<p><strong>ព័ត៌មានកីឡា ៖</strong> ជាការពិត បន្ទាប់ពីមានករណី បើកសម្ភោធជាផ្លូវការ កីឡាអូឡាំពិករដូវរងា Sochi នៅរុស្ស៊ី ដែលបានចាប់ផ្តើមពីថ្ងៃទី ៧ ដល់ ២៣ កុម្ភៈ ពិភពលោកក៏កំពុងតែ ចាប់អារម្មណ៍ ងាកក្រឡេកមើលប្រទេសមួយនេះ ស្របពេលដែលបរិបទចុងក្រោយនេះ លេចឭព័ត៌មានអោយ ដឹងថា រាល់អ្នកទៅទស្សនាកីឡាអូឡាំពិកមួយនេះ អោយតែ អនឡាញ តាមរយៈប្រព័ន្ធអេឡិចត្រូ និច រាល់ព័ត៌មានរបស់គេទាំងអស់ នឹងត្រូវគេ Hack យកក្នុងរយៈពេលមួយដ៏ខ្លី នេះបើយោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស cnet ។</p>
<p>អ្នករាយការណ៍ពិសេស អោយទីភ្នាក់ងារសារព័ត៌មាន NBC លោក Richard Engel បានធ្វើការ សហការជាមួយនឹង អ្នកជំនាញសន្តិសុខ ក្នុងការធ្វើតេស្តសាកល្បង គោលបំណង ដើម្បីធ្វើការ សិក្សាស្វែងយល់ថាតើ រាល់ព័ត៌មានរបស់ពួកគាត់ត្រូវបានគេ Hack យក ដោយចំណាយថេរវេលា ប៉ុន្មានអោយពិតប្រាកដ ល្គិកណា អោយតែមានតំណភ្ជាប់ ទៅនឹងប្រព័ន្ធណេតវើក របស់ប្រទេស រុស្ស៊ី ។</p>
<p>ជាការពិត បន្ទាប់ពីធ្វើតេស្តសាកល្បង លទ្ធផលរកអោយឃើញថា មិនទាន់បញ្ជប់ការទទួលទាន កាហ្វេបានស្រួលបួលផងនោះ ក្រុមឧក្រិដ្ឋជន បានលេចមុខមក នឹងទាញយក រាល់ឯកសារទាំង អស់ ពោលគឺ ធ្វើការ Hack ភ្លាមៗផ្ទាល់តែម្តង អោយតែមានតំណភ្ជាប់ទៅនឹងប្រព័ន្ធណេតវើកក្នុង ស្រុក នោះបានន័យថា មានការវាយលុកសម្រុកចូលភ្លាមៗ ក្នុងរយៈពេលតិចជាង ១ នាទី មិន ត្រឹមតែប៉ុណ្ណោះ មិនដល់រយៈពេល ២៤ ម៉ោងពេញផងនោះ រាល់ឯកសារដែលមានទាំងអស់នឹង ត្រូវបាត់បង់ទាំងស្រុង ។</p>
<p>Engel បានធ្វើការកោតសរសើរទៅនឹងកម្មវិធីការពារ ក៏ដូចជា កំចាត់មេរោគ Kaspersky Lab តែ ផ្ទុយទៅវិញ បើយោងតាមសម្តីអ្នកនាំពាក្យ តំណាងអោយ Kaspersky អះអាងអោយដឹងថា ការ ការពារ អាចនឹងមិនមានសមត្តភាពដល់ ខណៈពេលដែលឧបករណ៍អេឡិចត្រូនិច ដែលនឹងមាន ការប្រើប្រាស់ ក៏ដូចជាប្រតិបត្តិការ របស់ខ្លួន វាមានច្រើនហួសកម្រិត ស្របពេលដែលអ្នករាល់គ្នា គឺជាមុខសញ្ញានៃការវាយប្រហារ។</p>
<p>ជាមួយនឹងបរិបទយ៉ាងដូច្នេះ Engel ជាបេក្ខភាព អ្នករាយការណ៍ពិសេស អោយទីភ្នាក់ងារសារ ព័ត៌មាន បញ្ជាក់ក្តែងៗអោយដឹងថា មិនខ្វល់ថា បេក្ខភាពចូលរួមប្រកួត ក៏អ្នកមកទស្សនាកីឡាអូ ឡាំពិក រដូវរងា មួយនេះនោះទេ អោយតែមានការ Log on ចូលទៅក្នុងប្រព័ន្ធអ៊ិនធើណេត ច្បាស់ ណាស់ នឹងមានការ Hack ចូលភ្លាមៗជាក់ជាមិនខាន ៕</p>
<p><object width="484" height="415" data="http://www.youtube.com/v/waEeJJVZ5P8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/waEeJJVZ5P8&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ cnet</p>