<div class="article-content">
<p><strong>-ជនរងគ្រោះធ្វើការ នៅក្រុមហ៊ុន ជីពម៉ុង<br /></strong></p>
<p><strong>ភ្នំពេញ ៖</strong> បុរសម្នាក់ ដែលគេមិនទាន់ ស្គាល់អត្តសញ្ញាណ ត្រូវបានសមត្ថកិច្ច អះអាង ថា បានបើកម៉ូតូ ទៅបុករបាំងចែកទ្រូងផ្លូវ បណ្តាលឲ្យដួលម៉ូតូ ហើយដាច់ក្បាល កាលពីវេលាម៉ោងប្រមាណ ១០៖២០ នាទី យប់ថ្ងៃទី២៨ ខែមករា ឆ្នាំ២០១៤ ស្ថិតនៅតាម ផ្លូវសហព័ន្ធរុស្ស៊ី មុខផ្សារពោធិ៍ចិនតុង ខណ្ឌ ពោធិ៍សែនជ័យ ។</p>
<p>សាក្សីនៅកន្លែង កើតហេតុបានឲ្យដឹងថា មុនពេលកើតហេតុ គេបានឃើញបុរស២នាក់ ជិះម៉ូតូម៉ាក សេ១២៥ ពាក់ស្លាកលេខ កំពត 1D-0117 តាមបណ្តោយ ផ្លូវសហព័ន្ធរុស្ស៊ី រួចហើយស្រាប់តែ ដួលម៉ូតូ ក្រោយបុករនាំងដែក ចែកទ្រូងផ្លូវ បណ្តាលឲ្យក្បាលអ្នកបើកម៉ូតូ ត្រូវដាច់ធ្លាក់ពីលើស្មា រមៀលទៅ ក្បែររបងផ្ទះ ប្រជាពលរដ្ឋ នៅតាមដងផ្លូវ រីឯដងខ្លួន នៅកណ្តាលផ្លូវ ។</p>
<p>អធិការនគរបាល ខណ្ឌពោធិ៍សែនជ័យ លោក យឹម សារ៉ាន់ បានដកស្រង់សំដីជនរងគ្រោះជិះពី ក្រោយ មកបានថ្លែងបញ្ជាក់ឲ្យដឹងថា គ្រោះថ្នាក់ដ៏គួរឲ្យរន្ធត់នេះ បណ្តាលមកពីជនរងគ្រោះ ជាអ្នក បើកម៉ូតូ បានជ្រុលចង្កូតទៅបុក រនាំងដែកចែកទ្រូងផ្លូវ ទើបបណ្តាលឲ្យ ដួលនិងដាច់ក្បាល យ៉ាង ដូច្នេះ។</p>
<p>ក្រោយកើតហេតុ លោក យឹម សារ៉ាន់ បានបញ្ជាឲ្យមន្រ្តី នគរបាលមូលដ្ឋាន និងមន្រ្តីនគរបាល បច្ចេកទេស ចុះទៅត្រួតពិនិត្យ និងជួយអន្តរាគមន៍។</p>
<p>សេចក្តីរាយការណ៍ពីសមត្ថកិច្ច មូលដ្ឋាន បានឲ្យដឹងថា ជនរងគ្រោះដែលដាច់ក្បាល ធ្វើការងារ នៅក្រុមហ៊ុនជីពម៉ុង៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00738.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00736.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00737.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00739.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00740.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00741.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00742.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80024-2014-01-28-16-07-03.html"><span style="color: #0000ff;">ដើមអំពិល</span></a></p>
</div>