិ៍ ឈ្មោះល្បីគួរសម ក្នុង<br />ពិភពសិល្បៈ និងជាតារាចម្រៀង មានទឹកដមសំឡេងពីរោះ ទាំងក្នុងការនិយាយ និងច្រៀង <br />ទើបមានឱកាសទៅ សម្ដែងនៅបរទេស ជាញឹកញាប់ រួមជាមួយតារាស្រីស្អាត និងល្បីៗ ជា<br />ច្រើនដួងទៀត។ រតនៈ ពិសិដ្ឋ ក៏ជាថៅកែហាងលក់ សំលៀកបំពាក់មួយ ដែលកំពុងតែមាន<br />ដំណើរការល្អ អាចរកចំណូល បានច្រើនគួរសម ផ្ទុយពីតារាមួយចំនួន បើកហើយក៏ រលំទៅ<br />វិញ ដោយសារខ្វះ បទពិសោធន៍ ក្នុងការរកស៊ី ព្រោះចេះតែរាំច្រៀង ដល់ពេលទៅរកស៊ី បាន<br />តែមួយប្រាវ ក៏បះជើងទៅ គួរឲ្យអាម៉ាស់ រួចក៏និយាយថា រវល់គ្មានពេលសម្រាប់ គ្មានពេល<br />គ្រប់គ្រង ហាងជាដើម ។</p>
<p>សម្រាប់ព័ត៌មានទាក់ទង នឹងស្នេហាតារាសម្ដែង រតនៈ ពិសិដ្ឋ មិនទាន់មានទេ តែត្រូវាបាន វាយ<br />ប្រហារ ដោយសារព័ត៌មាន ក្នុងស្រុកមួយ បានចុះផ្សាយថា មានប្រុសស្នេហ៍ (ស្រឡាញ់ភេទ<br />ដូចគ្នា) បើកហាងលក់ សម្លៀកបំពាក់ឲ្យ ។ តែតារាសម្ដែងប្រុសរូបនេះ បានប្រកែកថា ពុំមាន<br />រឿងបែប នេះកើតឡើងនោះទេ ។ បន្ទាប់ពីចេញផ្សាយរួច ធ្វើឲ្យតារាសម្ដែងប្រុសរូបនេះ បាក់<br />មុខមិនតិចទេ ពិសេសក្រុមគ្រួសារ លោកដែលមាន ជីវភាពធូរធា ស្ទើរតែមិនបាច់ឲ្យ ពិសិដ្ឋ <br />ពិបាករកស៊ីសន្សំលុយ ក្បាលកាក់បែបនេះទេ។</p>
<p>ក្រុមគ្រួសារ បានក្ដៅស្លឹកត្រចៀកជាខ្លាំង ហើយបានបន្ទោស រតនៈ ពិសិដ្ឋ ថា មិនគួរឲ្យមាន<br />ព័ត៌មានបែបនេះ កើតឡើងទេ ព្រោះមិនចំណេញទេ ។ ម្យ៉ាងទៀតល្បី ឬមិនល្បី កុំឲ្យមានរឿង<br />បែបនេះ ព្រោះពួកគាត់ មិនត្រេកត្រអាល នឹងកេរ្តិ៍ឈ្មោះអសោច ដល់ក្រុមគ្រួសារបែបនេះទេ។</p>
<p>តារាសម្ដែង រតនៈ ពិសិដ្ឋ ក៏មិនបានបញ្ចេញ ប្រតិកម្មអ្វីដែរ គ្រាន់តែនិយាយ ជាមួយអ្នកសារ<br />ព័ត៌មាន ដែលចុះផ្សាយថា លោកសុំចិត្តថា ថ្ងៃក្រោយកុំ ចុះផ្សាយបែបនេះអី ព្រោះក្រុមគ្រួសារ<br />លោក មិនពេញចិត្តទេ។ តែលោកក៏អរគុណ សម្រាប់ការចុះពីលោក តែលើកក្រោយកុំអី មិន<br />ល្អទេ...។ តែ រតនៈ ពិសិដ្ឋ នៅមានសុជីវធម៌ល្អ ហើយជាគំរូល្អ សម្រាប់សិល្បករដ៏ទៃ ក្នុងការ<br />បកស្រាយរឿងអាស្រូវ ។</p>
<p>តារាសម្ដែងប្រុស រតនៈ ពិសិដ្ឋ កំពុងតែស្និទ្ធស្នាលជាខ្លាំង ជាមួយតារាសម្ដែង ស្រីស្អាត ម៉ាក <br />សែនសូនីតា ពេលទៅ ណាមកណាទាំងគូ ប្រៀបបីដូចជា លលកញីឈ្មោល តែលោកធ្លាប់<br />និយាយថា គ្រាន់តែជាដៃគូក្នុង សិល្បៈប៉ុណ្ណោះ មិនមែនគូស្នេហ៍ទេ ។ តែបើគូស្នេហ៍ ក៏មិនជឿ<br />ដែរព្រោះ ស្រីស្អាត ម៉ាកសែនសូនីតា មិនមែនទំនេរឡើយ នាងត្រូវបានចោមរោម ទៅដោយ<br />ប្រុស សម្បូរធនធាន ជាច្រើនសុំស្នេហ៍៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0107.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0108.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0109.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0110.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0111.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0112.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>