<div class="article-content">
<p><strong>ភ្នំពេញ៖</strong> ក្រុមគ្រួសារមួយក្រុម ជិះក្នុងរថយន្តនីសាន់ មួយគ្រឿង ពណ៌ទឹកប្រាក់ ពាក់ស្លាកលេខ<br /> ភ្នំពេញ 2F-6930 បើកបរធ្វើដំណើរ តាមបណ្តោយផ្លូវជាតិ លេខ២ ក្នុងទិសដៅពីត្បូងមកជើង គឺ<br />ពីខេត្តតាកែវ ចូលរាជធានីភ្នំពេញ ខណៈបើកមកដល់ចំណុចរង្វង់មូលដីក្រហម ក្នុងសង្កាត់រលួស<br /> ខណ្ឌដង្កោ ក៏ត្រូវនគរបាល ដែលយាមនៅ គោលដៅនោះ ចាប់ឃាត់ដោយសង្ស័យថា រថយន្ត<br />មួយគ្រឿងនេះ ពាក់ព័ន្ធនឹងករណីបុក បុរសម្នាក់ នៅភូមិ ព្រែកស្លែង ស្រុកកណ្តាលស្ទឹង ខេត្ត<br />កណ្តាល កាលពីវេលាម៉ោង ២០នឹង០០នាទីយប់ ថ្ងៃទី១៩ ខែឧសភា ឆ្នាំ២០១៣។</p>
<p>ពាក់ព័ន្ធនឹងករណីខាងលើនេះ សមត្ថកិច្ចនៅមិនទាន់ អាចបញ្ជាក់ថា រថយន្តមួយគ្រឿងនេះ ពិត<br />ជាបានបុកមនុស្ស ស្លាប់ នៅស្រុកកណ្តាលស្ទឹង ពិតប្រាកដឬអត់ទេ ។ ប៉ុន្តែបើយោងទៅតាមប្រ<br />ភពព័ត៌មាន ពីសាក្សីដែលបានឃើញ ហេតុការណ៍ បាននិយាយរៀបរាប់ប្រាប់ សមត្ថកិច្ចថា នៅ<br />មុនពេលកើតហេតុ គេបានឃើញបុរសម្នាក់វ័យជាង ២០ឆ្នាំ ដើរឆ្លងកាត់ផ្លូវជាតិលេខ២ ត្រង់ចំ<br />ណុចកើតហេតុ ក៏ត្រូវរថយន្តដែលសមត្ថកិច្ចឃាត់ ខាងលើនេះ បើកបុក បណ្តាលឲ្យ បោកក្បាល<br />ស្លាប់ភ្លាមៗ នៅនឹងកន្លែងកើតហេតុ ហើយរថយន្តបានបើករត់ គេចខ្លួនរហូតមកដល់ រង្វង់មូល<br /> ដីក្រហម ទើបសមត្ថកិច្ចឃាត់រថយន្ត និងអ្នកបើកបរទៅតាម ការអះអាងរបស់សាក្សីដែលបាន<br />ឃើញ ហេតុការណ៍ជាក់ស្តែង។</p>
<p>គួរបញ្ជាក់ថាក្នុងរថយន្តនីសាន់មួយគ្រឿងខាងលើនេះ មានអ្នករួមដំណើរចំនួន៨នាក់ ក្មេង៤នាក់<br /> ហើយភាគច្រើនសុទ្ធតែជាស្រី ជាពិសេសអ្នកបើកបររថយន្តនេះ ក៏ជានារីផងដែរ។ ម្ចាស់រថយន្ត<br />ដែលត្រូវសមត្ថកិច្ចឃាត់បាន និយាយប្រកែក យ៉ាងដាច់អហង្កាថា ខ្លួនមិនបានបើករថយន្ត បុក<br />មនុស្សស្លាប់ ដូចការរៀបរាប់របស់សាក្សី ខាងលើឡើយ ។ ទោះបីជាយ៉ាងណាក៏ដោយ សមត្ថ<br />កិច្ចបានសម្រេច ឃាត់រថយន្តខាងលើនេះ យកទៅកាន់ អធិការដ្ឋាននគរបាល ស្រុកកណ្តាល<br />ស្ទឹង ដើម្បីពិនិត្យស្លាកស្នាម និងស្រាវជ្រាវតាមសាក្សី ដែលបានឃើញ ហេតុការណ៍ជាក់ស្តែង ។</p>
<p>ប្រភពព័ត៌មានពីមន្រ្តីនគរបាលមួយរូប បាននិយាយថា រថយន្តខាងលើនេះ ទំនងជាន់ដានរថយន្ត<br />គេហើយ បើសមត្ថកិច្ចពិនិត្យលើទិដ្ឋភាពលើរថយន្តនោះ៕</p>
<p> </p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-287.jpg" alt="Photo by DAP-News" width="400" /></p>
<p style="text-align: center;"><img title="" src="http://image.dap-news.com:81/dap-news/dap-images/2013/May/id-078/Lay-285.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-286.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-284.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-283.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>