<p>ព័ត៌មានអន្តរជាតិ ៖ យន្តហោះ គ្មានមនុស្សបើក មានមុខងារពិសេស តាមដានស៊ើបអង្កេត របស់ សហរដ្ឋអាមេរិក បានទៅដល់ មូលដ្ឋានទ័ពអាកាស ភាគខាងជើង ប្រទេសជប៉ុន កាលពីថ្ងៃសៅរ៍ កន្លងទៅនេះ ខណៈវាគឺជាលើកដំបូងហើយ ក្នុងទំព័រប្រវត្តិសាស្រ្ត របស់សហរដ្ឋអាមេរិក ដែល បានដាក់ពង្រាយវត្តមាន យន្តហោះ គ្មានមនុស្សបើក ទៅកាន់ប្រទេសមួយនេះ នេះបើតាមការ អោយដឹងពី កងទ័ពអាកាស សហរដ្ឋអាមេរិក ។</p>
<p>ដោយមានការបញ្ជាក់ អះអាង នៅលើគេហទំព័រ កងទ័ព អាកាស សហរដ្ឋអាមេរិក បានគូស បញ្ជាក់អោយដឹងថា យន្តហោះ គ្មានមនុស្សបើក មួយគ្រឿងនេះ មានឈ្មោះថាThe Global Hawk ត្រូវបានទិញ នឹងនាំខ្លួនចូលទៅកាន់ មូលដ្ឋានទ័ពអាកាស US Misawa Air Base កាលពីពេល កន្លងទៅនេះ ខណៈវាពិតជា បានដើរតួនាទី យ៉ាងសំខាន់ ក្នុងការ តាមដានស៊ើបអង្កេត និងឈ្លប យកការណ៍ជាដើម ។</p>
<p><a class="thickbox" title="" href="/FileManager/Commons/2014/5/26/03-26-05-2014--10-22-24.jpg"><img src="/FileManager/Articles/mce/2014/5/26/03-26-05-2014--10-22-24.jpg" alt="" /></a></p>
<p>យ៉ាងណាមិញ បើតាមការអោយដឹង ពីប្រភព សារព័ត៌មានក្នុងស្រុក សរបញ្ជាក់បានថា វត្តមាន យន្តហោះ គ្មានមនុស្សបើកខាងលើ ត្រូវបានគេជឿថា នឹងមានការប្រើប្រាស់វា ក្នុងការតាមដានពី ដំណើរការប្រព្រឹត្តិទៅបាន របស់ប្រទេស កូរ៉េខាងជើង និង ប្រទេសចិន ខណៈវិនាទីនេះសន្តិសុខ ដែនសមុទ្រ ប្រទេសជប៉ុន ក៏កំពុងតែមានសភាពតានតឹងជាខ្លាំង ស្រប ពេលដែល រដ្ឋាភិបាល ក្រុង ព្រុងយ៉ាង ក៏កំពុងតែ ងាកក្រឡេកទៅរក កម្មវិធីនុយក្លេអ៊ែរ របស់ខ្លួន ។</p>
<p>ជាមួយនឹង សមត្តភាព ដ៏ខ្ពស់ ប្រកបទៅដោយភាពជឿទុកចិត្ត Global Hawk អាចហោះហើរទៅ បានក្នុងរយៈកំពស់ដល់ទៅ ១៨,០០០ ម៉ែត្រ ឯណោះ ខណៈអាចហោះបានដល់ទៅ ៣០ ម៉ោង ពេញ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ channelnewsasia</p>