<p><strong>កំពង់ចាមៈ</strong>នគរបាលស្រុកតំបែ បានឃាត់ខ្លួនបុរសម្នាក់ ពីបទប៉ុនប៉ងរំលោភ សេពសន្ថវៈលើ<br />នារីរងគ្រោះ ខណៈនារីរងគ្រោះ កំពុងលង់លក់ក្នុងផ្ទះរបស់នាង កាលពីវេលាម៉ោង១ និង៣០<br />នាទី រំលងអធ្រាត្រ ចូលថ្ងៃទី២៤ ខែកក្កដា ឆ្នាំ២០១៣ នៅភូមិស្រែកក់ ឃុំត្រពាំងព្រីង ស្រុក<br />តំបែ ខេត្តកំពង់ចាម។ ជនសង្ស័យមានឈ្មោះ ផាត សុវី ភេទប្រុស អាយុ២២ឆ្នាំ មានទីលំនៅ<br />ក្នុងភូមិកើតហេតុ ជាមួយនារីរងគ្រោះ ដែរ។</p>
<p>អធិការរងនគរបាលស្រុកតំបែ លោក សៀ ម៉េងស៊ា បានប្រាប់ឲ្យដឹងថា នៅយប់កើតហេតុក្នុង<br />វត្តមួយ ស្ថិតក្នុង ភូមិកើតហេតុមានកម្មវិធីចាក់ធុងបាស់ រាំកំសាន្ត។ ហើយនារីរងគ្រោះ ឈ្មោះ <br />ក.ញ អាយុ១៨ឆ្នាំ ក៏មានវត្តមានទៅមើលគេនៅទីនោះដែរ។ លុះដល់យប់អធ្រាត្រនារីរងគ្រោះ<br /> ក៏បានវិលត្រឡប់មកផ្ទះ លុះពេលនាងលង់លក់ ក្នុងតំណេក ស្រាប់តែជនសង្ស័យ បានចាប់<br />នាង បម្រុងរំលោភសេពសន្ថវៈ ប៉ុន្តែនាងបានដឹងខ្លួននិងស្រែក ទើប បន្ទាប់មក មានប្អូនប្រុស<br /> និងអ្នកជិតខាងមក ចាប់ជនសង្ស័យបានរួច រាយការណ៍ជូនសមត្ថកិច្ច។</p>
<p>ក្នុងករណីខាងលើនេះ ជនសង្ស័យឈ្មោះ ផាត សុវី បានសារភាព មុខសមត្ថកិច្ចថា នៅវេលា<br />ម៉ោង១យប់រំលងអធ្រាត្រនោះ ខ្លួនបានលូនចូលទៅសម្ងំដេកក្រោមគ្រែរបស់នារីរងគ្រោះ លុះ<br />ពេលឃើញនាងដេកលក់ ខ្លួនបាន យកដៃស្ទាបអង្អែល ខ្លួនប្រាណរបស់នាង ហើយភ្លាមនោះ<br /> នារីនោះ ក៏ស្រែកឆោឡោឡើង ហើយខ្លួនក៏បានយក ដៃខ្ទប់មាត់ តែខ្ទប់ខុសមាត់របស់នាង <br />ទើបអ្នកក្នុងផ្ទះភ្ញាក់ឡើង ហើយខ្លួនបានរត់ចេញតាមទ្វារមុខហើយក្រុមគ្រួសាររបស់នាងបាន<br />ចាប់ជាប់ ប្រគល់ខ្លួនឲ្យសមត្ថកិច្ចតែម្តង។</p>
<p>លោកអធិការរង បានបន្តថា ជនសង្ស័យ ត្រូវសមត្ថកិច្ច កសាងសំណុំរឿង ទៅតាមនិតិវិធី <br />បញ្ជូនទៅសាលា ដំបូងខេត្តកំពង់ចាម ដើម្បីចាត់ការទៅតាមផ្លូវច្បាប់៕ </p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0477.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>