<p><span style="color: #000000;"><strong>ភ្នំពេញ៖</strong> តារាចម្រៀងវ័យក្មេង សាច់សទ្រលុកទ្រលន់ កញ្ញា វ៉ាន់ នីឡា ត្បិតទើបតែចូលប្រឡូក ក្នុងអាជីពសិល្បៈ និង កំពុងតែក្រសោប យកឱកាសទីផ្សារល្បីឈ្មោះ នៅក្នុងវិស័យចម្រៀង ក៏ពិតមែន តែបានធ្វើឱ្យទស្សនិកជន ដាក់ការចាប់អារម្មណ៍ ច្រើនគួរសម ពិសេសរាល់ សកម្មភាព ក្នុងវិស័យសិល្បៈ ព្រមទាំងរឿងរ៉ាវ ឯកជនផ្ទាល់ខ្លួន បើទោះបីជាបណ្តាញសារព័ត៌មាន ក្នុងស្រុកពុំសូវមានការលើកឡើង ពីរឿងរ៉ាវផ្ទាល់ខ្លួន ក្រៅឆាក និងជីវិតក្នុងវិស័យសិល្បៈរបស់នាង យ៉ាងណាក្តី ។</span></p>
<p><span style="color: #000000;">តារាច្រមុះស្រួច សាច់សខ្ចីដូចបណ្តូលចេក វ៉ាន់ នីឡា បច្ចុប្បន្ននេះ ត្រូវបានមហាជនមើលឃើញថា អាជីពសិល្បៈរបស់នាង សព្វថ្ងៃហាក់កំពុងតែ មានហាងឆេងទីផ្សារច្រើន ក្នុងវិស័យចម្រៀង ។ មិនតែប៉ុណ្ណោះ ក្នុងរយៈពេលនេះ តារាចម្រៀងស្រីរបស់ ផលិតកម្ម ភ្លេងរីខត កញ្ញា វ៉ាន់ នីឡា ក៏ហាក់មានភាពហ៊ឺហារ ជាមួយនឹងការប្រើប្រាស់ សម្ភារៈ មានតម្លៃថៃ្លៗ ខុសប្លែកពីពេលមុនទៀតផង។</span></p>
<p><span style="color: #000000;">ថ្មីៗនេះ នៅលើទំព័រទំនាក់ទំនង ហ្វេសប៊ុក របស់ វ៉ាន់ នីឡា ត្រូវបានគេមើលឃើញថា នាងតែងបញ្ចេញនូវរូបថតប្លែកៗគ្នាជាច្រើន បន្តបន្ទាប់ព្រមជាមួយការលេងស្ទីល ម៉ូដសម្លៀកបំពាក់ និងការសម្ញែងសម្ភារៈ មានតម្លៃថ្លៃៗបង្អួត Friend លើ Facebook ។ សកម្មភាពបង្ហាញពីភាពហ៊ឺហារ របស់ វ៉ាន់ នីឡា អំឡុងពេលនេះ បានធ្វើឱ្យមតិមួយចំនួនលើកឡើងថា តារារូបនេះ អាចទទួលបានការឧបត្ថម្ភ ជ្រោមជ្រែង ពីប្រភពពីក្រោយខ្នងណាមួយ។</span></p>
<p><span style="color: #000000;">ប្រភពពីមជ្ឈដ្ឋានអ្នកនិយម តាមដានរឿងតារាខ្មែរ បានលើកឡើង ថា វ៉ាន់ នីឡា ចាប់តាំងពី លេចដំណឹងស្នេហ៍ជាមួយបុរសអ្នកជំនួញ ក្រៅស្រុកនោះមក ឃើញថា នាងដូចជាមានយឺអ៊ុនខ្ពស់ខ្លាំង។ មិនតែប៉ុណ្ណោះ បើក្រឡេកមើល ពីជីវភាពរស់នៅផ្ទាល់ខ្លួនខាងក្រៅឯណោះវិញ ស្រីស្រស់រូបនេះ ក៏កំពុងតែមានសេចក្តីសុខ ជាមួយ នឹងភាពហ៊ឺហារការលេងខ្លួន ប្រើសម្ភារៈតម្លៃថ្លៃៗ មិនចាញ់តារាស្រីឯទៀត ប៉ុន្មានឡើយ ។</span></p>
<p><span style="color: #000000;">ប្រភពបន្តថា ស្ថិតក្នុងស្ថានភាពបែបនេះ ទំនងតារាចម្រៀងមុខស្រស់ នីឡា អាចនឹងមានអ្នកនៅពីក្រោយខ្នង ចំពោះភាពហ៊ឺហារទាំងនេះ ។ ដោយហេតុថា ថ្មីៗកន្លងមក ធ្លាប់មានដំណឹងថា មានអ្នកជំនួញឆ្លងទ្វីប ក្រៅស្រុកពេញចិត្ត ចង់ យកធ្វើជាគូស្នេហ៍ ដោយសន្យាផ្តល់ គ្រប់យ៉ាងឱ្យនាង។</span></p>
<p><span style="color: #000000;">ជុំវិញបញ្ហានេះ កាលពីព្រឹកថ្ងៃទី០២ ខែវិច្ឆិកា ឆ្នាំ២០១៤នេះ គេហទំព័រ LookingTODAY មិនទាន់អាចទំនាក់ទំនង ដើម្បីស្វែងរកសុំការបំភ្លឺពី កញ្ញា វ៉ាន់ នីឡា ជុំវិញការលើកឡើងនេះ បាននៅឡើយទេ។ ដូច្នេះLookingTODAY និងព្យាយាមស្វែង រកការបំភ្លឺពីកញ្ញា វ៉ាន់ នីឡា នៅពេលក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/3/msp-122-03-12-2014--11-18-10.jpg"><img src="/FileManager/Articles/mce/2014/12/3/msp-122-03-12-2014--11-18-10.jpg" alt="" /></a></span></p>
<p><a class="thickbox" title="" href="/FileManager/Commons/2014/12/3/msp-125-03-12-2014--11-18-19.jpg"><img src="/FileManager/Articles/mce/2014/12/3/msp-125-03-12-2014--11-18-19.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/12/3/msp-122-03-12-2014--11-18-10.jpg"></a></span></p>
<p><a class="thickbox" title="" href="/FileManager/Commons/2014/12/3/msp-126-03-12-2014--11-18-28.jpg"><img src="/FileManager/Articles/mce/2014/12/3/msp-126-03-12-2014--11-18-28.jpg" alt="" /></a></p>
<p><a class="thickbox" title="" href="/FileManager/Commons/2014/12/3/msp-127-03-12-2014--11-18-36.jpg"><img src="/FileManager/Articles/mce/2014/12/3/msp-127-03-12-2014--11-18-36.jpg" alt="" /></a></p>
<p><a class="thickbox" title="" href="/FileManager/Commons/2014/12/3/msp-128-03-12-2014--11-18-45.jpg"><img src="/FileManager/Articles/mce/2014/12/3/msp-128-03-12-2014--11-18-45.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>