<p><span style="color: #0000ff;"><a href="/News/Detail/69327/social-news-cambodia" target="_blank"><span style="color: #0000ff;">អាន៖ </span></a><a href="/News/Detail/69327/social-news-cambodia" target="_blank"><span style="color: #0000ff;">ព្រៃផ្សៃ ៖ បុរសជនជាតិកូរ៉េ សម្លាប់ប្រពន្ធ ជាជនជាតិខ្មែរ និងកូនក្នុងផ្ទៃ៧ខែ តាមរូបភាព គ្រោះថ្នាក់ ចរាចរណ៍ ព្រោះចង់បានលុយ ពីក្រុមហ៊ុនធានារ៉ាប់រង ជិត៩លានដុល្លារ</span></a></span></p>
<p><span style="color: #000000;"><strong>ភ្នំពេញ៖ </strong>ក្រសួងការបរទេសកម្ពុជាប្រកាសថា ស្រ្តីខ្មែរដែលរៀបការជាមួយ ប្តីជនជាតិ កូរ៉េ ហើយស្លាប់ក្នុងគ្រោះថ្នាក់ចរាចរណ៍នោះ គឺប្តីមានចេតនាសម្លាប់ប្រពន្ធ ដើម្បី យកប្រាក់សំណងពីក្រុមហ៊ុនធានារ៉ាប់រង។</span></p>
<p><span style="color: #000000;">តាមការបញ្ជាក់ពីអ្នកនាំពាក្យក្រសួងការបរទេសកម្ពុជា លោក កុយ គួង កាលពីថ្ងៃទី២៧ ខែវិច្ឆិកា ឆ្នាំ២០១៤ បានឲ្យដឹងថា ក្រោយពេលកើតហេតុនគរបាលបាន ធ្វើការស្រាវជ្រាវ រកមូលហេតុនៃគ្រោះថ្នាក់ចរាចរណ៍នេះ ហើយបានរកឃើញថា ប្តីជនជាតិកូរ៉េមាន ចេតនា សម្លាប់ប្រពន្ធជាជនជាតិខ្មែរ តាមរូបភាពជាគ្រោះថ្នាក់ចរាចរណ៍កាលពីថ្ងៃទី២៣ សីហា ឆ្នាំ២០១៤ ដើម្បីបាន ប្រាក់សំណង ពីក្រុមហ៊ុនធានារ៉ាប់រងជីវិតរបស់ប្រពន្ធដែល មានចំនួនជិត៩លានដុល្លារ។</span></p>
<p><span style="color: #000000;">បច្ចុប្បន្ននគរបាលកូរ៉េបានចាប់ខ្លួនប្តីកំណាចឃោឃៅរូបនេះហើយ។</span></p>
<p><span style="color: #000000;">ស្រ្តីរងគ្រោះមានឈ្មោះ អ៊ី ស៊ីឡែន រស់នៅស្រុកក្រូចឆ្មា ខេត្តត្បូងឃ្មុំ បានរៀបការជា មួយបុរសកូរ៉េ តាំងពីឆ្នាំ២០០៨មកម្ល៉េះ ដែលមកទល់ពេលនេះ មានកូនស្រីម្នាក់អាយុ៥ឆ្នាំ ក្នុងថ្ងៃកើតហេតុកូនស្រីមិន នៅក្នុងរថយន្តជាមួយឪពុក-ម្តាយទេ ។</span></p>
<p><span style="color: #000000;">ក្រសួងក៏ជំរុញឱ្យស្ថានទូតនៅកូរ៉េ ដាក់ពាក្យបណ្តឹង ដើម្បីទារសំណងជូនក្រុមគ្រួសារ ជនរងគ្រោះផងដែរ។</span></p>
<p><span style="color: #000000;">ចំពោះករណីខាងលើនេះ លោកស្រីប្រធានាធិបតីនៃសាធារណរដ្ឋកូរ៉េមា នការចាប់អារម្មណ៍ យ៉ាងខ្លាំង ហើយទូរទស្សន៍កូរ៉េល្បីៗមួយចំនួន គ្រោងធ្វើដំណើរមកកម្ពុជា ដើម្បីថតនិងសម្ភាសន៍គ្រួសារសពស្រ្តីរងគ្រោះ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/28/msp-992-28-11-2014--12-47-13.jpg"><img src="/FileManager/Articles/mce/2014/11/28/msp-992-28-11-2014--12-47-13.jpg" alt="" /></a><br /></span></p>
<p style="text-align: right;"><span style="color: #000000;"><span>ផ្ដល់សិទ្ធិដោយ៖ ដើមអម្ពិល</span><br /></span></p>