<p>កាលពីវេលាម៉ោងប្រមាណ ១០ និង២០នាទីព្រឹកថ្ងៃទី១៨ ខែកក្កដា ឆ្នាំ២០១២នេះ ជនសង្ស័យ<br /> ដែលគេមិនស្គាល់ អត្តសញ្ញាណម្នាក់ បានកញ្ឆក់យកកាំភ្លើងអាកាពីមន្រ្តីនគរបាល ដែល កំពុង<br />ជិះម៉ូតូល្បាតនៅតាមដងផ្លូវ យកទៅបាញ់រះលើម្ចាស់ផ្ទះលក់គ្រឿងភេសជ្ជៈបណ្តាលឲ្យរបួស២<br />នាក់ រួច ហើយក៏បាញ់សម្លាប់ខ្លួនឯងតាមក្រោយ ដែលករណីនេះ បានកើតឡើងដោយគេនៅ<br />មិន ទាន់ដឹងពីមូលហេតុនៅឡើយនោះទេ។</p>
<p> <a class="thickbox" title="" href="/FileManager/Commons/2012/7/18/532399429724127078527637760555n-18-07-2012--11-35-57.jpg"><img src="/FileManager/Articles/mce/2012/7/18/532399429724127078527637760555n-18-07-2012--11-35-57.jpg" alt="" width="455" height="339" /></a></p>
<p>តាមប្រភពព័ត៌មានពីកាសែតដើមអម្ពិលបានឲ្យដឹងថា នៅមុនពេលកើតហេតុខណៈដែលមន្រ្តី<br /> នគរបាលមូលដ្ឋាន បានស្ពាយកាំភ្លើងអាកាជិះម៉ូតូដើរល្បាតមកដល់ចំណុចកើតហេតុ ស្រាប់តែ<br /> គេឃើញជនសង្ស័យ ដែលឈរនៅទីនោះ ស្ទុះទៅកញ្ឆក់យកកាំភ្លើងពីមន្រ្តីនគរបាល ហើយរត់<br /> ចូលទៅក្នុងផ្ទះលក់គ្រឿងភេសជ្ជៈធ្វើ ការបាញ់ប្រហារទៅលើម្ចាស់ផ្ទះតែម្តង រួចហើយទើបបាញ់<br /> សម្លាប់ខ្លួនឯងតាមក្រោយ។</p>
<p><a class="thickbox" title="" href="/FileManager/Commons/2012/7/18/ch-0247-18-07-2012--11-36-24.jpg"><img src="/FileManager/Articles/mce/2012/7/18/ch-0247-18-07-2012--11-36-24.jpg" alt="" width="456" height="341" /></a></p>
<p>ករណីខាងលើបានកើតឡើង នៅក្នុងផ្ទះលក់ភេសជ្ជៈមួយកន្លែង ដែលមានយីហោម៉ូវហេង មាន<br />ទីតាំងនៅតាម បណ្តោយផ្លូវលេខ ២៧១ ស្ថិតក្នុងសង្កាត់ទំនប់ទឹក ខណ្ឌចំការមន ចំណុចមុខ<br />មន្ទីរពេទ្យរុស្ស៊ី។ សមត្ថកិច្ចបានឲ្យដឹងថា ស្ត្រីរងគ្រោះទាំងពីរនាក់ ឈ្មោះ ងួន ហេង អាយុ<br /> ៦០ឆ្នាំ ជាម្តាយបានស្លាប់ ក្រោយពីបញ្ជូនទៅសង្គ្រោះនៅមន្ទីរពេទ្យ និងកូនស្រីឈ្មោះ ឈួន<br /> ពិសី អាយុ ២៤ឆ្នាំ រងរបួសធ្ងន់ ត្រូវបានគេបញ្ជូនទៅសង្គ្រោះ នៅមន្ទីរពេទ្យរុស្ស៊ីភ្លាមៗផងដែរ<br /> ក្រោយពីកើតហេតុ។</p>
<p>ជនសង្ស័យមិនទាន់ត្រូវបានស្គាល់អត្តសញ្ញាណ និងមូលហេតុនៃករណីបាញ់ប្រហារខាងលើ<br />នេះឡើយ ដោយ សារតែជនបង្កបានបាញ់សម្លាប់ខ្លួនឯង។ </p>
<p style="text-align: right;">ដោយ៖ មិនា<br />ប្រភព៖ DAP news</p>