<div class="article-content">
<p><strong>ភ្នំពេញ ៖</strong> ម្ចាស់ផ្ទះសំណាក់ចំប៉ាមាស ពីរ នាក់ប្ដី-ប្រពន្ធ ប្ដីបានរងរបួសយ៉ាងធ្ងន់ធ្ងរ ដោយផុង<br />លលាដ៍ក្បាល រីឯប្រពន្ធដែលមាន ផ្ទៃពោះផងនោះ រងរបួសស្រាលនៅពេល ឃើញឈាមប្ដីហូរ<br />ច្រើនពេក បន្ទាប់ពីត្រូវ មេការ និងបុគ្គលិករបស់ខ្លួន៣នាក់ រៀបចំ ផែនការប្លន់ និងចង់ចាប់រំលោភ<br />ប៉ុន្ដែមិនទាន់បានសម្រេច ត្រូវបែកការណ៍ឮដល់ បុគ្គលិកផ្សេងទៀត និងប្រជាពលរដ្ឋក្បែរ ខាង<br /> ទាក់ទងទៅសមត្ថកិច្ចមកជួយអន្ដរា គមន៍ភ្លាមៗ ដោយឃាត់ខ្លួនជនសង្ស័យជា មេការ ហើយ<br />ត្រូវប្រជាពលរដ្ឋវាយមួយដៃ មួយជើងម្នាក់ស្ទើរស្លាប់ ។</p>
<p>ករណីថៅកែផ្ទះសំណាក់ចំប៉ាមាស ពីរ នាក់ប្ដី-ប្រពន្ធ ត្រូវបុគ្គលិករបស់ខ្លួនប្លន់ប៉ង យកទ្រព្យ<br />សម្បត្ដិ និងចង់ចាប់រំលោភថៅ កែស្រីដែលមានផ្ទៃពោះផងនោះ បានបង្ក ឱ្យមានការភ្ញាក់ផ្អើល<br /> នៅវេលាម៉ោងជិត១ រំលងអាធ្រាត្រឈានចូលថ្ងៃទី២២ ខែវិច្ឆិកា ឆ្នាំ២០១៣ ស្ថិតនៅក្នុងផ្ទះ<br />សំណាក់ចំប៉ាមាស ផ្លូវលេខ៤៣០ សង្កាត់ទួលទំពូលទី២ ខណ្ឌចំការមន ។</p>
<p>យោងតាមប្រភពព័ត៌មានពីសាក្សីនៅ កន្លែងកើតហេតុបានឱ្យដឹងថា នៅវេលា ម៉ោងខាងលើនេះ<br /> មានសំឡេងស្រែកឱ្យ ជួយចេញពីផ្ទះសំណាក់ចំប៉ាមាស ទាំង កណ្ដាលយប់ បង្កឱ្យមានការភ្ញាក់<br />ផ្អើលរួច ដឹងដល់សមត្ថកិច្ចមូលដ្ឋាន ចុះមកជួយអន្ដ រាគមន៍ភ្លាមៗ ហើយឃាត់បានជនសង្ស័យ ជាមេការនៅពេលដែលរូបគេខំរត់ផ្លោះរបង ប៉ុន្ដែ ត្រូវជាប់ជើងនឹងបន្លាលួសសំយ៉ុង ក្បាលចុះមក<br />ក្រោម ធ្វើឱ្យប្រជាពលរដ្ឋដែល ចោមរោមមើលវាយមួយដៃមួយជើងម្នាក់ ទម្រាំសមត្ថកិច្ចទៅដល់ <br />ស្ទើរក្ស័យខ្លួនរួច ហើយសមត្ថកិច្ច បានយកកាំជណ្ដើរដាក់ ឡើងដោះរូបគេចេញពីបន្លាលួសមក<br />ក្រោម ដឹកយកទៅព្យាបាល ដើម្បីមានវិធានការ នៅពេលក្រោយ ខណៈដែលជនសង្ស័យ២នាក់<br /> ផ្សេងទៀតបានរត់គេចខ្លួនបាត់ស្រមោល ។ក្រោយពីចុះទៅជួយអន្ដរាគមន៍ និងសួរនាំ ជុំវិញ<br />ករណីនេះសមត្ថកិច្ចមូលដ្ឋានបានបញ្ជាក់ ថា ថៅកែប្រុសដែលរងរបួសធ្ងន់ផុងលលាដ៍ ក្បាល<br />ដោយសារជនសង្ស័យទាំង៣នាក់ វាយនឹងចបជីក ឈ្មោះ ទីង គួយ អាយុ៤៤ ឆ្នាំ រីឯប្រពន្ធរង<br />របួសស្រាល ឈ្មោះ លី ហុយ អាយុ ២៦ឆ្នាំ ។ ដោយឡែកមេការផ្ទះសំ ណាក់ ដែលត្រូវចាប់ខ្លួន<br />នោះឈ្មោះ ជុំ ភារៈ អាយុ ២២ឆ្នាំ រីឯបក្ខពួក២នាក់ផ្សេងទៀត ដែលរត់គេចខ្លួនម្នាក់ឈ្មោះឌី និង<br />ម្នាក់ទៀត ឈ្មោះ ធា ។</p>
