<div class="article-content">
<p><strong>បាដាដ៖</strong> ប៉ូលីស និងមន្រ្តីអ៊ីរ៉ាក់ បាននិយាយថា រលកនៃការវាយប្រហារ ដោយគ្រាប់បែក បាន<br />អង្រួនប្រទេសអ៊ីរ៉ាក់ជាថ្មី កាលពីថ្ងៃសុក្រទី១៧ ខែឧសភា បណ្តាលឲ្យមានអ្នកស្លាប់ យ៉ាងហោច<br />ណាស់ ៧៣នាក់ និង១៤៨នាក់ ទៀតរងរបួស។</p>
<p>ទីភ្នាក់ងារព័ត៌មានចិន ស៊ីនហួ បានផ្សាយនៅថ្ងៃសៅរ៍ ទី១៨ ខែឧសភា ដោយស្រង់សម្តី អភិ<br />បាលក្រុង លោក អាប់ឌុលឡា ហាយ៉ាលី ប្រាប់ស៊ីនហួថា «យ៉ាងហោចណាស់មនុស្ស ៤១នាក់ <br />ស្លាប់ និង៥៦នាក់ទៀតរងរបួស នៅក្នុងការបំផ្ទុះពីរ ដែលបានកើតឡើងតំណាលគ្នាក្នុងទីក្រុង<br /> បាគូបា ភាគខាងកើតខេត្ត ឌីយ៉ាឡា ប្រទេសអ៊ីរ៉ាក់ បន្ទាប់ពីមានការសូត្រហើយកាលពីថ្ងៃសុក្រ»។</p>
<p>លោកបន្តថា ការបំផ្ទុះគ្រាប់បែកចំនួនពីរតាមដងផ្លូវបានកើតឡើងនៅជិតវិហារឥស្លាម សារ៉ូយ៉ា <br />ក្នុងទីក្រុង បាគូបា ចម្ងាយ ៦៥គីឡូម៉ែត្រ ភាគឦសានរដ្ឋធានីបាដាដ ដោយបានវាយប្រហារទៅ<br />លើអ្នកកាន់សាសនាឥស្លាមនិកាយ សាន់នី ខណៈពួកគេចាកចេញពីព្រះវិហារបន្ទាប់ពីសូត្រធម៌<br />រួច។</p>
<p>បើតាមប្រភពពីប៉ូលីសបានឲ្យដឹងទៀតថា យ៉ាងហោចណាស់មនុស្ស ២២នាក់បានស្លាប់ និង<br />៥៧នាក់ទៀតរងរបួស នៅក្នុងការបំផ្ទុះតាមដងផ្លូវចំនួនបី កាលពីល្ងាចថ្ងៃសុក្រ ទី១៧ ខែឧសភា<br /> ដដែលនោះ នៅទីក្រុង បាដាដ ប្រទេសអ៊ីរ៉ាក់។ ចំណែកការបំផ្ទុះតាមដងផ្លូវមួយទៀត នៅសង្កាត់<br /> អាមីរីយ៉ា ភាគខាងលិចទីក្រុង បាដាដ បណ្តាល ឲ្យមនុស្ស ១៩នាក់ស្លាប់ និង៣២នាក់ទៀតរង<br />របួស។</p>
<p>គួរបញ្ជាក់ផងដែរថា ប្រទេសអ៊ីរ៉ាក់ក្នុងរយៈពេលថ្មីៗ ការវាយប្រហារដោយគ្រាប់បែកអត្តឃាត <br />បានកម្រើក ឡើងវិញ យ៉ាងខ្លំាង ដោយបានបណ្តាលឲ្យមានព្រួយបារម្ភថា ក្រុមភេរវជន និង<br />ក្រុមឧទ្ទាមប្រដាប់អាវុធ អាចបង្ក ទៅជាអំពើហិង្សានៅទូទំាងប្រទេស ជាពិសេសខណៈអ៊ីរ៉ាក់ <br />កំពុងព្យាយាមទប់ស្កាត់អំពើហិង្សា ដែលកំពុងបន្តការ ហែកហួរក្នុងប្រទេសជិតខាងខ្លួន គឺស៊ីរី។<br /> ចំណែការវាយប្រហារថ្មីៗនេះ មិនទាន់មានក្រុមណាមូយចេញមុខ អះអាងទទួលខុសត្រូវនោះទេ<br /> ប៉ុន្តែក្រុមភេរវជនអាល់កៃដា ក្នុងប្រទេសអ៊ីរ៉ាក់ តែងតែចេញមុខទទួលខុសត្រូវ សម្រាប់ការវាយ<br />ប្រហារធំៗក្នុងប្រទេសនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-264.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>