<p><span style="color: #000000;"><strong>ភ្នំពេញ៖</strong> លោក លី សុវណ្ណ អនុប្រធាននាយកដ្ឋានប្រយុទ្ធ នឹងជំងឺឆ្លង នៃក្រសួងសុខាភិបាល រហូតដល់ថ្ងៃទី៥ ខែមិថុនា ឆ្នាំ២០១៥ កម្ពុជា មិនទាន់មានករណីជំងឺផ្លូវដង្ហើមនៅមជ្ឈឹមបូព៌ា (MERS) នោះទេ ហើយក្រសួងសុ ខាភិបាល ក៏កំពុងតាមដាន និងពង្រឹងប្រព័ន្ធតាមដានជំងឺនេះផងដែរ នៅតាមព្រលានយន្តហោះ ទីកន្លែងឆ្លងកាត់របស់អ្នកដំណើរ។</span></p>
<p><span style="color: #000000;">ជំងឺផ្លូវដង្ហើមមជ្ឈមបូព៌ា បាននិងកំពុងរីករាលយ៉ាងខ្លាំង និងគួរឲ្យបារម្ភនៅក្នុងប្រទេសកូរ៉េខាងត្បូង។ លោក លី សុវណ្ណា បានបញ្ជាក់ថា រហូតដល់ថ្ងៃទី៥ ខែមិថុនា ឆ្នាំ២០១៥ ប្រទេសកូរ៉េខាងត្បូង បានរកឃើញករណីជំងឺផ្លូវ MERS ចំនួនសរុប ៣៦នាក់ ក្នុងនោះ ៣នាក់បានស្លាប់ និងអ្នកបានប៉ះពាល់ជាមួយជំងឺចំនួន ១.៣៦៤នាក់ ត្រូវ បានដាក់ឲ្យនៅដោយឡែកពីគេ និងតាមដានសុខភាព ដោយដាក់ក្នុងផ្ទះ ឬក្នុងមន្ទីរពេទ្យមិនឲ្យជួបអ្នកដទៃនោះ ឡើយ។ ជំងឺបានឆ្លងមកប្រទេសកូរ៉េលើកដំបូង តាមរយៈអ្នកដំណើរកូរ៉េម្នាក់ ឆ្លងមកពីឧបទ្វីបមជ្ឈឹមបូព៌ា។</span></p>
<p><span style="color: #000000;">បើតាមលោក លី សុវណ្ណ ជំងឺផ្លូវដង្ហើម MERS នេះមិនទាន់មានថ្នាំវ៉ាក់សាំង ឬការព្យាបាលជាក់លាក់ណាមួយ នោះទេ។ រោគសញ្ញាជំងឺផ្លូវដង្ហើម MERS រួមមាន៖ គ្រុនក្តៅលើសពី ៣៨អង្សារសេ ក្អក រាក ឈឺសាច់ដុំ ដក ដង្ហើមហត់។ ដើម្បីសុវត្ថិភាព និង ចៀសផុតពីជំងឺនេះ លោក លី សុវណ្ណ បានប្រាប់នូវវិធីមួយចំនួនដូចខាង ក្រោម៖</span></p>
<p><span style="color: #000000;">- ជៀសវាងប៉ះពាល់ជិតស្និទ្ធជាមួយអ្នកមានជំងឺផ្លូវដង្ហើមស្រួច។</span></p>
<p><span style="color: #000000;">- លាងដៃឲ្យបានញឹកញាប់ (ជាមួយសាប៊ូនិងទឹក) ជាពិសេសបន្ទាប់ ពីប៉ះពាល់ដោយផ្ទាល់ជាមួយអ្នកជំងឺ ឬ បរិ ស្ថានជុំវិញគាត់។</span></p>
<p><span style="color: #000000;">- ប្រកាន់ខ្ជាប់នូវការអនុវត្តន៍អនាម័យនិងសុវត្ថិភាពម្ហូបអាហារ ដូចជា ជៀសវាងផលិតផលសត្វ ចំអិនមិនឆ្អិនល្អ ក្នុងនោះមាន ទឹកដោះ និង សាច់។</span></p>
