<p><span style="color: #000000;">ព័ត៌មានអន្តរជាតិ ៖ យោងតាមការគូសបញ្ជាក់ដោយផ្ទាល់ ពីមន្រ្តីសុខាភិបាល នៅថ្ងៃសុក្រនេះ សរ បញ្ជាក់ក្តែងៗអោយដឹងថា ជនរងគ្រោះ វ័យ ៧២ ឆ្នាំ ម្នាក់ ទៀត ហើយ បាន ស្លាប់បាត់បង់ជីវិត នៅ កូរ៉េខាងត្បូង ដោយសារតែការវាយប្រហារ ពីវីរុសផ្លូវដង្ហើម Mers មានដើមកំណើតពី មជ្ឈឹមបូពាហ៍ </span></p>
<p><span style="color: #000000;"><a class="thickbox" title="" href="/FileManager/Commons/2015/6/12/50-12-06-2015--14-11-19.jpg"><img src="/FileManager/Articles/mce/2015/6/12/50-12-06-2015--14-11-19.jpg" alt="" /></a><br /></span></p>
<p><span style="color: #000000;">គួររំឮកថា ករណីស្លាប់ ជនរងគ្រោះម្នាក់ទៀត នៅថ្ងៃសុក្រនេះ បាននាំអោយតួរលេខសរុបនៃជនរង គ្រោះស្លាប់ កើនឡើងដល់ ១១ នាក់ ហើយ ស្រប ពេល ដែល ចំនួនជនរងគ្រោះឆ្លង ៤ នាក់បន្ថែម ទៀតនៅថ្ងៃសុក្រនេះ បានញ៉ាំងអោយតួរលេខ ពលរដ្ឋកូរ៉េខាងត្បូង ឆ្លងវីរុស Mers សរុប កើនឡើង ដល់ ១២៦ នាក់ ហើយ មកពីជុំវិញ ប្រទេស ។ ស្ថិត នៅ ក្នុងវ័យ ៧២ ឆ្នាំ ជនរងគ្រោះស្លាប់ទី ១១ ម្នាក់នេះ គឺជាលោកយាយ ចំណាស់ម្នាក់ ដែល បានឆ្លងវីរុស ពីមន្ទីរពេទ្យមួយកន្លែង ភាគខាងត្បូង ទីក្រុង សេអ៊ូល ។ </span></p>
<p><a class="thickbox" title="" href="/FileManager/Commons/2015/6/12/51-12-06-2015--14-11-28.jpg"><img src="/FileManager/Articles/mce/2015/6/12/51-12-06-2015--14-11-28.jpg" alt="" /></a></p>
<p><span style="color: #000000;">គួររំឮកថា បណ្តាប្រទេសនៅក្នុង តំបន់ បានចេញ សេចក្តី ប្រកាស អាសន្ន ភ្លើងក្រហម ហាមមិន អោយពលរដ្ឋខ្លួនធ្វើដំណើរទៅកាន់ កូរ៉េខាងត្បូង នោះទេ បើសិនជាគ្មានការចាំបាច់ ក្នុងនោះ មាន ដូចជារដ្ឋាភិបាលទីក្រុង ហុងកុង ដែលបានធ្វើសេចក្តី ប្រកាស អាសន្ន កាលពីម្សិលមិញ ។ បន្ថែម ពីលើនេះ ប្រភព ពី CNA ដដែល លើកឡើងអោយ ដឹងថា ការកក់សំបុត្រយន្តហោះ តាមក្រុមហ៊ុន អាកាសចរណ៍ Cathay Pacific ទៅកាន់ប្រទេស កូរ៉េខាងត្បូង មានការធ្លាក់ចុះ ព្រោះ រអារ នឹងជម្ងឺ ផ្លូវដង្ហើម ប្រភេទនេះ ។ មិនត្រឹមតែប៉ុណ្ណោះ ប្រធានាធិបតី កូរ៉េខាងត្បូង លោកស្រី Park បានពន្យា ពេលធ្វើដំណើរទស្សនកិច្ចផ្លូវការរបស់ខ្លួនទៅ កាន់ សហរដ្ឋអាមេរិក ដើម្បី បង្ហាញវត្តមាននៅក្នុង ស្រុកជាការឆ្លើយតបទៅនឹងការផ្ទុះឡើងនូវវីរុស ប្រភេទនេះ ៕</span></p>
<p><span style="color: #000000;"><span style="color: #0000ff;"><a href="/News/Detail/27408/south-korea-reports-14-new-mers-cases-takes-total-to-122" target="_blank"><span style="color: #0000ff;">- អាន ៖ អាសន្ន ៖ ស្រ្តីមានផ្ទៃពោះម្នាក់ ឆ្លងវីរុស Mers ម្នាក់ទៀតហើយ ខណៈស្លាប់កើនដល់ ៩ នាក់</span></a></span><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព៖ CNA </span></p>