<p>ជុំវិញករណីប្លន់ និងប៉ងចាប់រំលោភថៅ កែស្រីផ្ទះសំណាក់ ចំប៉ាមាសរបស់ខ្លួនខាងលើ នេះ<br /> នាយនគរបាលប៉ុស្ដិ៍ទួលទំពូងទី២លោក អ៊ឹង ដារ៉ា បានប្រាប់មជ្ឈមណ្ឌលព័ត៌មាន ដើមអម្ពិល<br />តាមសំដីជនរងគ្រោះ និងសាក្សី ឱ្យដឹងថា មុនពេលកើតហេតុជនសង្ស័យទាំង ៣នាក់ ដែល<br />បានរៀបចំផែនការរួចរាល់ ហើយនោះ បាននាំគ្នាអង្គុយផឹកស៊ីនៅក្នុង បរិវេណផ្ទះសំណាក់ ។<br /> រួចហើយជនសង្ស័យ ម្នាក់បានយកលុយទៅឱ្យថៅកែក្នុងបន្ទប់ ពេលនោះពួកគេទាំង៣នាក់ <br />បានយកចប ជីកទៅវាយថៅកែប្រុស បណ្ដាលឱ្យរងរបួស ធ្ងន់រួចហើយសម្លុតស្ដ្រីជាភរិយាឱ្យ<br />យកខ្សែ ចងដៃប្ដីរបស់ខ្លួន ។ លោកនាយប៉ុស្ដិ៍បាន បន្ដថា ពេលនោះដោយខ្លាចការគំរាមកំហែង <br />និងសម្លុត ស្ដ្រីជាភរិយាបានយកខ្សែចងដៃ ប្ដីរបស់ខ្លួន ហើយជនសង្ស័យជាមេការប្រុង ធ្វើ<br />សកម្មភាពចាប់រំលោភថៅកែស្រី ប៉ុន្ដែ ត្រូវបានថៅកែប្រុស ដោះខ្សែចំណងពីដៃ ទាន់ ក៏ស្រែក<br />ឆោឡោឱ្យបុគ្គលិកស្រីផ្សេង ទៀតនៅក្នុងផ្ទះសំណាក់ជួយ ហើយហៅ សមត្ថកិច្ចមកជួយអន្ដ<br />រាគមន៍ ទើបបង្កឱ្យ មានការភ្ញាក់ផ្អើលតែម្ដង ។ ពេលនោះជន សង្ស័យ២នាក់ ម្នាក់ឈ្មោះ ឌី <br />និងធា បាន រត់គេចខ្លួនបាត់ ដោយឡែកមេការផ្ទះសំ ណាក់ ឈ្មោះ ជុំ ភារៈ ប្រុងរត់គេចខ្លួន<br />ដែរ ប៉ុន្ដែ ទាក់ជើងជាប់បន្លាលួសនៅលើរបង ធ្លាក់សំយ៉ុងក្បាលមកក្រោម ជាហេតុធ្វើឱ្យ <br />ប្រជាពលរដ្ឋ និងសមត្ថកិច្ចអាចចាប់បាន។</p>
<p>ជុំវិញទ្រព្យសម្បត្ដិ ដែលត្រូវជនសង្ស័យ ទាំង៣នាក់ប្លន់នោះត្រូវបាននាយនគរបាល ប៉ុស្ដិ៍ទួល<br />ទំពូងទី២អះអាងថា ជនសង្ស័យ ដែលត្រូវចាប់ខ្លួន បានសារភាពថា យកបាន ទូរស័ព្ទដៃ ៣<br />គ្រឿង និងលុយមួយចំនួនតូច ខណៈដែលជនរងគ្រោះ បានប្រាប់សមត្ថកិច្ច ថា អស់លុយជាង<br /> ២ម៉ឺនដុល្លារ ។ យ៉ាងណាក៏ដោយ ជនសង្ស័យជាមេការត្រូវបានឃុំខ្លួន ជាបណ្ដោះអាសន្ននៅ<br />អធិការដ្ឋាននគរបាល ខណ្ឌចំការមន ដើម្បីសួរនាំ និងកសាងសំណុំ រឿងបញ្ជូនទៅតុលាការ <br />ខណៈដែលប្ដី- ប្រពន្ធទាំងពីរនាក់ កំពុងសម្រាកព្យាបាលនៅគ្លីនិកឯកជន ។</p>
<p>ប្រជាពលរដ្ឋមួយចំនួន បានលើកឡើង ថា រឿងហេតុខាងលើនេះកើតឡើងដោយ សារតែ<br />ម្ចាស់ផ្ទះសំណាក់ទាំងពីរនាក់ប្ដី- ប្រពន្ធ ពេលយកបុគ្គលិកមកបម្រើការមិន បានមើលប្រវត្ដិ<br />រូប និងរើសឱ្យបានត្រឹមត្រូវ និងដឹងសវតារបស់ពួកគេ ទើបបង្កឱ្យមាន រឿងរ៉ាវដ៏ធ្ងន់ធ្ងរបែបនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0796.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0797.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0798.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>