<p><span style="color: #000000;">- ជៀសវាងប៉ះពាល់ជិតស្និទ្ធជាមួយ កសិដ្ឋាន ឬ សត្វរស់ ដែលជាកន្លែងដែលគេដឹងថា មានវត្តមានវីរុសចរាចរ ។ ជាអនុសាសន៍ ត្រូវលាងដៃឲ្យបានទៀងទាត់មុនពេល និងបន្ទាប់ពីការប៉ះសត្វ។</span></p>
<p><span style="color: #000000;">ក្នុងនោះបើសង្ស័យថា ខ្លួនមានជំងឺ ត្រូវទៅព្យាបាលជំងឺជាបន្ទាន់ នៅពេទ្យ និង ប្រាប់គ្រូពេទ្យអំពីប្រវត្តិការធ្វើដំ ណើរ។</span></p>
<p><span style="color: #000000;">លោក លី សុវណ្ណ បានបញ្ជាក់ថា ក្រសួងសុខាភិបាលកំពុងតាមដានជំងឺនេះ យ៉ាងយកចិត្តទុកដាក់ទាំងនៅឧប ទ្វីបមជ្ឈឹមបូព៌ា និងប្រទេសកូរ៉េខាងត្បូង។</span></p>
<p><span style="color: #000000;">អង្គការសុខភាពពិភពលោកបានរាយការណ៍ថា ជំងឺផ្លូវដង្ហើម MERS បានកើតមានសរុបចំនួន ១១៧៩ករណី ក្នុងនោះ ៤៤២ករណីបានស្លាប់ នៅក្នុងប្រទេសចំនួន២៥ ចាប់តាំងពីឆ្នាំ២០១២មក។ អ្នកដែលឆ្លងជំងឺ ហើយវិវឌ្ឍន៍ទៅជាជំងឺធ្ងន់ធ្ងរ និងស្លាប់ច្រើន កើតលើមនុស្សចាស់ចាប់ពី ៦០ឆ្នាំឡើងទៅ និងមនុស្សដែលមានជំងឺរ៉ាំរ៉ៃ ក្នុងខ្លួន។</span></p>
<p><span style="color: #000000;">ជំងឺផ្លូវដង្ហើមមជ្ឈឹមបូព៌ា MERS បង្កឡើងដោយមេរោគឈ្មោះ កូរ៉ូណាវីរុស (Corona Virus) ដែលរកឃើញ ដំបូងនៅឆ្នាំ២០១២ ក្នុងប្រទេសអារ៉ាប៌ីសាអូឌីត ដែលអ្នកវិទ្យាសាស្រ្តសង្ស័យថា ចម្លងមកពីសត្វអូដ៏ និងសត្វ ព្រៃដទៃទៀត និង អាចឆ្លងពីអ្នកឈឺទៅមនុស្សម្នាក់ទៀត តាមរយៈការប៉ះពាល់ផ្ទាល់ និងរស់នៅជិតដិត។ រោគ សញ្ញាជំងឺរួមមាន៖ គ្រុនក្តៅលើសពី ៣៨អង្សារសេ ក្អក រាក ឈឺសាច់ដុំ ដកដង្ហើមហត់ ។</span></p>
<p><span style="color: #000000;">កាលពីឆ្នាំ ២០០៣ ពិភពលោកយើងក៏ធ្លាប់ផ្ទុះជំងឺបណ្តាលមកពី មេរោគឈ្មោះ កូរ៉ូណាវីរុស (Corona Virus) ដែលហៅថាជំងឺ សារស៏ (SARS) ដែលមានប្រជាជនពីភពលោកយើងឈឺ និង ស្លាប់ជាច្រើន៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/10/6-10-2015-12-06-55-pm-10-06-2015--12-12-37.png"><span style="color: #000000;"><img src="/FileManager/Articles/mce/2015/6/10/6-10-2015-12-06-55-pm-10-06-2015--12-12-37.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>