<p>ព័ត៌មានអន្តរជាតិ ៖ យន្តហោះយោធា ចម្បាំងមួយគ្រឿង បានធ្លាក់ចំ ផ្ទះមួយកន្លែង នៅឯវាលខ្សាច់ រដ្ឋ California ពោល ចម្ងាយ ប្រមាណជាង ១៤៤ គីឡូម៉ែត្រ ភាគខាងកើត រដ្ឋ San Diego សហរដ្ឋ អាមេរិក នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ប៊ីប៊ីស៊ី ។</p>
<p>បន្ថែមពីលើនេះ គេឃើញមានការចាក់ផ្សាយ តាមរយៈទូរទស្សន៍ក្នុងស្រុក អោយឃើញថា យ៉ាង ហោចណាស់ ផ្ទះមួយកន្លែង រងនូវការឆាបឆេះ នៅតាមបណ្តោយផ្លូវមួយកន្លែង ក្នុងក្រុង Imperial អំឡុងកើតមានឡើង នូវករណីធ្លាក់យន្តហោះយោធា ចម្បាំងខាងលើ កាលពីល្ងាចថ្ងៃពុធម្សិលមិញ</p>
<p><a class="thickbox" title="" href="/FileManager/Commons/2014/6/5/01-05-06-2014--09-22-16.jpg"><img src="/FileManager/Articles/mce/2014/6/5/01-05-06-2014--09-22-16.jpg" alt="" /></a><br />បញ្ជាក់ ៖ នេះគឺជារូបភាព ឯកសារ ដែលធ្លាប់បានកើតមានឡើង ចំពោះករណីផ្សេង កាលពីពេលកន្លង<br />ទៅ</p>
<p>ដោយឡែក បុរសដែលជា ពីឡុត បើកយន្តហោះ មានវត្តមាន តែម្នាក់ឯង លើយន្តហោះខាងលើ វត្ត មានរបស់គាត់ មិនទទួលរងគ្រោះ ធ្ងន់ធ្ងរនោះទេ គ្រាន់តែរងរបួសស្រាល និង ត្រូវបានបញ្ជូនទៅ សម្រាកនៅឯមន្ទីរពេទ្យ ។</p>
<p>Melissa Lee បេក្ខភាពមន្រ្តីផ្លូវការ មកពី US Marine Corps ផ្តល់ជាកិច្ចសម្ភាសន៍ ដល់ទំព័រប៊ីប៊ីស៊ី អោយដឹងថា យន្តហោះយោធា ចម្បាំង AV-8B Harrier មួយគ្រឿងនេះ ស្ថានីយ៍របស់វា មានទីតាំង ស្ថិតនៅរដ្ឋ Arizona ហើយកាលពីពេលល្ងាច ថ្ងៃពុធ ម្សិលមិញ វាបានធ្លាក់និងផ្ទុះឆេះ ចំផ្ទះ ពលរដ្ឋ ស៊ីវិលម្នាក់ ។</p>
<p>ប្រភពដដែលបន្តអោយដឹងថា ប្រតិបត្តិការ ស្រាវជ្រាវ ក៏ដូចជា ជួយសង្គ្រោះ ក៏កំពុងតែមមាញឹក យ៉ាងសស្រាក់សស្រាំ ស្របពេលដែល ព័ត៌មានលម្អិត ស្តីពី អ្នករងរបួស នៅលើដី ពុំទាន់ត្រូវបាន គេបញ្ជាក់អោយដឹងនៅឡើយនោះទេ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>