<p>Jackie Chan ត្រូវបានប្រជាជនខ្មែរ ស្គាល់ជាក់យ៉ាងច្បាស់ តាមរយៈឈ្មោះ ឈិន ឡុង និងតាមរឿង ជាច្រើនផ្សេងទៀត របស់គាត់ ។ Jackie Chan ជាតារាសំដែងចិន ដ៏ប៉ិនប្រសព្វ ខាងផ្នែកក្បាច់គុន ហើយនិងកំប្លែង ផងដែរ ។</p>
<p><a class="thickbox" title="" href="/FileManager/Commons/2014/4/8/001ec979096314ad8c1204-08-04-2014--10-14-31.jpg"><img src="/FileManager/Articles/mce/2014/4/8/001ec979096314ad8c1204-08-04-2014--10-14-31.jpg" alt="" /></a><br /><br /> ក្នុងនាមជា តារាជើងចាស់ មួយរូប Jackie Chan ពិតជាតារាល្បី មានឈ្មោះបោះសំលេង ខ្លាំង ណាស់ដែល ទទួលបាន ទាំងការគាំទ្រ និងគោរពយ៉ាងខ្លាំង ពីសំណាក់ទស្សនិកជន និងតារាៗ ដូចគ្នា ។ កាលពីថ្ងៃទី ៦ មេសា កន្លងទៅនេះ Jackie Chan បានប្រារព្ធ ធ្វើពិធីខួបកំណើត គំរប់ ៦០ ឆ្នាំរបស់ខ្លួន ។ ដើម្បីសំដែងពី ភាពសប្បុរស របស់ខ្លួន និងដើម្បីធ្វើបុណ្យ ក្នុងគំរប់៦០ ឆ្នាំ ផងនោះ Jackie Chan បានអញ្ជើញអោយ តារាចំរៀងចិន ល្បីៗជាច្រើន អោយមកចូល រួមគ្នា ធ្វើ Concert សប្បុរសធម៌ ដ៏ធំមួយ ដែលមានឈ្មោះថា The 2014 Peace & Love & Friendship ។ ប្រាក់ចំណូល ដែលបានមកពី ការសំដែង Concert នឹងយកទៅ ជួយអង្ការ Operation Smile ដែលជាអង្គការ ជួយវះកាត់ក្មេង ដែលមានមាត់ឆែប ពីកំណើត ។ ហើយនិងមួយចំនួនទៀត យកទៅជួយអង្ការផ្សេងៗ ដែលមានធុរះ ជួយដល់ក្មេងៗ ។</p>
<p><a class="thickbox" title="" href="/FileManager/Commons/2014/4/8/001ec979096314ad8c1001-08-04-2014--10-14-41.jpg"><img src="/FileManager/Articles/mce/2014/4/8/001ec979096314ad8c1001-08-04-2014--10-14-41.jpg" alt="" /></a><br /><br /> លោក Bill Magee និយាយថា Jackie Chan គឺជាមិត្តភក្តិ ដ៏ល្អម្នាក់របស់គាត់ ហើយក៏ជា មនុស្ស ម្នាក់ដ៏ល្អ ដែលតែងតែ ជួយស្វះស្វែងរក ថវិការដើម្បីជួយអង្ការ Operation Smile ជានិច្ច ។ មក ដល់វ័យ ៦០ ឆ្នាំនេះ Jackie Chan មិនទាន់មាន សញ្ញាណជំងឺ ណាមួយដែល ធ្វើអោយគាត់ ចាស់ទ្រោមខ្លួនឡើយ តែ ផ្ទុយទៅវិញ គាត់នៅតែមាន រាងកាយមាំមួន រហាស់រហួនដដែល ៕</p>
<p> </p>
<p style="text-align: right;">ដោយ ៖ លីលី<br />ប្រភព ៖ xinhua </p>