<p>ព័ត៌មានអន្តរជាតិ ៖ ក្រុមអ្នកស្រាវជ្រាវ អង់គ្លេស បានបញ្ជាក់ថា ផ្អែកតាមការសិក្សាស្រាវមួយ ទៅលើ គុណប្រយោជន៍ របស់ផ្លែប៉េងប៉ោះ ត្រូវបានរកឃើញថានៅពេលដែលបុរសបានញុំាផ្លែប៉េងប៉ោះចំនួន ១០ ចំណិត ក្នុង១សប្តាហ៍ អាចជួយកាត់បន្ថយ ហានិភ័យនៃរោគមហារីកក្រពេញ បានដល់ ១៨ ភាគ រយ ។</p>
<p>ផ្អែកតាមការសិក្សា ថ្មីនេះ ត្រូវបានក្រុម អ្នក ស្រាវជ្រាវខាងលើ រកឃើញ និងបានចុះផ្សាយនៅក្នុង ទស្ស នាវដ្តី ឱសថ និង ជំងឺឆ្លងមហារីក ហើយនេះជាការរកឃើញជា លើកដំបូង ហើយ និងបានផ្សព្វ ផ្សាយ អំពី វិធានការការពារ នៃរោគមហារីកក្រពេញ (សម្រាប់់បុរស)។</p>
<p>សូមបញ្ជាក់ថា រោគមហារីក ក្រពេញ នេះ ជារោគមួយ ដែលបុរសនៅលើសកលលោក មានក្តីបារម្ភ ចំពោះវា ហើយ វាជារោគមហារីក ទី ២ ដែល ច្រើនកើតនៅក្នុងបណ្តាប្រទេស ដែលមានភាពជឿន លឿន ឆាប់រហ័ស ។ អ្នកជំនាញការផ្អែកមហារីក បានបញ្ជាក់ថា ជំងឺនេះច្រើនកើតឡើង ដោយសារ តែ ចំណី អាហារប្រើប្រាស់របស់លោកខាងលិច និងការរស់នៅរបស់ពួកគេ ។</p>
<p><a class="thickbox" title="" href="/FileManager/Commons/2014/8/30/did-someone-say-tomato-pill-1-30-08-2014--08-51-06.jpg"><img src="/FileManager/Articles/mce/2014/8/30/did-someone-say-tomato-pill-1-30-08-2014--08-51-06.jpg" alt="" /></a></p>
<p>តាមការសិក្សាស្រាវជ្រាវ បានបញ្ជាក់ថា ក្រុមបុរស ចំនួន ១,៨០៦នាក់ ដែលមានអាយុចន្លោះពី ៥០ និង ៦៩ឆ្នាំ ពួកគេភាគច្រើនមានរោគមហារីកក្រពេញ ។</p>
<p>ក្រុមអ្នកស្រាវជ្រាវ បាន រកឃើញថា ផ្លែប៉េងប៉ោះពិតជាអាចជួយទប់ស្កាត់ ជំងឺមហារីកក្រពេញ បាន ១៨ ភាគរយមែន នៅពេលដែល បុរស ទាំងឡាយ បានទទួលទាន វាក្នុង១សប្តាហ៍ចំនួន ១០ ចំណិត នោះ ៕</p>
<p style="text-align: right;">ប្រភព ៖ ដើមអម្ពិល ស៊ិនហួរ</p>