<p>ព័ត៌មានអន្តរជាតិ ៖ ពីរសប្តាហ៍មកហើយ ក្រោយការធ្លាក់ របស់ជើងហោះហើរ ម៉ាឡេស៊ី MH17 ហើយ សេចក្តីរាយការណ៍ព័ត៌មាន ពីក្រុម ជំនាញអូស្ត្រាលី ដែលកំពុងមានវត្តមាន នៅអ៊ុយក្រែន បាន អះ អាងថា សាកសពប្រមាណ ៨០នាក់ទៀត មិនទាន់ត្រូវបានយកចេញពីកន្លែងកើតហេតុ នៅឡើយទេ។</p>
<p><a class="thickbox" title="" href="/FileManager/Commons/2014/8/1/1405757597067jpg-620x349-01-08-2014--11-21-40.jpg"><img src="/FileManager/Articles/mce/2014/8/1/1405757597067jpg-620x349-01-08-2014--11-21-40.jpg" alt="" /></a></p>
<p>ការគ្រប់គ្រង បេសកកម្មរបស់ស្ថាប័នសន្តិសុខ និងសហប្រតិបត្តិការ នៅទ្វីបអឺរ៉ុប ហៅកាត់ថា OSCE បាននិយាយថា អ្នកជំនាញហូឡង់ និងអូស្រ្តាលីចំនួន ៤នាក់ កាលពីថ្ងៃព្រហស្បតិ៍ ម្សិលមិញនេះ បាន មក ដល់តំបន់ ធ្លាក់ យន្ដហោះ MH17 ម៉ាឡេស៊ី នៅភាគខាងកើតអ៊ុយក្រែន ហើយ ដើម្បីត្រួតពិនិត្យ និង ដាក់ ការស៊ើបអង្កេត។</p>
<p>ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី ០១ ខែ កក្កដា ឆ្នាំ២០១៤ នេះឲ្យដឹងថា ក្រុមអ្នក ជំនាញ ត្រូវបានទទួលស្វាគមន៍ដោយ OSCE នៅ អ៊ុយក្រែន ហើយក្រុមនេះ បានប្រើ វិធានការថ្មីដើម្បី ទៅដល់តំបន់កើតហេតុនោះ ។ ការប្រយុទ្ធគ្នារវាងរដ្ឋាភិបាលអ៊ុយក្រែន និងក្រុមបះបោរទាមទារឯក រាជ្យភាព នៅក្នុង តំបន់ មិនបាន អនុញ្ញាតឲ្យក្រុមអ្នកស៊ើបអង្កេត អន្ដរជាតិ ចូលទៅដល់តំបន់នោះ ឡើយ ពីមុនមក។</p>
<p><a class="thickbox" title="" href="/FileManager/Commons/2014/8/1/4-01-08-2014--11-22-04.jpg"><img src="/FileManager/Articles/mce/2014/8/1/4-01-08-2014--11-22-04.jpg" alt="" /></a></p>
<p>មិនមានការបញ្ជាក់ណាមួយជាផ្លូវការ នៃការវិវឌ្ឍខាងលើនោះទេពីអាជ្ញាធរអ៊ុយក្រែន ហើយ នៅព្រឹក ថ្ងៃសុក្រ ទី០១ ខែសីហានេះ រដ្ឋសភា អ៊ុយក្រែន នឹងបោះឆ្នោត ដើម្បីអនុញ្ញាតឲ្យ ក្រុមអ្នកស៊ើបអង្កេត អន្ដរជាតិ ទទួលបាន សម្ភារៈយោធា ទៅកាន់តំបន់ធ្លាក់យន្តហោះ MH17 ដែលត្រូវបានគេជឿថា ស្ថិត នៅក្រោមការគ្រប់គ្រងរបស់ ក្រុមសកម្មប្រយុទ្ធ។ បេសកកម្មទាំង ៨ របស់អ្នកស៊ើបអង្កេតអន្ដរជាតិ គឺ ដើម្បីពិនិត្យមើលតំបន់នេះ និងរុករកសាកសព ដែលនៅសល់។</p>
<p><a class="thickbox" title="" href="/FileManager/Commons/2014/8/1/mh17-osce-2991952b-01-08-2014--11-22-14.jpg"><img src="/FileManager/Articles/mce/2014/8/1/mh17-osce-2991952b-01-08-2014--11-22-14.jpg" alt="" /></a></p>
<p>ទោះបីជារដ្ឋាភិបាលអ៊ុយក្រែនបាននិយាយថា ប្រតិបត្តិការស្រាវជ្រាវនៅតំបន់ធ្លាក់យន្ដហោះ ត្រូវបាន បំពេញរួមរាល់ក៏ដោយ ក៏ក្រុមអ្នកឃ្លាំមើលអន្ដរជាតិ បានបដិសេធថា នៅមានភស្តុតាង នៃការ បន្ដ បាត់ខ្លួន មនុស្ស នៅក្នុងតំបន់នោះថែមទៀត ។</p>
<p style="text-align: right;">ប្រែសម្រួល ៖ កុសល<br />ប្រភព ៖ ដើមអម្ពិល និង ស៊ិនហួរ</p>