<p><strong>ព័ត៌មានអន្តរជាតិ ៖</strong> លោក Alan Joyce ជានាយកប្រតិបត្តិ មកពីអាកាសចរណ៍ Qantas បានចេញ សេចក្តីថ្លែងការណ៍ កាលពីវេលាព្រឹកថ្ងៃពុធនេះ អោយដឹងថា ក្រុមហ៊ុនរបស់ខ្លួន នឹងកាត់បន្ថយមុខ តំណែង ជាង ៥,០០០ កន្លែង ក្នុងរយៈពេល ៣ ឆ្នាំខាងមុខនេះ ខណៈក្រុមហ៊ុនផ្ទាល់ បាននឹងកំពុង ជួបនឹងការខាតបង់ផ្នែកហរិញ្ញវត្ថុ ជាមួយនឹងស្ថានការណ៍ មិនអាចទទួលយកបាន និង គ្មាននិរន្តភាព</p>
<p>បន្ថែមពីលើនេះ នាយកប្រតិបត្តិដដែល សរបញ្ជាក់បន្ថែមអោយដឹងថា ក្រុមហ៊ុន អាកាសចរណ៍ Qantas ខណៈមានមូលដ្ឋាន នៅក្នុងប្រទេស អូស្រា្តលី បានអះអាងអោយដឹងថា ខ្លួននឹងធ្វើការលក់ ចេញ ក៏ដូចជា ធ្វើការពន្យាពេល នៃការបញ្ជាទិញ យន្តហោះ ទាំង ៥០ គ្រឿង ស្របពេលដែលជា ចលករថ្មីមួយ ក្នុងការសម្រេចចិត្ត សន្សំបាននូវកញ្ជប់ថវិកា មានតម្លៃជាង ២ ពាន់លានដុល្លារ ត្រឹម ឆ្នាំ ២០១៧ ។</p>
<p><a class="thickbox" title="" href="/FileManager/Commons/2014/2/27/73244788474787251-2-27-02-2014--13-56-34.jpg"><img src="/FileManager/Articles/mce/2014/2/27/73244788474787251-2-27-02-2014--13-56-34.jpg" alt="" /></a></p>
<p>បន្ថែមពីលើនេះ ប្រភពដដែលបន្តអោយដឹងថា មុខតំណែង ជាង ១,៥០០ កន្លែង ក្នុងនោះរួមមាន ដូចជា ផ្នែកគ្រប់គ្រង ក៏ដូចជា មុខតំណែង មិនស្ថិតនៅក្នុងការប្រតិបត្តិការ ឬក៏ផលិតកម្ម នឹងត្រូវ បានក្រុមហ៊ុន កាត់បន្ថយមុនគេ ។ ជាការពិត ពួកយើងពិតជាបានធ្វើការសម្រេចចិត្តដ៏លំបាកខាង លើនេះហើយ ខណៈពេលដែលគ្មាននរណា សង្ស័យថា អាចនឹងមានអ្វីកើតឡើង នៅពេលខាងមុខ នោះទេ នេះបើយោងតាមសម្តី លោក Joyce ។</p>
<p>គួររំឭកផងដែរថា ជាមួយនឹងសេចក្តីថ្លែងការណ៍ខាងលើ លោក Joyce ក៏បានធ្វើការលើកឡើងដោយ មានការស្តីបន្ទោស អោយ អាកាសចរណ៍ក្នុងស្រុក Virgin Australia ស្របពេលដែលអាកាសចរណ៍ មួយនេះ បានធ្វើការបន្ថែមជើងហោះហើរក្នុងស្រុកជាច្រើន ខណៈជាផលប្រយោជន៍ដែលទទួលបាន មួយកើតចេញអំពី ការលេងល្បែងពាណិជ្ជកម្ម មិនស្មើភាពគ្នា ។</p>
<p>លោក Joyce បន្តថា <span id="result_box" lang="km"><span title=""The Australian domestic market has been distorted by current Australian aviation policy," he said.
">ទីផ្សារក្នុងស្រុក របស់ប្រទេសអូស្ត្រាលី ត្រូវបាន បង្ខូចទ្រង់ទ្រាយ ដោយ គោល<br />នយោបាយ អាកាសចរណ៍ អូស្ត្រាលី នាពេលបច្ចុប្បន្ន នេះ</span></span> ។ ប្រភពដដែលសរបញ្ជាក់អោយដឹងថា អាកាសចរណ៍ Qantas បានខាតបង់ប្រាក់ចំណេញដល់ទៅ ២៥២ លានដុល្លារអូស្រ្តាលីឯណោះ ក្នុង រយៈពេល ត្រឹមតែ ៦ ខែ ដោយនៅក្នុងនោះ អាកាសចរណ៍មួយនេះ មានបុគ្គលិកដល់ទៅ ៣,៣០០០ នាក់ ដោយនៅក្នុងនោះ ៩៣ ភាគរយ សុទ្ធសឹងជា ពលរដ្ឋអូស្រ្តាលី ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>